ဒေါက်တာအေးမောင်နှင့်စာရေးဆရာဝေဟင်အောင်တို့ကို ရုံးထုတ်၊ လုံခြုံရေးတပ်ကျပ်
1.3K
ရသေ့တောင်မြို့မှာ ဒေါက်တာအေးမောင်နဲ့ စာရေးဆရာဝေဟင်အောင်တို့ကို ဒီနေ့ ပထမဦးဆုံးအကြိမ် ရုံးထုတ်စစ်ဆေးမှာဖြစ်ပြီး လုံခြုံရေးတပ်ဖွဲ့ဝင်တွေ အမြောက်အမြားချထားပါတယ်။
ရသေ့တောင်တမြို့လုံး နေရာတော်များများမှာ လုံခြုံရေးတပ်ဖွဲဝင်တွေ တပ်ကျပ်စွာချထားပြီး သတ်မှတ်နေရာတချို့ကို ဝင်ခွင့်မပေးပါဘူး။
ဒါ့အပြင် ချောင်းတစ်ဖက်ရသေ့တောင် ပြားချောင်းကြီး ကူးတို့လှေကိုလည်း လုံခြုံရေး တင်းကျပ်စွာချထားပြီး ပိတ်ထားပါတယ်။
ဒေါက်တာအေးမောင်နဲ့ စာရေးဆရာဝေဟင်အောင်တို့ကို ဒီကနေ့ မနက် ၆ နာရီ ၃၀ က စစ်တွေအကျဉ်းထောင်ကနေ စစ်တွေမြို့နယ် အမြင့်ကျွန်းတံတား ဆိပ်ကမ်း၊ အဲ့ဒီကနေ့တဆင့် ရဲအင်အားအပြည့် စက်လှေနဲ့ရသေ့တောင်ကို ခေါ်ဆောင်လာပါတယ်။
ရသေ့တောင်မြို့နယ်မှာ ကျင်းပခဲ့တဲ့ စာပေဟောပြောပွဲနဲ့ပတ်သက်ပြီး ဟောပြောသူ ဒေါက်တာအေးမောင်နဲ့ စာရေးဆရာ ဝေဟင်အောင်တို့ကို ရသေ့တောင်မြို့နယ် ရဲစခန်းက မတရားအသင်း အက်ဥပဒေပုဒ်မ ၁၇ (၁) နဲ့ အမှုဖွင့်အရေးယူထားပါတယ်။
