အောင်စန်းပွင့် ဇာတ်သဘင်အဖွဲ့ကား ဂွမြို့ရိုးတွင် ချောက်ထဲ ထိုးကျ၊ ၆ ဦး သေဆုံး
DVB
·
April 3, 2018
ရခိုင်ပြည်နယ်၊ ဂွမြို့၊ ဗေဒါစစ်ဆေးရေးဂိတ်အနီးမှာ အောင်စန်းပွင့် ဇာတ်သဘင်အဖွဲ့ စီးနင်းလာတဲ့ ကားတစီး ပေ ၅၀၀ ကျော်လောက်ရှိတဲ့ ချောက်ထဲကို ထိုးဆင်းသွားတာကြောင့် ကားပေါ်မှာပါလာတဲ့ ဇာတ်အဖွဲ့သား ၆ ဦး သေဆုံးသွားပါတယ်။
အောင်စန်းပွင့် ဇာတ်အဖွဲ့ဟာ ဂွမြို့နယ်၊ ကြွေးချိုင်းကျေးရွာပွဲကအပြန် ဧပြီ ၂ ရက် ညနေ ၆ နာရီဝန်းကျင်လောက်က ဂွမြို့ ဗေဒါဂိတ်အနီး ဂွရိုးပေါ်မှာ ကားဘရိတ်ပေါက်ပြီး ချောက်ထဲကို ထိုးကျသွားတာလို့ ဂွမြို့နယ် ထာဝရမေတ္တာ နာရေးကူညီမှုအသင်း အတွင်းရေးမှူး ကိုသော်တာက ဒီဗွီဘီကို ပြောပါတယ်။
“မနေ့က ကြွေးချိုင်းကျေးရွာမှာ ဇာတ်အဖွဲ့ ကပြီးလို့အပြန်မှာ မနေ့ည ၆ နာရီလောက် ဖြစ်တာပါ။ ပေ ၅၀၀ ကျော်လောက်နက်တဲ့ ချောက်ထဲကို ထိုးကျသွားတာ။ ကားဘရိတ်ပေါက်ပြီး ထိုးကျသွားတာ။ မှောက်တဲ့နေရာမှာပဲ အမျိုးသမီး ၄ ယောက် ဆုံးသွားတယ်။ အမျိုးသား ၁ ယောက် ဆုံးသွားတယ်။ အမျိုးသမီး ၁ ယောက်ကတော့ ဆေးရုံမှာ ဆုံးသွားပါတယ်။ အားလုံး စုစုပေါင်း ၆ ဦး”
ကားမတော်တဆမှုမှာ ထိခိုက်ဒဏ်ရာရခဲ့ကြတဲ့ အောင်စန်းပွင့် ဇာတ်အဖွဲ့သား ကျန် ၂၆ ဦးကတော့ ဂွမြို့နယ် ပြည်သူ့ဆေးရုံမှာ အရေးပေါ်ဆေးကုသမှု ခံယူနေရတယ်။
ဒီကိစ္စနဲ့ပတ်သက်လို့ ဂွမြို့နယ်ရဲစခန်းကို ဒီကနေ့မနက်ပိုင်းက ဒီဗွီဘီက ဆက်သွယ်ခဲ့မယ့် ဆက်သွယ်လို့ မရခဲ့ပါဘူး။
သတင်း-ဝဏ္ဏခွာညို၊ ဓာတ်ပုံ- ကိုသော်တာ