ကျွန်းစုတွင် လေပြင်းတိုက် သစ်ပင်လဲကျပြီး ရဲဝန်ထမ်း ၁ ဦး အပါအဝင် ၃ ဦး သေဆုံး
DVB
·
February 8, 2018
တနင်္သာရီတိုင်း၊ မြိတ်ခရိုင်၊ ကျွန်းစုမြို့နယ်၊ ကပကျေးရွာအုပ်စု ပသုတ်ကျွန်းကျေးရွာမှာ ဖေဖော်ဝါရီ ၆ ရက် ညပိုင်းက ညောင်ပင်လဲကျလို့ နေအိမ်ပေါ်ရှိ လူ ၃ ဦး သေဆုံးခဲ့ပြီး ၄ ဦး ဒဏ်ရာရခဲ့ပါတယ်။
ကျွန်းစုမြို့နယ် ကပကျေးရွာအုပ်စု၊ ပသုတ်ကျွန်းကျေးရွာ ရွာပတ်ကမ်းစပ်လမ်းမှာ နေထိုင်တဲ့ လူနေအိမ်တလုံးပေါ်ကို ရုတ်တရက် လေပြင်းတိုက်ခတ်ပြီး နှစ်ပေါင်း ၁၀၀ ကျော် သက်တမ်းရှိတဲ့ ညောင်ပင် ပြိုလဲခဲ့တယ်လို့ ဒေသခံတွေက ပြောပါတယ်။
“ည ၁၁ နာရီကျော်ကျော်လောက်မှာပါ၊ အိမ်ပေါ်မှာ လူ ၇ ယောက် အိပ်နေပါတယ်။ မြေဆီလွှာတွေ ဆွေးမြည့်နေတဲ့ ညောင်ပင်က လေတိုက်ခတ်ရာကနေ လဲကျသွားပါတယ်။ အခင်းဖြစ်တဲ့ နေရာမှာပဲ ရဲဝန်ထမ်းတဦး၊ အသက် ၅ နှစ်အရွယ် မိန်းကလေးတဦး စုစုပေါင်း ၃ ဦး ထိခိုက်ဒဏ်ရာတွေနဲ့ သေဆုံးခဲ့တယ်’’ လို့ ကပရွာအုပ်ချုပ်ရေးမှူး ဦးမြင့်လွင်က ပြောပါတယ်။
ညောင်ပင် ပြိုလဲမှုကြောင့် ထိခိုက်ဒဏ်ရာရရှိခဲ့သူ လေးဦးကတော့ ကျွန်းစုမြို့နယ် ပြည်သူ့ဆေးရုံမှာ ဆေးကုသမှု ခံယူနေပြီး စိုးရိမ်စရာမရှိဘူးလို့ ပြောပါတယ်။
သတင်း - ဇော်ဇော်(မြိတ်)