အကျဉ်းထောင်တွင်းထိ ရယ်မောခြင်းရသပေး ဖျော်ဖြေနိုင်သည့် ထိုင်းမစ္စတာဘင်းန် (ရုပ်သံ)

ထိုင်း မစ္စတာဘင်းန် (Mr. Bean) အဖြစ် နာမည်ကြီးနေတဲ့ ကွန်ပျူတာပညာရှင် အမျိုးသားဟာ နိုင်ငံတဝှမ်း ပရိသတ်တွေရဲ့ အားပေးမှုတွေ ရရှိခဲ့ပြီး ခုတခါမှာတော့ အကျဉ်းထောင်တွေထဲအထိ ရယ်မောပျော်ရွှင်စေအောင် စွမ်းဆောင်နိုင်ခဲ့ပြန်ပြီ ဖြစ်ပါတယ်။

အသက် ၄၃ နှစ်အရွယ် မွန်ကောလ် ပရီချာဂျန်ဟာ ဖူးခက်ဒေသမှ အိမ်ထောင်ရှင် အမျိုးသားတဦးဖြစ်ကာ ကမ္ဘာကျော် ဟာသသရုပ်ဆောင် မစ္စတာဘင်းန်လိုမျိုး အနီရောင်နက်ခ်တိုင်၊ အညိုရောင် ဘလေဇာကုတ်တထည် ဝတ်ဆင်ထားပြီး ခရီးဆောင် သေတ္တာတလုံးနဲ့ တက်ဒီဝက်ဝံရုပ်တရုပ်ကို ကိုယ်နဲ့မကွာ ထားလိုက်ရင်ကိုပဲ တကယ့်ကို မစ္စတာဘင်းန်လို ခံစားရစေမှာပါ။

သူဟာ ပြီးခဲ့တဲ့ ၂၀၁၆ ခုနှစ်က နာမည်ကြီး ရုပ်သံအစီအစဉ်တခုဖြစ်တဲ့ Thailand’s Got Talent TV Show မှာ ပါဝင်ခဲ့ပြီးနောက်မှာ တရှိန်ထိုး နာမည်ကြီးလာခဲ့တာ ဖြစ်ပါတယ်။

သူ့ရဲ့ မစ္စတာဘင်းန်ပုံစံ တုပသရုပ်ပြမှု ရုပ်သံဗွီဒီယိုဖိုင်ဟာ ယူကျုဘ် အင်တာနက်စာမျက်နှာပေါ်မှာ ညတွင်းချင်း ဝင်ရောက်ကြည့်ရှုသူ ၅ သန်းကျော်ရှိခဲ့ပြီး လူသိများလာခဲ့တာပါ။

လက်ရှိမှာတော့ မွန်ကောလ်ဟာ ထိုင်းနိုင်ငံတဝှမ်း ဖျော်ဖြေသရုပ်ပြမှုတွေ လုပ်ဆောင်နေပြီး အောင်မြင်နေပြီ ဖြစ်ပါတယ်။

ဗြိတိန် ဟာသ သရုပ်ဆောင် ရိုဝမ်အက်တ်ကင်ဆန်ရဲ့ မစ္စတာဘင်းန်ဇာတ်ကောင်ဟာ အသံမပါဘဲ ကိုယ်ဟန်အမူအရာ လှုပ်ရှားမှုချည်း သက်သက်နဲ့သာ ဖျော်ဖြေရတာမို့ ကမ္ဘာတလွှား ဘာသာစကား အဟန့်အတားမရှိဘဲ အောင်မြင်သွားခဲ့တာပါ။

မွန်ကောလ်ကတော့ သူ့ရဲ့ ဆယ်ကျော်သက် ငယ်ဘဝတည်းက မစ္စတာဘင်းန် အသည်းစွဲ ပရိသတ်တဦးဖြစ်ခဲ့ကာ သူ့လို တုပသရုပ်ပြနိုင်ဖို့ မှန်ရှေ့မှာ မျက်ခုံးပင့်တာ၊ မျက်နှာကို အမျိုးမျိုး တွန့်ချိုး သရုပ်ပြတာမျိုးတွေကို နာရီပေါင်းများစွာ လေ့ကျင့်ခဲ့ရတယ်လို့ ဆိုပါတယ်။

“ဒါက တော်တော်ခက်တယ်ဗျ။ မစ္စတာဘင်းန်က စကားမပြောဘဲ မျက်နှာနဲ့ ခန္ဓာကိုယ် လှုပ်ရှားမှုတွေကတဆင့်ပဲ ဆက်သွယ်တာ။ အဲဒါက တော်တော်ကို လေ့ကျင့်ယူဖို့ ခက်ခဲပါတယ်။”

အခုလက်ရှိမှာတော့ ဘန်ကောက်မြို့ရဲ့ နာမည်ကြီး ရုပ်သံအစီအစဉ်တွေမှာသာမက အကျဉ်းထောင်တွေထဲထိ သူ့ရဲ့ဖျော်ဖြေမှုက ပြန့်လွင့်လာခဲ့ပြီ ဖြစ်ပါတယ်။

မကြာသေးခင်က နခွန်နရက်ခ်ခရိုင်တွင်း ရာနဲ့ချီတဲ့ အကျဉ်းသားတွေရှေ့မှာ ဖျော်ဖြေပေးခဲ့ပြီး ရယ်မောခြင်းရသတွေ ပေးနိုင်ခဲ့ပါတယ်။

“အဲဒီမှာ အရမ်းကို ရယ်စရာကောင်းတယ်။ ခုလို လာဖျော်ဖြေတာမျိုးက ကျနော်တို့စိတ်တွေကို အလင်းရောင်ထွန်းညှိပေးလိုက်သလိုပါပဲ” လို့ အကျဉ်းသားတဦးက ပြောပါတယ်။