A d v e r t i s e m e n t With Us

ပထမဆုံးအကြိမ် ကျင်းပမည့် ယူအီးအက်ဖ်အေ နေးရှင်းလိဂ် ပြိုင်ပွဲ

ဓာတ်ပုံ - ယူအီးအက်ဖ်အေ
ဥရောပဘောလုံးအဖွဲ့ချုပ် (ယူအီးအက်ဖ်အေ) က ပထမဆုံးအကြိမ် ကျင်းပမယ့် ဥရောပဘောလုံးအဖွဲ့ချုပ် နိုင်ငံတွေရဲ့ လိဂ်ပြိုင်ပွဲ (UEFA Nations Lague) အုပ်စုမဲခွဲရာ အင်္ဂလန်အသင်းဟာ စပိန်၊ ခရိုအေးရှားတို့နဲ့ တအုပ်စုတည်း ကျရောက်နေပါတယ်။ အခု ၂၀၁၈ ခုနှစ်မှာ စတင်ကျင်းပမယ့် ယူအီးအက်ဖ်အေနေးရှင်းလိဂ်ပြိုင်ပွဲကို ယူအီးအက်ဖ်အဖွဲ့ဝင် ၅၅ နိုင်ငံစလုံး ပါဝင်ယှဉ်ပြိုင်ကြမှာ ဖြစ်ပါတယ်။ ပြိုင်ပွဲမှာ ယူအီးအက်ဖ်အေ အဆင့်သတ်မှတ်ချက်အလိုက် လိဂ် အေ၊ ဘီ၊ စီ၊ ဒီဆိုပြီး လေးမျိုးခွဲခြားထားကာ လိဂ် အေမှာ ၁၂ သင်း၊ လိဂ်ဘီမှာ ၁၂ သင်း၊ လိဂ်စီမှာ ၁၅ သင်းနဲ့ လိဂ်ဒီမှာ ၁၆ သင်း ပါဝင်ပါတယ်။ လိဂ်အေမှာ အုပ်စုလေးခု ခွဲထားပြီး အုပ်စု ၁ မှာ ဂျာမနီ၊ ပြင်သစ်၊ နယ်သာလန်၊ အုပ်စု ၂ မှာ ဘယ်ဂျီယံ၊ ဆွစ်ဇာလန်၊ အိုက်စလန်၊ အုပ်စု ၃ မှာ ပေါ်တူဂီ၊ အီတလီ၊ ပိုလန်၊ အုပ်စု ၄ မှာ စပိန်၊ အင်္ဂလန်၊ ခရိုအေးရှားတို့ ပါဝင်ပါတယ်။ လိဂ်ဘီမှာလည်း အုပ်စုလေးခုခွဲထားပြီး အုပ်စု ၁ မှာ ဆလိုဗက်ကီးယား၊ ယူကရိန်း၊ ချက်၊ အုပ်စု ၂ မှာ ရုရှား၊ ဆွီဒင်၊ တူရကီ၊ အုပ်စု ၃ မှာ သြစတြီးယား၊ ဘော့စနီးယား၊ မြောက်အိုင်ယာလန်၊ အုပ်စု ၄ မှာ ဝေးလ်စ်၊ အိုင်ယာလန်၊ ဒိန်းမတ်တို့ ပါဝင်ကြပါတယ်။ လိဂ်စီမှာရှိတဲ့ အုပ်စု လေးခုမှာတော့ အုပ်စု ၁ မှာ စကော့တလန်၊ အယ်လ်ဘေးနီးယား၊ အစ္စရေး၊ အုပ်စု ၂ မှာ ဟန်ဂေရီ၊ ဂရိ၊ ဖင်လန်၊ အက်စ်တိုးနီးယား၊ အုပ်စု ၃ မှာ ဆလိုဗေးနီးယား၊ နော်ဝေ၊ ဘူလ်ဂေးရီးယား၊ ဆိုက်ပရပ်စ်၊ အုပ်စု ၄ မှာ ရိုမေးနီးယား၊ ဆားဘီးယား၊ မွန်တီနီဂရိုး၊ လစ်သူယေးနီးယားတို့ ပါဝင်နေတာပါ။ လိဂ်ဒီမှာလည်း အုပ်စု လေးခု ခွဲထားပြီး အုပ်စု ၁ မှာ ဂျော်ဂျီယာ၊ လတ်ဗီးယား၊ ကာဇက်စတန်၊ အင်ဒိုရာ၊ အုပ်စု ၂ မှာ ဘယ်လာရုစ်၊ လူဇင်ဘတ်၊ မော်လ်ဒိုဗာ၊ ဆန်မာရီနို၊ အုပ်စု ၃ မှာ အဇာဘိုင်ဂျန်၊ ဖာရိုးကျွန်းစု၊ မော်လ်တာ၊ ကိုဆိုဗို၊ အုပ်စု ၄ မှာ မက်ဆီဒိုးနီးယား၊ အာမေးနီးယား၊ လက်ချင်စတိန်းနဲ့ ဂျီဘရော်လ်တာတို့ ပါဝင်ပါတယ်။ လိဂ်အေ အုပ်စုတခုချင်းစီက ပထမရတဲ့ အသင်းလေးသင်းဟာ ဆီမီးဖိုင်နယ်နဲ့ ဖိုင်နယ်ပွဲစဉ်တွေ ယှဉ်ပြိုင်ရမှာဖြစ်ပြီး ဗိုလ်စွဲတဲ့အသင်းဟာ ယူအီးအက်ဖ်အေ နေးရှင်းလိဂ်ချန်ပီယံ ဖြစ်လာမှာပါ။ လိဂ် ဘီ၊ စီနဲ့ ဒီ အသင်းတွေကတော့ ဒုတိယအကြိမ်ကျင်းပမယ့် ပြိုင်ပွဲမှာပါဝင်နိုင်ရေး တန်းတက်၊ တန်းဆင်းအတွက် ယှဉ်ပြိုင်ရမှာ ဖြစ်ပါတယ်။ အခုစတင်ကျင်းပမယ့် ပြိုင်ပွဲ လိဂ်အေ အုပ်စုတခုချင်းစီက အောက်ဆုံးမှာရပ်တည်ရတဲ့ အသင်းလေးသင်းဟာ လိဂ်ဘီကို တန်းဆင်းရမှာဖြစ်ပြီး လိဂ်ဘီ အုပ်စုတခုချင်းစီက ပထမရတဲ့ အသင်းလေးသင်း လိဂ်အေကို တန်းတက်ရမှာ ဖြစ်ပါတယ်။ အလားတူ လိဂ်ဘီက အုပ်စုအောက်ဆုံးမှာ ရပ်တည်ရတဲ့အသင်းလေးသင်း လိဂ်စီကို တန်းဆင်းရမှာဖြစ်သလို လိဂ်စီက အုပ်စုထိပ်ဆုံးလေးသင်း လိဂ်ဘီကို တန်းတက်ရမှာပါ။ လိဂ်စီက အုပ်စု အောက်ဆုံးမှာရပ်တည်တဲ့ အသင်းလေးသင်း လိဂ်ဒီကို တန်းဆင်းရမှာဖြစ်သလို လိဂ်ဒီက ထိပ်ဆုံးလေးသင်း လိဂ်စီကို တန်းတက်ရမယ့်စနစ် ကျင့်သုံးမှာ ဖြစ်ပါတယ်။ ယူအီးအက်ဖ်အေနေးရှင်းလိဂ်ပြိုင်ပွဲ အုပ်စုပွဲစဉ်တွေကို အိမ်ကွင်း၊ အဝေးကွင်းနှစ်ကျော့စနစ်နဲ့ ယှဉ်ပြိုင်ရမှာဖြစ်ပြီး လာမယ့် စက်တင်ဘာ ၆ ရက်နေ့ စတင်ကာ ၂၀၁၉ ဇွန်လ ၉ ရက်နေ့ ပြိုင်ပွဲပြီးဆုံးမှာ ဖြစ်ပါတယ်။

A d v e r t i s e m e n t With Us

More News
Up