လေယာဉ်ပေါ်တွင် အိတ်ထဲဗုံးပါကြောင်း ပြောသည့် ဂျာမန်ခရီးသည်ကို ဖမ်းဆီးတရားစွဲခံရ

လိုအီခရိုင်ကနေ ဘန်ကောက်ကို ဧပြီ ၂၀ ရက်နေ့ မနက်သွားမယ့် နော့ (က်) အဲ လေယာဉ်ပေါ်မှာ ဂျာမန်အမျိုးသားတဦးက သူရဲ့လက်ဆွဲအိတ်ထဲမှာ ဗုံးတလုံးပါတယ်ဆိုပြီး ပြောလို့ လေယာဉ်ပေါ်က ဆင်းခိုင်းပြီး ရဲစခန်းကို ခေါ်ဆောင်သွားတယ်လို့ သိရပါတယ်။ မနက် ၁၀ နာရီခွဲ နော့ (က်) အဲလေယာဉ်ပေါ်က ခရီးသည် ၈၃ ဦးလုံး လေယာဉ်ပေါ်က ထွက်ခွာပြီး ကုန်ပစ္စည်းတင်တဲ့နေရာက ခရီးဆောင်အိတ်တွေအားလုံးကိုလည်း စစ်ဆေးဖို့ ဖယ်ရှားခဲ့တယ်တယ်လို့ ထိုင်းပီဘီအက်စ်သတင်းက ပြောပါတယ်။ ခရီးသည်တွေအားလုံးရဲ့ ခရီးဆောင်အိတ်တွေနဲ့ လက်ဆွဲအိတ်တွေအားလုံးကို စစ်ဆေးပြီး ပေါက်ကွဲပစ္စည်း မတွေ့သလို လေယာဉ်ပေါ်မှာ ဘယ်လိုသံသယဖြစ်စရာ ဗုံးမှမတွေ့လို့ ၁ နာရီကြာအပြီးမှာတော့ ဂျာမန်အမျိုးသားမပါဘဲ လေယာဉ်ပြန်ထွက်ခဲ့တယ်လို့ ဆိုပါတယ်။ အသက် ၄၉ နှစ်အရွယ် အမည်မဖော်ပြတဲ့ ဂျာမန်အမျိုးသားက ၂ နာရီကြာအောင် လေယာဉ်ထွက်ဖို့ စောင့်ခဲ့ရလို့ စိတ်ဖိစီးပြီး လေယာဉ်မယ်က ဘာများဖြစ်သေးလဲ မေးတဲ့အချိန် သူ့လက်ဆွဲအိတ်ထဲမှာ ဗုံးပါတယ်လို့ နောက်ပြောင်ပြောခဲ့တာလို့ ရဲကို ပြောပါတယ်။ ဂျာမန်အမျိုးသားပြောတာကို လေယာဉ်မယ်က လေယာဉ်မှူးကို အကြောင်းကြားခဲ့တာလို့ ဘန်ကောက်ပို့စ်သတင်းမှာ ဖော်ပြထားကြောင်း ကိုကိုးနက်သတင်းတပုဒ်မှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up