ဥရောပ ကလပ်အသင်းတွေရဲ့ ဘောလုံးရာသီ ပြီးဆုံးဖို့ နီးကပ်လာတာနဲ့အမျှ ပြိုင်ပွဲတွေကလည်း နေ့စဉ်နဲ့အမျှ မြိုင်မြိုင်ဆိုင်ဆိုင် ကျင်းပနေပါတယ်။ ဥရောပရဲ့ ကလပ်အသင်းပြိုင်ပွဲတွေထဲမှာ အဆင့်အမြင့်ဆုံးဖြစ်တဲ့ ချန်ပီယံလိဂ် ဆီမီးဖိုင်နယ်ပွဲစဉ်တွေကို ဒီအပတ်ကျင်းပမှာဖြစ်ပြီး ပထမပွဲစဉ်အဖြစ် လာမယ့် ဧပြီ ၂၅ ရက် မြန်မာစံတော်ချိန် မနက် ၁း၁၅ နာရီမှာ လီဗာပူးနဲ့ ရိုးမား၊ ဧပြီ ၂၆ ရက် မနက် ၁း၁၅ နာရီမှာ ဂျာမန်ထိပ်သီး ဘိုင်ယန်မြူးနစ်နဲ့ လက်ရှိချန်ပီယံ ရီးရဲလ်မက်ဒရစ်တို့ တွေ့ဆုံယှဉ်ပြိုင်ကြမှာ ဖြစ်ပါတယ်။
လီဗာပူးတိုက်စစ်ကို ရိုးမား တောင့်ခံနိုင်ပါ့မလား
လီဗာပူးဟာ ချန်ပီယံလိဂ် ကွာတားဖိုင်နယ်အဆင့်မှာ ပြည်တွင်းပြိုင်ဘက်လည်းဖြစ်၊ အခုရာသီ ပရီးမီးယားလိဂ် အမှတ်ပေးချန်ပီယံဆု ဆွတ်ခူးထားတဲ့အသင်းလည်း ဖြစ်တဲ့ မန်စီးတီးကို နှစ်ကျော့လုံးအနိုင်ယူပြီး ဆီမီးဖိုင်နယ်ကို တက်ရောက်နိုင်ခဲ့တာပါ။ ကွာတားဖိုင်နယ် ပထမအကျော့ အိမ်ကွင်းမှာ လီဗာပူးက မန်စီးတီးကို ၃ ဂိုး ဂိုးမရှိ၊ ဒုတိယအကျော့ မန်စီးတီးကွင်းမှာလည်း ၂ ဂိုး ၁ ဂိုးနဲ့ အနိုင်ယူခဲ့တာ ဖြစ်ပါတယ်။
အခုရာသီမှာ လီဗာပူးအသင်းဟာ တိုက်စစ်မှူးတွေဖြစ်တဲ့ ဆာလက်၊ ဖာမီနို၊ မာနေးတို့ရဲ့ အတွဲအဖက်ညီညီ ခြေစွမ်းပြမှုနဲ့အတူ ပွဲစဉ်အတော်များများမှာ ဂိုးတွေသွင်းပြီး ပြိုင်ဘက်အသင်းတွေကို ဖိအားပေး အနိုင်ယူနိုင်ခဲ့တာ တွေ့ရပါတယ်။ ပြည်တွင်း ပရီးမီးယားလိဂ် ပြိုင်ပွဲမှာလည်း ပွဲစဉ် ၃၅ ကစားအပြီး အဆင့် ၃ မှာ ရပ်တည်နေတဲ့ လီဗာပူးတိုက်စစ်က ဂိုးပေါင်း ၈၀ အထိ သွင်းထားနိုင်ကာ ချန်ပီယံ မန်စီးတီးပြီးရင် ဒုတိယသွင်းဂိုးအများဆုံး အသင်းအဖြစ် ရပ်တည်ထားပါတယ်။ တချိန်တည်းမှာပဲ လီဗာပူး ခံစစ်ကလည်း ၃၇ ဂိုးအထိပေးထားရပြီး ပရီးမီးယားလိဂ် ထိပ်ဆုံးလေးသင်းထဲမှာ ပေးဂိုးအများဆုံးဖြစ်နေတာ တွေ့ရပါတယ်။ ဒါကြောင့် လီဗာပူးဟာ တိုက်စစ် ထက်မြက်သလောက် ခံစစ်ကလည်း ဂိုးတွေ ပေးနေရတတ်တာ သတိပြုရမှာပါ။
ရိုးမားအသင်းကလည်း ချန်ပီယံလိဂ် ကွာတားဖိုင်နယ်မှာ စပိန်လာလီဂါထိပ်သီး ဘာစီလိုနာလို အသင်းမျိုးကို ကျော်ဖြတ်လာတဲ့အတွက် လုံးဝ လျှော့တွက်လို့မရတာကတော့ သေချာလှပါတယ်။ ဘာစီလိုနာကို အဝေးကွင်းမှာ ၄ ဂိုး ၁ ဂိုးနဲ့ ရှုံးနိမ့်ခဲ့ပေမယ့် အိမ်ကွင်းမှာ ၃ ဂိုး ဂိုးမရှိနဲ့ ပြန်အနိုင်ယူပြီး အဝေးဂိုးစည်းမျဉ်းအရ ဒီအဆင့်ကို တက်လှမ်းနိုင်ခဲ့တာပါ။
လက်ရှိ ပြည်တွင်း စီးရီးအေ အမှတ်ပေးဇယားမှာ ရိုးမားဟာ အဆင့် ၃ မှာ ရပ်တည်နေပြီး တိုက်စစ်က ၅၅ ဂိုး သွင်းထားနိုင်ပါတယ်။ ဒါဟာ စီးရီးအေ ထိပ်သီးလေးသင်းထဲမှာ သွင်းဂိုးအနည်းဆုံးအသင်းအဖြစ် ရပ်တည်နေပြီး ခံစစ်ကလည်း ၂၇ ဂိုး ပေးထားရလို့ အပေါ်လေးသင်းထဲ ဒုတိယပေးဂိုးအများဆုံးအသင်း ဖြစ်နေပါတယ်။
ဒါပေမယ့်လည်း တိုက်စစ်မှူး ဒီဇက်ကို ဦးဆောင်နေတဲ့ ရိုးမားတိုက်စစ်ဟာ စွမ်းဆောင်ရည်တော့ မညံ့လှဘဲ ချန်ပီယံလိဂ် ပွဲစဉ်တလျှောက် အက်သလက်တီကိုနဲ့ပွဲစဉ်ကလွဲလို့ ကျန်ပွဲစဉ်တိုင်း ဂိုးသွင်းနိုင်တာကို တွေ့ရပါတယ်။
ဒီနှစ်သင်း ဥရောပအဆင့် ပြိုင်ပွဲတွေမှာ ထိပ်တိုက် ငါးကြိမ်တွေ့ဆုံထားရာ လီဗာပူးက နှစ်ပွဲနိုင်ပြီး ရိုးမားက တပွဲပဲ အနိုင်ရထားကာ နှစ်ပွဲ သရေကျထားတဲ့အတွက် ထိပ်တိုက်တွေ့ဆုံမှုမှာတော့ လီဗာပူးက အသာရထားပါတယ်။
လီဗာပူးအသင်းမှာ အမ်မရီကန်၊ လယ်လာနာနဲ့ မာတစ်တို့ ဒဏ်ရာကြောင့် ပါဝင်နိုင်ဖွယ် မရှိပေမယ့် ကျန်အဓိက ကစားသမား အစုံအလင်နဲ့ ပွဲထွက်လာမှာ ဖြစ်သလို ရိုးမားကလည်း အတောင့်တင်းဆုံး လူအင်အားနဲ့ ယှဉ်ပြိုင်မှာဖြစ်တဲ့အတွက် ကြည့်ကောင်းတဲ့ပွဲတပွဲ ဖြစ်လာမှာကတော့ သေချာလှပါတယ်။
ပထမအကျော့ အိမ်ကွင်းမှာ ယှဉ်ပြိုင်ရတဲ့ လီဗာပူးအသင်းက အသာစီးရအောင် ဖိအားပေး ကစားမှာဖြစ်ပြီး တိုက်စစ်လည်း ထက်မြက်တာမို့ ဂိုးရနိုင်သလို ရိုးမား တိုက်စစ်ကလည်း မညံ့လှတဲ့အတွက် နှစ်သင်းအပြန်အလှန် သွင်းဂိုးတွေနဲ့ အိမ်ရှင်လီဗာပူးအသင်း အနိုင်ရအောင် စွမ်းဆောင်သွားလိမ့်မယ်လို့ ယူဆမိပါတယ်။
အစဉ်အလာအားသာတဲ့ ရီးရဲလ်ကို ဘိုင်ယန် ကျော်ဖြတ်နိုင်ပါ့မလား
ဧပြီ ၂၆ ရက် မနက် ၁း၁၅ မှာ ယှဉ်ပြိုင်မယ့် ဂျာမန်ထိပ်သီး ဘိုင်ယန်မြူးနစ်နဲ့ လက်ရှိ ချန်ပီယံ ရီးရဲလ်မက်ဒရစ်တို့ပွဲစဉ်ကတော့ ပရိသတ်တွေ စောင့်မျှော်နေတဲ့ ပွဲကြီးပွဲကောင်း ဖြစ်လာဖို့ ရှိနေပါတယ်။
ဘိုင်ယန်မြူးနစ်ဟာ လက်ရှိ အသင်းလိုက် စွမ်းဆောင်ရည်နဲ့ ကစားပုံ တည်ငြိမ်မှုရှိနေတာ တွေ့ရပြီး ပြည်တွင်းအမှတ်ပေးချန်ပီယံဘွဲ့ ဆွတ်ခူးပြီးဖြစ်သလို ဂျာမန် ပိုကယ်ဖလားမှာလည်း နောက်ဆုံးဗိုလ်လုပွဲကို တက်ရောက်ထားပြီးဖြစ်လို့ ဖလားသုံးလုံး လမ်းကြောင်းပေါ်မှာ ရှိနေတာပါ။
ဘိုင်ယန်မြုးနစ်ဟာ ကွာတားဖိုင်နယ်မှာ စပိန် လာလီဂါကလပ် ဆီဗီလာကို အဝေးကွင်းမှာ ၂ ဂိုး ၁ ဂိုးနဲ့နိုင်၊ အိမ်ကွင်းမှာ ဂိုးမရှိသရေရလဒ်နဲ့ ကျော်ဖြတ်နိုင်ခဲ့တာ ဖြစ်ပါတယ်။ ဒီရလဒ်တွေအရတော့ ဘိုင်ယန်မြူးနစ်ဟာ ဆီဗီလာကို ရလဒ်ပိုင်းအရ ပြတ်ပြတ်သားသား အနိုင်မရခဲ့တာ တွေ့ရပါတယ်။
လက်ရှိချန်ပီယံ ရီးရဲလ်မက်ဒရစ်ကတော့ ကွာတားဖိုင်နယ်မှာ အီတလီထိပ်သီး ဂျူဗင်တပ်နဲ့ တွေ့ဆုံခဲ့တာဖြစ်ပြီး အဝေးကွင်းမှာ ၃ ဂိုး ဂိုးမရှိနဲ့ အနိုင်ရခဲ့ပေမယ့် အိမ်ကွင်းမှာ ၃ ဂိုး ပြန်ပေးရပြီး သရေကျမလိုဖြစ်နေရာက နောက်ဆုံးမိနစ်မှာရတဲ့ ပယ်နယ်တီနဲ့ ဒီအဆင့်ကို တက်လှမ်းနိုင်ခဲ့တာပါ။
ရီးရဲလ်မက်ဒရစ်ဟာ ပြည်တွင်း အမှတ်ပေးဇယားမှာ ထိပ်ဆုံးက ဘာစီလိုနာနဲ့ ၁၅ မှတ်ထိ ကွာဟနေပြီး အဆင့် ၃ နေရာမှာပဲ ရပ်တည်နေနိုင်လို့ ဒီရာသီ အမှတ်ပေးဖလားရဖို့ မဖြစ်နိုင်တော့ဘဲ တလုံးတည်းသော မျှော်လင့်စရာ ဆုဖလားအဖြစ် ချန်ပီယံလိဂ်ဖလားပဲ ကျန်တော့တာ ဖြစ်ပါတယ်။ နည်းပြ ဇီဒန်းအတွက်လည်း အနာဂတ်နည်းပြနေရာ တည်မြဲရေးအတွက် ဒီဖလားတလုံးက အသက်တမျှ အရေးပါလှပါတယ်။
ဒီနှစ်သင်း ဥရောပအဆင့်မှာ ထိပ်တိုက်တွေ့ဆုံခဲ့တဲ့ နောက်ဆုံးငါးကြိမ်မှာ ဘိုင်ယန်မြူးနစ် အသာမရခဲ့ဘဲ ရီးရဲလ်က လေးပွဲအထိနိုင်ထားပြီး တပွဲ သရေကျထားပါတယ်။ ဒါကြောင့်လည်း အစဉ်အလာ အားသာမှုရှိတဲ့ ရီးရဲလ်မက်ဒရစ်ပဲ ဒီတကြိမ်မှာလည်း အသာစီးရယူသွားနိုင်မလား ဆိုတာ စဉ်းစားစရာရှိပါတယ်။
ဒါပေမယ့် ရီးရဲလ်မက်ဒရစ်ဟာ ဒီရာသီ ယှဉ်ပြိုင်ခဲ့တဲ့ပွဲစဉ် အားလုံးနီးပါးမှာ ဂိုးရဖို့အတွက် တိုက်စစ်မှူး စီရော်နယ်ဒို တဦးတည်းအပေါ် မှီခိုနေရပြီး ရော်နယ်ဒို ပုံမှန်ခြေစွမ်းမရလို့ ဂိုးမသွင်းနိုင်ရင် နိုင်ပွဲရဖို့ ရုန်းကန်ရတတ်တာ တွေ့ရပါတယ်။
ဒဏ်ရာရ ပွဲပယ် ကစားသမားအနေနဲ့ ရီးရဲလ်မက်ဒရစ်မှာတော့ အထွေအထူးမရှိဘဲ အဓိက ကစားသမားတွေနဲ့ ပွဲထွက်နိုင်မှာဖြစ်ပေမယ့် ဘိုင်ယန်မှာတော့ အဓိကကွင်းလယ်လူ ဗီဒယ်နဲ့ ကိုးမန်းတို့ ဒဏ်ရာကြောင့် ပါဝင်ကစားနိုင်ဖို့ မသေချာတဲ့အတွက် ဘိုင်ယန်ကွင်းလယ် အနည်းငယ် အားနည်းနိုင်ပါတယ်။
ဘယ်လိုပဲဖြစ်ဖြစ် ဥရောပ ထိပ်သီးနှစ်သင်းရဲ့ ဒီအဆင့်မှာ တွေ့ဆုံလာမှုက စိတ်လှုပ်ရှားဖွယ်ဖြစ်ပြီး ဘိုင်ယန်မြူးနစ်ကလည်း အိမ်ကွင်းအားသာချက်နဲ့ အစဉ်အလာ ရလဒ်ဆိုးကနေ ရုန်းထွက် လက်စားချေနိုင်အောင် ကြိုးစားမှာဖြစ်သလို ရီးရဲလ်မက်ဒရစ်ကလည်း ဒီရာသီအတွက် တလုံးတည်းသော ဖလားမျှော်လင့်ချက်၊ လက်ရှိချန်ပီယံဆိုတဲ့ ဂုဏ်ပုဒ်ကို ကာကွယ်ဖို့ ရေကုန်ရေခန်း ယှဉ်ပြိုင်မှာ အသေအချာပါပဲ။
အသင်းကြီးတွေပီပီ တသင်းနဲ့တသင်း အမှားစောင့်ပြီး ထိန်းကစားလာနိုင်တဲ့အတွက် ဂိုးနည်းနည်းနဲ့ သရေကျသွားနိုင်သလို အနိုင်ရမယ့်အသင်းဆိုရင်တော့ နောက်ဆုံးလက်ကျန် ဖလားတလုံးအတွက် ဖောင်ဖျက် တိုက်ပွဲဝင်မယ့် လက်ရှိချန်ပီယံ ရီးရဲလ်မက်ဒရစ်ကိုပဲ ထင်မြင်မိပါတယ်။
စိုးကြည်သိန်း
