ရန်ကုန်မြို့ လှိုင်မြစ်တဖက်ကမ်းမှာရှိတဲ့ ဆိပ်ကြီး၊ ဦးမြ၊ ငါးစင်စတဲ့ ရပ်ကွက်တွေမှာ ရာသီဥတုပူပြင်းမှုကြောင့် သောက်သုံးရေကန်တွေ ခန်းခြောက်ကုန်ပြီး သောက်ရေ ရှားပါးပြတ်လပ်မှုနဲ့ ကြုံတွေ့နေရတယ်လို့ ဒေသခံ ရွာသားတဦးက ပြောပါတယ်။
“ရပ်ကွက်မှာ ဆိတ်ကြီး၊ ဦးမြ၊ ငါးစင်ဆိုတာ ရေဆိုတာ ဒီဒေသမှာ ရေချိုဆိုတာ မထွက်ဘူး။ ရေငန်တွေကြီးပဲ၊ နှစ်တိုင်းဖြစ်နေတာ။ အဲဒီ ရေရှားပါးတဲ့ ပြဿနာကြောင့် ရပ်ကွက်မှာရှိတဲ့ ကလေးတွေ ဝမ်းလျှောကြတယ်။ တချို့ အသက်ဆုံးပါးသွားတဲ့အထိ ဖြစ်ကြတယ်။ ဒီရပ်ကွက်မှာ နှစ်စဉ်နှစ်တိုင်းဖြစ်နေတာ။”
အိမ်ထောင်စုပေါင်း ၂ ထောင်ကျော်လောက်ရှိတဲ့ ဒီရပ်ကွက်တွေအတွက် အစိုးရရဲ့ ရေပေးဝေရေးစနစ် ရှိပေမယ့် ဆိပ်ကမ်း အနီးအနားက အိမ်တချို့ပဲရေရပြီး အတွင်းပိုင်းနေရာက နေအိမ်တွေကတော့ ရေမရလို့ အခက်တွေ့နေကြရပါတယ်။
ဒီရေပြဿနာကို အစိုးရတာဝန်ရှိသူတွေအနေနဲ့ ရေပိုက်သွယ်တန်းပေးမှုတွေ ပိုမိုပြုလုပ်ပြီး ကူညီဖြေရှင်းပေးဖို့နဲ့ ရေအလှူရှင်တွေ လာရောက်လှူဒါန်းကြဖို့ ရပ်ကွက်သူ ရပ်ကွက်သားတွေက မျှော်လင့်နေကြပါတယ်။
အမျိုးသားဒီမိုကရေစီအဖွဲ့ချုပ်ကတော့ ရေသန့်ဘူးတွေကို လှေသံပန်းတွေနဲ့ သယ်သွားပြီး အဲဒီ ရပ်ကွက် ၃ မှာ တနိုင်တပိုင် သောက်ရေ သွားရောက် လှူဒါန်းနေတယ်လို့ ကြည့်မြင်တိုင်မြို့နယ် လူငယ်တာဝန်ခံ တဦးဖြစ်တဲ့ ကိုရန်နိုင်ထွန်းက ပြောပါတယ်။
“၅ ဂါလန် ရေသန့်ဘူးကြီး ၁ ဘူးကို တအိမ်နှုန်း လိုက်ဝေနေတယ်။ ၆ ရက်နေ့ကနေ စပြီး ဝေနေတာ။ အခုချိန်ထိ ဝေလို့မပြီးသေးဘူး။ လူက ၂၀ လောက်ရှိတယ်။ မြို့နယ်ပေါင်းစုံက အန်အယ်လ်ဒီ လူငယ်လေးတွေ စုပေါင်းပြီးတော့ ရေပြဿနာကို ဖြေရှင်းပေးနေတယ်။ တနေ့တာမှာ အိမ်ထောင်စု ၅၀၀ လောက်ကိုပဲ ဖြေရှင်းပေးနိုင်တယ်။ ရေသန့်ဘူး ၁ ဘူးဆီ လိုက်လိုက်ပို့တယ်။ တနေရာတည်းကို စုဝေလို့မရဘူး။ စုဝေလို့ရှိရင် အိမ်ထောင်စု တခုချင်းဆီကို ရေမရောက်ကြဘူး။ ရတဲ့လူရတယ်၊ မရတဲ့လူမရဘူး။ အဲဒီပြဿနာတွေ ဖြစ်မှာဆိုးလို့ ကျနော်တို့က တအိမ်ထောင်တဘူးဆီ လိုက်ပို့ပေးတာ။”
ဒီရပ်ကွက်တွေမှာ ရေပြဿနာအပြင် မီးပြဿနာလည်း ကြုံတွေ့နေရပြီး မနက် ၈ နာရီကနေ ည ၉ နာရီလောက် အထိ လျှပ်စစ်မီး နေ့စဉ်ပျက်နေတာ ရက်အတန်ကြာ ရှိနေတဲ့အကြောင်းနဲ့ ရပ်ကွက်အနီးနားက မြန်မာ့စီးပွားရေးဦးပိုင်ရဲ့ သင်္ဘော ဒေါက်ကျဉ်းမှာတော့ အမြဲ မီးလာနေတယ်လို့ ဒေသခံတွေက ပြောပါတယ်။
