တက္ကသိုလ်ကျောင်းဆရာများသမဂ္ဂ ယာယီ ဖွဲ့စည်း
DVB
·
May 9, 2012
တက္ကသိုလ်ကျောင်းဆရာများသမဂ္ဂကို မန္တလေးမြို့မှာရှိတဲ့ ရတနာပုံတက္ကသိုလ်၊ မန္တလေး တက္ကသိုလ်၊ မန္တလေး နိုင်ငံခြားဘာသာသင်တက္ကသိုလ်နဲ့ မန္တလေး အဝေးသင် တက္ကသိုလ်က တက္ကသိုလ်ဆရာတွေက ယာယီဖွဲ့စည်းထားတယ်လို့ အဲဒီအဖွဲ့မှာပါဝင်တဲ့ တက္ကသိုလ် ဆရာ တဦးက ပြောပါတယ်။
တက္ကသိုလ်ကျောင်းဆရာများသမဂ္ဂ တရားဝင်ပေါ်ပေါက်လာတဲ့အခါမှာ ဆရာ၊ ဆရာမ တွေရဲ့ အခွင့်အရေးအပြင် ဆရာ ဆရာမတွေနဲ့ ကျောင်းသားတွေ ပြဿနာတစုံ တရာဖြစ်ခဲ့ရင် လည်း ဒီသမဂ္ဂတွေက ဖြေရှင်းပေးနိုင်ဖို့ သမဂ္ဂထူထောင်ဖို့ ကြိုးစားနေသူတွေက မျှော်လင့် ထားတယ်လို့ ဆိ်ုပါတယ်။
ဆရာသမဂယာယီအဖွဲ့ဝင် တက္ကသိုလ် ဆရာတဦးက “ဒီတက္ကသိုလ်ဆရာ/ဆရာများ သမဂ္ဂဖြစ်လာပြီဆိုရင် ဆရာ/ဆရာမတွေရဲ့ အခွင့်အရေး တွေလည်း တောင်းဆိုသွားလို့ ရတယ်။ နောက် ဆရာ/ဆရာမတွေကနေပြီးတော့ ကျောင်းသား၊ ကိုယ်သင်ပေးနေတဲ့ သင်တန်းသား တွေအ ပေါ်မှာ မတရားသဖြင့် လုပ်တာကိုလည်း တက္ကသိုလ် ဆရာ/ဆရာမ အချင်းချင်း ညှိနှိုင်းဖြေရှင်းလို့ ရတယ်ပေါ့ဗျာ။ အဲဒါမျိုး ဖြစ်လာမယ်။ နောက် ကျနော်တို့က တယောက်နဲ့ တယောက် ပူးပေါင်းဆောင်ရွက်ပြီးတော့ ပညာရေးဟာ နိုင်ငံတော်က ရှေ့ကသွားတဲ့လမ်း စဉ်ချနေသလို နောက်ကလည်း ဘက်ညီပြီးတော့ လိုက်နိုင်အောင်လို့ အားလုံး ဖေးမထိန်း ကျောင်းပြီးတော့ သွားနိုင်မယ်လို့ ကျနော်တော့ ယူဆတယ်။”
တက္ကသိုလ်ဆရာ/ဆရာမများ သမဂ္ဂ ယာယီဖွဲ့ထားတဲ့အထဲမှာ ကိုယ့်စာသင်ခန်းထဲက ကျောင်း သားကို ငွေကြေးအခယူပြီးတော့ သင်ကြားတဲ့ဆရာဆရာမတွေကို သမဂ္ဂဝင်ခွင့်မပေးဘဲ ကန့်သတ်ထားသလို သမဂ္ဂမှာပါတဲ့ ဆရာ/ဆရာမတွေအနေနဲ့ အကျင့်သိက္ခာရော၊ စည်းကမ်းရှိဖို့ လိုကြောင်း စည်းကမ်းထုတ်ထားတယ်လို့သိရပါတယ်။
၁၉၆၂ ခုနှစ်က မြန်မာနိုင်ငံမှာ ဦးနေဝင်း (ကွယ်လွန်)ရဲ့ တော်လှန်ရေး ကောင်စီ အာဏာသိမ်းပိုက်ပြီးတဲ့ နောက်ပိုင်း ကျောင်းသားသမဂ္ဂတွေကို တရားဝင် ရပ်တည်လို့ မရခဲ့သလို ကျောင်းဆရာများ သမဂ္ဂကိုလည်း ဖွဲ့စည်းခွင့်မရခဲ့ပါဘူး။
အခု အစိုးရသစ်လက်ထက်မှာတော့ ကျောင်းသားနဲ့ အလုပ်သမား အဖွဲ့အစည်းတွေ ဖွဲ့စည်း တည်ထောင်နေကြရာမှာ မန္တလေးက ကျောင်းဆရာတွေကလည်း ခုလို အသင်းအပင်းဖွဲ့ဖို့ ခြေလှမ်းပြင်လာကြတာ ဖြစ်ပါတယ်။