မက္ကဆီကိုနယ်စပ်တွင် တည်ဆောက်ထားသည့် ရှေ့ပြေးတံတိုင်းပုံစံ ၈ မျိုးကို ထရမ့် ကြည့်ရှု

ဓာတ်ပုံ - ရိုက်တာ
အမေရိကန်သမ္မတ ဒေါ်နယ်ထရမ့်ဟာ ကယ်လီဖိုးနီးယားပြည်နယ် မက္ကဆီကိုနယ်စပ်မှာ တည်ဆောက်ထားတဲ့ ရှေ့ပြေးတံတိုင်း ပုံစံ ၈ မျိုးကို မတ်လ ၁၃ ရက်နေ့က သွားရောက် ကြည့်ရှုခဲ့ပါတယ်။ ထရမ့်ဟာ ရွေးကောက်ပွဲ မဲဆွယ်စဉ်ကာလက တရားမဝင် နိုင်ငံခြားသား ဝင်ရောက်မှုနဲ့ မူးယစ်ဆေးတားဆီးဖို့အတွက် သူအာဏာရတဲ့အခါ နယ်စပ်တံတိုင်းတွေ တည်ဆောက်မယ်လို့ ကတိပြုခဲ့ပါတယ်။ တံတိုင်းပုံစံတွေကို ကြည့်ရှုစဉ် သမ္မတထရမ့်က “ဒီနေ့ ကျနော်တို့ ရှေ့ပြေးတံတိုင်း ပုံစံအမျိုးမျိုးကို ကြည့်ရှုခဲ့ပါတယ်။ မီဒီယာတွေလည်း မြင်တွေ့ခဲ့ပါတယ်။ တချို့တံတိုင်းတွေက အတော်လေး ကောင်းပါတယ်။ တချို့က သိပ်မကောင်းပါဘူး။  စိတ်ဝင်စားစရာ ကောင်းတာက အကောင်းဆုံးဖြစ်တိုင်း ကုန်ကျစရိတ် အများဆုံးဖြစ်စရာ မလိုပါဘူး” လို့ ပြောကြားခဲ့ပါတယ်။ သမ္မတထရမ့်ဟာ တံတိုင်းတည်ဆောက်ရေးအတွက် အောက်လွှတ်တော်ကနေ ရန်ပုံငွေ ၁၈ ဘီလီယံ တောင်းခံထားပေမယ့် တင်းကျပ်တဲ့ လူဝင်မှုကြီးကြပ်ရေး ကန့်သတ်ချက်တွေနဲ့ ပတ်သက်ပြီး အဲဒီရန်ပုံငွေကိစ္စဟာ အငြင်းပွားစရာဖြစ်နေကြောင်း ရိုက်တာသတင်းအရ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up