A d v e r t i s e m e n t With Us

ထိုင်းမှ ကင်ဆာပျောက် တိုင်းရင်းဆေး လူသောင်းချီ လာယူသူများထဲ မြန်မာပါဝင်

ဓာတ်ပုံ - workpoint
ထိုင်းနိုင်ငံအလယ်ပိုင်း ပရကျင်းပူရီခရိုင် ဘန်တေချမြို့နယ်ထဲမှာ မော်ဆိုင်လို့ခေါ်တဲ့ တိုင်းရင်းဆေးဆရာတဦးမှ ကင်ဆာပျောက်ဆေး ဝေငှပေးနေတဲ့အတွက် သူ့ထံကို အပတ်စဉ် လူပေါင်းထောင်သောင်းမက အလုအယက် လာရောက်ကုသမှု ခံယူနေကြပါတယ်။ အဲဒီလို လာရောက်ကုသမှု ခံယူသူတွေထဲမှာ ထိုင်းလူမျိုးတွေတင်မက တရုတ်၊ မြန်မာ၊ လာအို၊ ကမ္ဘောဒီးယား စတဲ့ အိမ်နီးချင်းနိုင်ငံတွေကပါ ရောက်လာကြတယ်လို့ Work Point ထိုင်းသတင်းမှာ ဖော်ပြပါတယ်။ မော်ဆိုင် (ဆရာဝန်ဆိုင်) ခေါ် နိုင်းဆိုင်ချိုင်း ဟယ်လိုတ်တကွန်း ဆိုသူမှာ လျှပ်စစ်ရုံးက ဝန်ထမ်းဟောင်းတဦးဖြစ်ပြီး တိုင်းရင်းဆေးတွေအကြောင်း ကျွမ်းကျင်သူအဖြစ် အရပ်ထဲ နာမည်ကြီးကာ သူဟာ အပတ်စဉ် တနင်္ဂနွေ ပထမပတ်တိုင်း တိုင်းရင်းဆေးတမျိုးကို လူတဦး ၆ လုံးကျ အခမဲ့ဝေငှပေးခဲ့ပါတယ်။ သူ့ဆေးကို သောက်ရတဲ့သူတွေဟာ ကင်ဆာရောဂါ သက်သာကြောင်း တဆင့်စကားနဲ့ ကျော်ကြားလာတဲ့အတွက် လက်ရှိမှာ တလကို လူ  ၃ သောင်းကျော်ထိ ဆေးတွေ ဝေငှပေးခဲ့ရတယ်လို့ ဆိုပါတယ်။ သူဟာ အဲဒီဆေးကို ဝေငှရာမှာ ပထမဆုံး ကင်ဆာဝေဒနာသည် သံဃာနဲ့ သီလရှင်တွေ ဦးစားပေးပြီး ဒုတိယ တွန်းလှည်းနဲ့ ကိုယ်တိုင်လာတန်းစီတဲ့ အရေးပေါ်ဝေဒနာရှင်၊ အဲဒီနောက် ဆေးလာယူနေကျ ဝေဒနာရှင်ဟောင်းနဲ့ ဝေဒနာရှင်အသစ်ဆိုပြီး အဆင့်ဆင့် တန်းစီဝေငှပေးတာ ဖြစ်ပါတယ်။ ဒီကိစ္စနဲ့ပတ်သက်ပြီး ပရကျင်းပူရီမြို့နယ် ကျန်းမာရေးဌာန ဆရာဝန်ကြီးကတော့ မော်ဆိုင်ဝေငှနေတာဟာ ကင်ဆာပျောက်ဆေးမဟုတ်ဘဲ လူ့ခန္ဓာအတွက် ဖော်စပ်ထားတဲ့ အားဆေးတမျိုးသာဖြစ်ကြောင်း ပြောခဲ့ပါတယ်။ ဒါပေမယ့် လူတွေရဲ့ယုံကြည်မှုက လျော့မသွားဘဲ တိုးလို့သာ လာနေပြီး သူတို့မြို့မှာ ယာဉ်ကြောတွေ ပိတ်ဆို့တဲ့ထိ ဖြစ်နေပါတယ်။ မော်ဆိုင်ဟာ တရားဝင် တိုင်းရင်းဆေးသမားတော်ဖြစ်ဖို့ ပြီးခဲ့တဲ့နှစ် မေလ ၁၇ ရက်က မှတ်ပုံတင်ထားခဲ့ပေမယ့် ထိုင်းနိုင်ငံ တိုင်းရင်းဆေးသမားတော်အဖွဲ့ကတော့ သူ့မှာ လိုအပ်ချက်တွေ မပြည့်စုံသေးလို့ သတ်မှတ်ပေးလို့ မရသေးတဲ့အကြောင်း ထုတ်ပြန်ထားတယ်လို့ မန်နေဂျာအွန်လိုင်း ထိုင်းသတင်းက ဒီကနေ့ရက်စွဲနဲ့ ဖော်ပြသွားပါတယ်။

A d v e r t i s e m e n t With Us

More News
Up