ထိုင်းလေဆိပ်တွင်း အုတ်အော်သောင်းတင်း ဖြစ်စေခဲ့သည့် စိန်ခြေချင်းနှင့် ကြက်မလေး

ထိုင်းလေဆိပ်တခုတွင်းမှာ စိန်ခြေချင်းတွေ ဝတ်ဆင်ထားခဲ့တဲ့ ကြက်မကလေးတကောင်ကြောင့် ခရီးသည်တွေကြားမှာ အုတ်အော်သောင်းတင်း ဖြစ်သွားခဲ့ရတယ်လို့ ဘန်ကောက်ပို့စ်သတင်းမှာ ဒီကနေ့ ဖော်ပြပါတယ်။ အသက် ၆၀ အရွယ် ကလျာနီယင်မ်ဆီရိအမည်ရ အမျိုးသမီးဟာ သူမ မွေးမြူထားတဲ့ ကြက်မလေးနဲ့အတူ တရုတ်မိတ်ဆွေတဦးကို တွေ့ဆုံဖို့ ဒီကနေ့မနက်ပိုင်းက သုဝဏ္ဏဘူမိလေဆိပ်ကို ရောက်လာခဲ့တာပါ။ အဲဒီအချိန်မှာ ကြက်မလေးရဲ့ ခြေထောက် နှစ်ဖက်စလုံးမှာ ဝတ်ဆင်ပေးထားတဲ့ စိန်ခြေချင်းတွေဟာ ကမ္ဘာလှည့်ခရီးသွားတွေအတွက် မျက်စိကျ စိတ်ဝင်စားစရာ ဖြစ်သွားခဲ့ပြီး သူမနဲ့ လာရောက်တွေ့ဆုံကာ ဓာတ်ပုံရိုက်တာတွေ၊ စကားပြောတာတွေ ပြုလုပ်ခဲ့ကြပါတယ်။ သတင်းမှာတော့ ဒီစိန်ခြေချင်းတွေရဲ့ တန်ဖိုးဟာ ဘတ်ငွေ ၅ သောင်းလောက်ရှိတယ်လို့ ဖော်ပြထားပါတယ်။ နောက်ဆုံးမှာတော့ လေဆိပ်တွင်းမှာ လူတွေ စုစုရုန်းရုန်း ဖြစ်လာတဲ့အတွက် သူ့ကို လေဆိပ်တာဝန်ကျ လုံခြုံရေးဝန်ထမ်းတွေက အဆောက်အအုံပြင်ပကို ခေါ်ထုတ်သွားခဲ့ရတာပါ။ ကြက်မလေးရဲ့ နာမည်ကိုတော့ ဂျော့ခ်လို့ သိရပြီး ငယ်စဉ်ကတည်းက မွေးမြူထားခဲ့တာလို့ ကလျာနီက ဆိုပါတယ်။ သူ့ရဲ့သမီးဖြစ်သူက ဒီကြက်ကလေးကို လမ်းဘေးတနေရာက ကောက်ရခဲ့ပြီးနောက် အိမ်ကို သယ်လာခဲ့ချိန်မှာ ကြက်မလေးဟာ နေမကောင်းဖြစ်နေခဲ့တာပါ။ အဲဒီနောက်မှာတော့ ကြက်မကလေးကို အိမ်မှာ ကောင်းကောင်း ပြုစုစောင့်ရှောက်ထားပြီး ခုလိုပဲ သူဘယ်သွားသွား ခေါ်ဆောင်သွားလေ့ရှိတယ်လို့ ကလျာနီက ပြောပါတယ်။ ကြက်မကလေးဟာ အိမ်ရဲ့ အသည်းကျော်လည်း ဖြစ်နေပြီး နေ့စဉ်သန့်စင် ရေချိုးပေးတာ၊ အစားကောင်းကောင်းစားစေပြီး ပြုစုစောင့်ရှောက်တာတွေ လုပ်ပေးထားတယ်လို့ သူက ဆိုပါတယ်။ “ထိုင်းလူမျိုးတွေရော၊ နိုင်ငံခြားသား ခရီးသွားတွေပါ လေဆိပ်မှာ ကျမရဲ့ ကြက်မလေးကို ချစ်ခင်ကြတဲ့အတွက် အရမ်းပျော်ရွှင်မိပါတယ်” လို့ ကလျာနီက ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up