ကြားဖြတ်ရွေးကောက်ပွဲဝင်ပါတီများနှင့် ကော်မရှင်တွေ့ဆုံ
DVB
·
May 22, 2012
ကြားဖြတ်ရွေးကောက်ပွဲမှာ ဝင်ရောက်ယှဉ်ပြိုင်ခဲ့တဲ့ နိုင်ငံရေးပါတီတွေက ခေါင်းဆောင်တွေနဲ့ ပြည်ထောင်စုရွေးကောက်ပွဲကော်မရှင် ဥက္ကဋ္ဌတို့ နေပြည်တော်မှာ တွေ့ဆုံခဲ့ကြပါတယ်။
ဧပြီ ၁ ရက် ကြားဖြတ်ရွေးကောက်ပွဲရဲ့ အားနည်းချက်၊ အားသာချက်တွေကို ဆွေးနွေးကြတာလို့ မြန်မာအမျိုးသားကွန်ဂရက်ပါတီ ဥက္ကဋ္ဌ ဦးကောင်းမြင့်ထွဋ်က ဒီဗွီဘီကို ပြောပါတယ်။
“ဒီနေ့မနက် ၁၀ နာရီမှာ ပြည်ထောင်စုရွေးကောက်ပွဲ ကော်မရှင်ရုံးခန်းမမှာ ကြားဖြတ်ရွေးကောက်ပွဲ ဝင်ခဲ့ကြတဲ့ နိုင်ငံရေးပါတီတွေက ခေါင်းဆောင်တွေနဲ့ ရွေးကောက်ပွဲကော်မရှင် ဥက္ကဋ္ဌ၊ အဖွဲ့ဝင်တွေနဲ့ တွေ့တာပါ။ ဆွေးနွေးကြတာကတော့ ကြားဖြတ်ရွေးကောက်ပွဲရဲ့ အားနည်းချက်၊ အားသာချက်တွေကို ပါတီအသီးသီးက သုံးသပ်ကြတယ်။ အကြံပြု တင်ပြကြတယ်။ အဲဒါကို စာရွက်စာတမ်းနဲ့လည်း မှတ်တမ်းလုပ်တယ်။ အဲဒီမှတ်တမ်းကိုလည်း အစည်းအဝေးမှာ ဝေတယ်။ ဝိုင်းဝန်းအကြံပြု သုံးသပ်ကြတာပေါ့။”
ကြားဖြတ်ရွေးကောက်ပွဲမှာ ဝင်ရောက်ခဲ့ကြတဲ့ နိုင်ငံရေးပါတီ ၁၇ ပါတီက ပါတီခေါင်းဆောင်တွေနဲ့ ကြားဖြတ်ရွေးကောက်ပွဲမှာ တသီးပုဂ္ဂလအဖြစ် ဝင်ရောက်ယှဉ်ပြိုင်ခဲ့တဲ့ မရမ်းကုန်မြို့နယ်က ဇောတိကသင်္ကန်းတိုက်ပိုင်ရှင် ဦးခင်လှိုင်လည်း တတ်ရောက်တယ်လို့ ဦးကောင်းမြင့်ထွဋ်က ပြောပါတယ်။
ပြီးခဲ့တဲ့ ကြားဖြတ်ရွေးကောက်ပွဲမှာ ပြဿနာတက်ခဲ့တဲ့ မဲစာရင်းအမှားအယွင်း ဖြစ်တာတွေနဲ့ ပတ်သက်ပြီး ပါတီအများစုက ဆွေးနွေးခဲ့ကြတယ်လို့ ဆိုပါတယ်။
“ပါတီတွေ တော်တော်များများ ဆွေးနွေးကြတဲ့ ပြဿနာတွေမှာ အကြီးကျယ်ဆုံး ပြဿနာက မဲစာရင်းမတိကျ၊ မမှန်ကန်တဲ့ ပြဿနာပါ။ အဲဒီပြဿနာနဲ့ ပတ်သက်လို့လည်း ကျနော်ကတော့ ဒါက လဝကတို့လို နိုင်ငံတော်အဆင့် စာရင်းအင်းဆိုင်ရာ တိတိကျကျ မလုပ်နိုင်တဲ့ မှားယွင်းမှု ပြဿနာတွေလို့ မြင်တယ်။ ဘာကြောင့်လဲဆိုတော့ ပြည်ထောင်စုရွေးကောက်ပွဲ ကော်မရှင်ကို နိုင်ငံတော်ရဲ့ အရင်းအမြစ်တွေက ပေးထားတာလေ၊ ဘဏ္ဍာတို့ လူတို့စသည်အားဖြင့်၊ စာရင်းအင်းဆိုင်ရာ အချက်အလက်တွေကလည်း အစိုးရအဖွဲ့က ထောက်ပံ့ရမှာပေါ့။ ဝန်ကြီးဌာနတွေက ထောက်ပံ့ရမှာ။ နဂိုကတည်းက ဝန်ကြီးဌာနတွေကလည်း စာရင်းအင်းဆိုင်ရာနဲ့ ပတ်သက်လို့ အားနည်းတယ်။ အဲဒီတော့ မှားယွင်းတဲ့ အချက်အလက်တွေပေါ် အခြေခံပြီး ပြည်ထောင်စု ရွေးကောက်ပွဲ ကော်မရှင်က ထုတ်ပြန်တဲ့ မဲစာရင်းဖြစ်နေတဲ့အတွက် မဲစာရင်းတွေက မတိကျ မမှန်ကန်တဲ့ကိစ္စတွေ ဒါကြောင့်ဖြစ်တယ်လို့ ဆွေးနွေးခဲ့ပါတယ်။”
ကြားဖြတ်ရွေးကောက်ပွဲမှာ မဲဆန္ဒနယ် ၄၃ နေရာရရှိတဲ့ အမျိုးသား ဒီမိုကရေစီအဖွဲ့ချုပ်က အတွင်းရေးမှူး ဦးဥာဏ်ဝင်းနဲ့ ဦးဟန်သာမြင့်တို့ တက်ရောက်တယ်လို့ သိရပါတယ်။