မိန်းမလျာ ၁၁ ဦး လာရောက်အရွေးခံသည့် ထိုင်းစစ်တပ် လူသစ်ရွေးပွဲ အထူးစည်ကား (ရုပ်သံ)

ထိုင်းနိုင်ငံ အရှေ့မြောက်ပိုင်းဒေသ ချိုင်းယဖုမ်းခရိုင် ထိုင်းတပ်သားသစ် စုဆောင်းရေး လူသစ်ရွေးချယ်ပွဲမှာ မိန်းမလျာ ၁၁ ဦးပါ လာပြီး အရွေးခံခဲ့ကြပါတယ်။ ချိုင်းယဖုမ်းခရိုင် ဘန့်ခေဝါ့မြို့နယ်ရုံးမှာ မနေ့ကပြုလုပ်တဲ့ တပ်သားသစ်ရွေးချယ်ရေး ပထမနေ့မှာ တကယ့်မိန်းမချောလေးလို လှပနေကြတဲ့ မိန်းမလျာတွေပါ ပါလာတာကြောင့် တပ်သားသစ်တွေ လာရောက်အားပေးတဲ့ မိဘပြည်သူတွေကြား လက်ခုပ်သံတွေနဲ့ အထူးစည်ကားခဲ့ပါတယ်။ အဲဒီ မိန်းမလျာ ၁၁ ဦးထဲမှာ မိန်းမအစစ်လိုဖြစ်အောင် ရင်သား၊ တင်သားတွေအပြင် အတွင်းအင်္ဂါတွေပါ ပြောင်းလဲထားသူတွေလည်း ပါဝင်ပါတယ်။ အထူးသဖြင့် အသက် ၂၁ နှစ်ရွယ် နောင့်နိင်း ခေါ် နိုင်းဖုဖုန်း ဖိမ်းဖားဆိုင်မှာ အပေါ်လွင်ဆုံးသူလေး ဖြစ်နေပါတယ်။ ဒါပေမယ့် အဲဒီမိန်းမလျာ ၁၁ ဦးလုံး နိုင်ငံ့သားကောင်းတာဝန် ထမ်းဆောင်ရန် အရည်အသွေး မမီသူတွေအဖြစ် ဒီနှစ်မှာ အပယ်ခံလိုက်ရပါတယ်။ သူတို့တွေဟာ နောက်တနှစ် ပြန်လာဖြေဆိုရမှာဖြစ်ပြီး သက်ဆိုင်ရာဆရာဝန်ရဲ့ ဆေးထောက်ခံစာ၊ အမျိုးသမီးအစစ်ကဲ့သို့ လိင်အသွင်ပြောင်းပြီးကြောင်း ထောက်ခံစာပါမှ စစ်သားအဖြစ် ဝန်ထမ်းဖို့ ကင်းလွတ်ခွင့်ရမှာ ဖြစ်ပါတယ်။ ထိုင်းနိုင်ငံမှာ အရွယ်ရောက်ပြီးသူ အမျိုးသားတိုင်း စစ်မှုမထမ်းမနေရဥပဒေ ပြဋ္ဌာန်းထားပြီး အမျိုးသားမှတ်ပုံတင်၊ အိမ်ထောင်စုစာရင်းမှာ (ကျား) ဖြစ်နေသ၍ စစ်ထဲဝင်ရမှာ ဖြစ်ပါတယ်။ အပြင်မှာ ခွဲစိတ်ပြုပြင် လိင်ပြောင်းထားပေမယ့်လည်း မှတ်ပုံတင်မှာ ပြင်ဆင်ခွင့်မရသေးပါဘူး။ ဒါကြောင့် ပြဋ္ဌာန်းထားတဲ့ ဥပဒေအရ မိန်းမလျာတွေပါ လာရောက် လူရွေးခံနေရတာပါ။ မနေ့က တပ်သားသစ်အဖြစ် လာရောက်အရွေးခံသူပေါင်း ၃၀၉ ဦးရှိပေမယ့် ဒီတပ်ဖွဲ့အတွက်တော့ ၁၀၁ ဦးသာ စိစစ်လက်ခံမယ်လို့ သတင်းမှာ ဖော်ပြပါတယ်။ အဲဒီထဲက လူရွယ် ၅ ဦးကတော့ စိတ်ရောလူပါ တပ်ထဲဝင်ဖို့ ဆုံးဖြတ်ချက် အခိုင်အမာရှိသလို ကြံ့ခိုင်သန်မာတာကြောင့် လက်မှတ်နီ (အရွေးခံရ)၊ လက်မှတ်နက် (အရွေးမခံရ) မဲနှိုက်စရာမလိုဘဲ အလိုလိုအောင်ပြီးသားဖြစ်တယ်လို့ သတင်းမှာ ဖော်ပြသွားပါတယ်။ ရုပ်သံ - sanook.com

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up