အန်စီအေလက်မှတ်ထိုးမည့်ကိစ္စ မွန်ပြည်သစ်ပါတီနှင့် တပ်ချုပ်တွေ့ဆုံဆွေးနွေး
1.4K
ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်ဟာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)မှာ ပါဝင်လက်မှတ်ရေးထိုးမယ့် NMSP (မွန်)အဖွဲ့ ဥက္ကဋ္ဌ နိုင်ထောမွန် ခေါင်းဆောင်တဲ့အဖွဲ့နဲ့ တွေ့ဆုံဆွေးနွေးတယ်လို့ တပ်မတော်က သတင်းထုတ်ပါတယ်။
ဒီကနေ့ မနက်ပိုင်းက နေပြည်တော်ရှိ ဘုရင့်နောင်ရိပ်သာဧည့်ခန်းမဆောင်မှာ လက်ခံ တွေ့ဆုံတာဖြစ်ပြီး တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) မှာပါဝင်လက်မှတ်ရေးထိုးမယ့် ကိစ္စရပ်တွေနဲ့ ဆက်လက်လုပ်ဆောင်ရမည့် ကိစ္စရပ်တွေ အဆင်ပြေချောမွေ့စေရေး ဆွေးနွေးခဲ့တယ်လို့ဆိုပါတယ်။
မွန်ပြည်သစ်ပါတီ ခေါင်းဆောင်နဲ့အဖွဲ့ဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့လည်း ဒီကနေ့တွေ့ဆုံဖို့ အစီအစဉ်ရှိပါတယ်။
