မြန်မာ့ဆင်းရဲမှုလျှော့ချရေး အီးယူ ပါဝင်ဆောင်ရွက်လို
DVB
·
May 1, 2012
မြန်မာနိုင်ငံမှာ အီးယူ ဥရောပသမဂ္ဂရုံးခွဲဖွင့်ဖို့ ရောက်ရှိလာတဲ့ အီးယူရဲ့ နိုင်ငံခြားရေးမူဝါဒဆိုင်ရာ အကြီးအကဲ ကတ်သရင်းအက်ရ်ှတန်က သူ့ရဲ့ မြန်မာနိုင်ငံခရီးစဉ်ကို ကျေနပ်အားရကြောင်းနဲ့ မြန်မာသမ္မတရဲ့ ဆင်းရဲမှု လျှော့ချရေး လုပ်ငန်းမှာ အီးယူက ပါဝင်ဆောင်ရွက်လိုတယ်လို့ ခရီးအစဉ်အပြီး ထုတ်ပြန်ကြေညာလိုက်ပါတယ်။
[caption id="attachment_24770" align="alignleft" width="300" caption="ကတ်သရင်းအက်ရ်ှတန်"][/caption]
အီးယူရဲ့ နိုင်ငံခြားရေးမူဝါဒဆိုင်ရာ အကြီးအကဲ ကတ်သရင်းအက်ရ်ှတန်က ပြီးခဲ့တဲ့ ရက်ပိုင်းအတွင်း သွားရောက်ခဲ့တဲ့ သူ့ရဲ့မြန်မာပြည်ခရီးစဉ်နဲ့ ပတ်သက်ပြီး ထုတ်ပြန်တဲ့ ကြေညာချက်မှာ ခုလို ဖော်ပြထားတာပါ။
ဒီခရီးစဉ်မှာ မြန်မာပြည်အနာဂတ်အရေးနဲ့ ပတ်သက်ပြီး သမ္မတနဲ့ရော အစိုးရ အဆင့်မြင့်ဝန်ကြီးတွေနဲ့ပါ တွေ့ဆုံဆွေးနွေးခဲ့တဲ့အကြောင်း၊ သမ္မတ ဦးသိန်းစိန်ဟာ လာမယ့် ၂ နှစ်တာ ကာလအတွင်း ကုလသမဂ္ဂရဲ့ ထောင်စုနှစ်ဖွံ့ဖြိုးရေး ရည်မှန်းချက်နဲ့ အညီ မြန်မာနိုင်ငံမှာ ဆင်းရဲမှုလျှော့ချဖို့ ရည်မှန်းချက်ဆန္ဒ ပြင်းပြနေတဲ့အကြောင်းနဲ့ မြန်မာသမ္မတရဲ့ ကြိုးပမ်းမှုမှာ အီးယူအနေနဲ့ တစိတ်တပိုင်း ပါဝင်လိုတယ်လို့ ကတ်သရင်း အက်ရ်ှတန်က ပြောပါတယ်။
သမ္မတ ဦးသိန်းစိန်နဲ့ တွေ့ဆုံရာမှာ ပညာရေး၊ ကျန်းမာရေးနဲ့ စီးပွားရေးရဲ့ ကျောရိုးဖြစ်တဲ့ အသေးစား စီးပွားရေး လုပ်ငန်းတွေ တိုးတက်လာအောင်လုပ်ဖို့ လိုအပ်တဲ့အကြောင်း ပြောဆိုဆွေးနွေးသလို ဥရောပ ကုမ္ပဏီတွေ ရင်းနှီးမြှုပ်နှံဖို့ အခွင့်အရေး ရအောင်လည်း ဆွေးနွေးတယ်လို့ အီးယူရဲ့ ထုတ်ပြန်ချက်မှာ ဖော်ပြပါတယ်။
ဒါ့အပြင် အီးယူက မြန်မာနိုင်ငံ ဖွံ့ဖြိုးတိုးတက်ရေး ရန်ပုံငွေအဖြစ် ၂၀၁၂-၁၃ ကာလအတွက် ယူရို သန်း ၁၅၀ ပေးခဲ့တယ်လို့ ဆိုပါတယ်။
အက်ရ်ှတန်ဟာ ခရီးစဉ်အတွင်းမှာ အစိုးရထိပ်ပိုင်းခေါင်းဆောင်တွေနဲ့ လွှတ်တော်အကြီးအကဲတွေအပြင် ဒေါ်အောင်ဆန်းစုကြည်နဲ့လည်း တွေ့ဆုံခဲ့ပါတယ်။ လွှတ်တော် အကြီးအကဲတွေက အခြေခံဥပဒေ ပြောင်းလဲရေး အပါအဝင် နေရာ အတော်များများမှာ ဒေါ်အောင်ဆန်းစုကြည်နဲ့ အတူ အလုပ်တွဲလုပ်ချင်တယ်လို့ သူ့ကို ပြောဆိုခဲ့တယ်လို့လည်း အီးယူ သံတမန်က ဆိုပါတယ်။
အီးယူအဖွဲ့ဟာ မြန်မာအစိုးရနဲ့ တွေ့ဆုံရာမှာ စီးပွားရေး ဖွံ့ဖြိုးရေးကိစ္စတွေ အပြင် လူ့အခွင့်အရေးကိစ္စနဲ့ နိုင်ငံရေးအကျဉ်းသားတွေ ကိစ္စတွေလည်း ဆွေးနွေးခဲ့တဲ့အကြောင်း မြန်မာသမ္မတက လွှတ်ပေးသင့်သူတွေကို ကြည့်ပြီးတော့ လွှတ်ပေးသွားမယ်လို့ ပြောဆိုခဲ့ပါတယ်လို့ ဆိုပါတယ်။ အီးယူဘက်ကတော့ သူတို့တွေက လွှတ်ဖို့သက်သက် မဟုတ်ဘဲ နိုင်ငံရေးအကျဉ်းသားတွေကို ပြန်လည် ထူထောင်ပေးရေး လုပ်ငန်းတွေမှာ ထောက်ခံဖို့ တိုက်တွန်းခဲ့တယ်လို့ဆိုပါတယ်။
ပြည်ပအခြေစိုက် မြန်မာနိုင်ငံဒီမိုကရက်တစ်အင်အားစု နိုင်ငံခြားရေးရာ တွဲဖက်အတွင်းရေးမှူး ဦးစိုးအောင်က အီးယူနဲ့ မြန်မာ ဆက်ဆံရေး ပြောင်းလဲလာတာနဲ့ ပတ်သက်ပြီးတော့ သူ့ရဲ့အမြင်ကို အခုလို သုံးသပ်ပြောကြား သွားပါတယ်။
“အီးယူကနေ စီးပွားရေးအရ ရင်းနှီးမြှုပ်နှံမယ့် ကုမ္ပဏီတွေ အလုံးအရင်းနဲ့ ဝင်လာဖို့ရှိတယ်။ ဆိုလိုချင်တာက စီးပွားရေး အကျပ်အတည်းကလည်း ဖြစ်နေတယ်မလား။ လက်ရှိ မြန်မာနိုင်ငံမှာက စီးပွားရေးအရ ရင်းနှီးမြှုပ်နှံတဲ့ နေရာမှာ ဒေသခံ ပြည်သူတွေ၊ သဘာဝပတ်ဝန်းကျင် ထိန်းသိမ်းရေးနဲ့ ပတ်သက်တဲ့ ထားရှိရမယ့် စံချိန်စံနှုန်းတွေ အဲ့ဒါတွေက ဘာမှမရှိသေးဘူး။ ပိတ်ဆို့ဒဏ်ခတ်တာ ရပ်ဆိုင်းတဲ့အတွက်ကြောင့် စီးပွားရေးရင်းနှီးမြှုပ်နှံမှုတွေက အလုံးအရင်းနဲ့ ဝင်လာကြမယ်ဆိုရင် နိုင်ငံတကာကနေ လိုက်နာကျင့်သုံးတဲ့ စီးပွားရေး စံချိန်စံနှုန်းတွေကို သေသေချာချာ မချမှတ်နိုင်ဘူးဆိုရင် ဒီလို ရင်းနှီးမြှုပ်နှံမှုတွေကြောင့် ဒေသခံပြည်သူတွေအပေါ်မှာ ကောင်းကျိုးထက် ဆိုးကျိုးကို ပိုပြီး သက်ရောက်လာစေမှာတွေ အများကြီး မြင်နေရတာ တွေ့ရတယ်။ ဒါတွေကြောင့် စိုးရိမ်ပူပန်မိတယ်။”