ရနောင်းလူသတ်မှုကြောင့် ထောင်ချခံရသူမြန်မာလူငယ် ၄ ဦးအနက် ၁ ဦးလွတ်မြောက်
နန်းမြနဒီ
·
April 25, 2018
ထိုင်းနိုင်ငံ တောင်ပိုင်း၊ ရနောင်းခရိုင်၊ ရနောင်းမြို့မှာဖြစ်ပွားခဲ့တဲ့ လူသတ်မှုကြောင့် ထောင်ချခံရတဲ့ မြန်မာလူငယ် ၄ ဦးအနက် အသက်အငယ်ဆုံး လူငယ် ၁ ဦး ပြန်လည် လွတ်မြောက်လာပြီဖြစ်ပါတယ်။
ရနောင်းမြို့မှာ လွန်ခဲ့တဲ့ ၃ နှစ်လောက်က အက်ပန့်လ် (Apple) ဆိုသူ ထိုင်း-မြန်မာကပြား အထက်တန်းကျောင်းသူတဦး ထိုးသွင်းဒဏ်ရာပေါင်း ၁၇ ချက်နဲ့ သေဆုံးသွားခဲ့တဲ့ အမှုနဲ့ ပတ်သက်ပြီး မြန်မာအလုပ်သမားလူငယ် ၄ ဦးကို ပြီးခဲ့တဲ့ ဧပြီ ၁၉ ရက်မှာ ရနောင်းခရိုင်တရားရုံးက ထောင်ဒဏ်တွေ အသီးသီး ချမှတ်ခဲ့တာပါ။
ခရိုင်တရားရုံး စီရင်ချက်မှာ ဇော်လေး (အသက် ၂၅ နှစ်)က ထောင်ဒဏ် ၆ နှစ်၊ စိန်ဂတုံးက (အသက် ၂၀ နှစ်) က ထောင်ဒဏ် ၈ နှစ်နဲ့ သေဆုံးသူရဲ့ မိခင်အတွက် နစ်နာကြေးအရပ်ရပ် ဘတ်ငွေ ၈ သိန်း ၁ သောင်းစီ ပေးလျော်ဖို့ ချမှတ်လိုက်ပြီး လူငယ်တရားရုံးက ချမှတ်ခဲ့တဲ့စီရင်ချက်မှာတော့ မိုးဇင်အောင် (အသက် ၁၉ နှစ်)က ထောင်ဒဏ် ၄ နှစ်၊ ကျော်စိုးဝင်း (အသက် ၁၈ နှစ်) က ထောင်ဒဏ် ၂ နှစ်နဲ့ သေဆုံးသူရဲ့ မိခင်အတွက် နစ်နာကြေး ဘတ်ငွေ ၅ သိန်း ၇ သောင်း စီပေးဆောင်ဖို့ ချမှတ်ခဲ့တာပါ။
သူတို့ထဲက အသက်အသက်အငယ်ဆုံးဖြစ်သူ ကျော်စိုးဝင်းကတော့ နှစ်နှစ်လောက် အချုပ်ထဲမှာ နေခဲ့ရပြီးဖြစ်တဲ့အတွက် စီရင်ချက်ချတဲ့နေ့မှာဘဲ ပြန်လွတ်လာပြီး ပြီးခဲ့တဲ့ ၂၀ ရက်နေ့က မြန်မာပြည်ရှိ မိဘဆွေမျိုးလက်ထဲ ပြန်လည်ပို့ဆောင်ပေးခဲ့ပါတယ်။
မြန်မာလူငယ်တွေကို ကူညီပေးနေတဲ့ ထိုင်းတောင်ပိုင်းအခြေစိုက် ပညာရေးနဲ့ ဖွံ့ဖြိုးတိုးတက်ရေးဖောင်ဒေးရှင်းကကိုမင်းဦးက “ကျော်စိုးဝင်းကတော့ သူ့ကို ချုပ်နှောင်ထားတာ ၂ နှစ်ကျော်သွားတဲ့အတွက်ကြောင့် စီရင်ချက်က ပြည့်သွားတာပေါ့။ သူလွတ်တော့ ထိုင်းလ၀က ဘက်ကိုလွှဲပေးတယ်။ နောက်တခါ အစိုးရရှေ့နေတွေက မေးစရာရှိလို့ဆို ပြန်ခေါ်သွားရော၊ သူဟာ သက်ငယ်လည်းဖြစ်နေတာကြောင့် လ၀က လက်ထဲကြာကြာ မနေစေချင်လို့ နောက်တနေ့မှာ ကျနော်တို့လဲ မြန်မာသံရုံးအလုပ်သမားအရာရှိပါခေါ်ပြီး သူ့ကို အမြန်ဆုံး ပြန်လွှတ်ပေးဖို့ သွားပြောကြတယ်ခင်ဗျ။ ပြီးတော့ နေ့ခင်းပိုင်းမှာ အလုပ်သမား သံအရာရှိက ရနောင်းမြို့ ဆဖန်းပလာတံတားမှာ မိဘဆွေမျိုးတွေကို လွှဲပေးခဲ့ပါတယ်”လို့ပြောပါတယ်။
ဒီအမှုမှာ မြန်မာလူငယ်တွေ လူသတ်မှုကျူးလွန်ကြောင်း ခိုင်လုံတဲ့သက်သေ အထောက်အထားမရှိဘဲ စွပ်စွဲချမှတ်ခံရတာ၊ လူသတ်မှုမကျူးလွန်တဲ့အထောက်အထားတွေကို သေချာစစ်ဆေးအသုံးပြုခြင်းမခံရတာတွေကြောင့် ကျန်ရှိ မြန်မာလူငယ် ၃ ဦး လွတ်မြောက်ရေး အတွက် အမြင့်ဆုံးဋီကာတရားရုံးချုပ်မှာ တစ်လအတွင်း အယူခံတင်ဖို့ သက်ဆိုင်ရာရှေ့နေတွေနဲ့ တိုင်ပင်နေတယ်လို့ ကိုမင်းဦးက ပြောပါတယ်။
