ရေးမြို့နယ်တွင် လှေလုပ်ငန်းပိုင်ရှင်က ရေလုပ်သား ၂၃ ဦးကို တရားစွဲ

မွန်ပြည်နယ် ရေးမြို့နယ်က လှေလုပ်ငန်းပိုင်ရှင်တဦးက ရေလုပ်သား ၂၃ ယောက်ကို လှေမီးရှို့တယ်လို့ စွပ်စွဲပြီး တရားစွဲဆိုထားပါတယ်။ တရားစွဲခံရတဲ့ ရေလုပ်သားအဖွဲ့ခေါင်းဆောင် ဦးသန်းအေးက “ရေလုပ်သားတွေက လှေကို မီးရှို့တယ်ဆိုပြီး လုပ်ငန်းရှင်ကအမှုဖွင့်တာ လုပ်အားခမရှင်းပေးချင်လို့ပါ။ အမှုဖွင့်တာ မဖြစ်သင့်ဘူး။ လုပ်အားခရဖို့အတွက်တော့ ဥပဒေအရ ဆက်လက်ရင်ဆိုင်သွားပါမယ်”လို့ ပြောပါတယ်။ တရားစွဲတဲ့ ရေလုပ်ငန်းရှင် ဦးအောင်ကျော်စိုးကတော့ ရေလုပ်သားတွေရဲ့ လုပ်ခလစာတွေကို ညှိနှိုင်းဖျန်ဖြေရေးအဖွဲ့ရဲ့ အဆုံးအဖြတ်နဲ့အညီ ရသင့်ရထိုက်တာကို ပြန်လည်ရှင်းပေးသွားမယ်လို့ ပြောပါတယ်။ ရေလုပ်သားနဲ့ အလုပ်ရှင်အကြား ပြဿနာကို  မြို့နယ်ညှိနှိုင်းဖျန်ဖြေရေးအဖွဲ့က ကူညီဖြေရှင်းပေးသွားမှာ ဖြစ်သလို လှေမီးလောင်မှုနဲ့ပတ်သက်ပြီး အမှုမှန်ပေါ်ပေါက်ရေးအတွက်လည်း မတ်လ ၂၉ ရက် မနက်က စတင်စစ်ဆေးနေပါတယ်။ သတင်း - နေမျိုးထွဋ် (ရေး)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up