A d v e r t i s e m e n t With Us

ယီမင်တွင် ဆုံဆို့နာဖြစ်ပွားသူ ၅၀၀ ကျော်ရှိ၊ ၅၀ ခန့် သေဆုံး

ဓာတ်ပုံ - ယူအန်တီဗွီ
ယီမင်နိုင်ငံမှာ ဆုံဆို့နာရောဂါ ခံစားနေရသူ ၅၁၄ ဦးရှိပြီး အခုချိန်ထိ ၄၈ ဦး သေဆုံးသွားပြီလို့ ကမ္ဘာ့ကျန်းမာရေးအဖွဲ့က ပြောပါတယ်။ ယီမင်နိုင်ငံဟာ အာရပ်နိုင်ငံတွေထဲမှာ အဆင်းရဲဆုံးနိုင်ငံတနိုင်ငံ ဖြစ်ပါတယ်။ နိုင်ငံဟာ အီရန်နဲ့ မဟာမိတ်ဖွဲ့ထားတဲ့ ဟူသီသူပုန်အုပ်စုနဲ့ အမေရိကန်ထောက်ပံ့ပေးထားပြီး ဆော်ဒီဦးဆောင်တဲ့ ညွန့်ပေါင်းတပ်ဖွဲ့တွေ တိုက်ပွဲဖြစ်ပွားနေရာ ဒေသလည်း ဖြစ်ပါတယ်။ ကုလသမဂ္ဂက ယီမင်နိုင်ငံကို ကမ္ဘာ့လူသားချင်းစာနာမှု အဆိုးဝါးဆုံး ကျရောက်နေတဲ့ နိုင်ငံလို့ သတ်မှတ်ထားပြီး လူ ၈ သန်းလောက်ဟာ အငတ်ဘေးနှုတ်ခမ်းဝကို ကျရောက်နေသလို ကျန်းမာရေးစောင့်ရှောက်မှု ပြိုကျပျက်စီးနေတာ ဖြစ်ပါတယ်။ အခုဖြစ်ပွားနေတဲ့ ဆုံဆို့နာရောဂါဟာ အရင်ကတည်းက ဖြစ်ပွားနေခဲ့တဲ့ ဝမ်းပျက်ဝမ်းလျှောရောဂါထက် ပိုပြီး အန္တရာယ်ရှိတယ်လုိ့ ကမ္ဘာ့ကျန်းမာရေးအဖွဲ့ရဲ့ ကိုယ်စားလှယ် ဒေါက်တာ နီဗီယို ဇာဂါရီယားက သတိပေးထားပါတယ်။ “မနှစ် အောက်တိုဘာ နောက်ဆုံးပတ်ကစပြီး ဆုံဆို့နာရောဂါခံစားရသူ အရေအတွက် တိုးလာတာနဲ့ ကျနော်တို့ ကြုံတွေ့နေရပါတယ်။ အခုချိန်ထိ ရောဂါခံစားနေရသူ ၅၁၄ ဦးရှိပြီး ၄၈ ဦး သေဆုံးသွားပါတယ်။ အသက်အုပ်စု အပိုင်းအခြားအလိုက် ပြောရမယ်ဆိုရင် အများဆုံးရောဂါခံစားရတဲ့ အုပ်စုက အသက် ၅ နှစ်ကနေ ၁၅ နှစ်အရွယ်ရှိတဲ့ လူငယ်ပိုင်းနဲ့ အသက် ၅ နှစ်အောက် ကလေးတွေပါ” လို့ ဒေါက်တာ နီဗီယို ဇာဂါရီးယားက ပြောကြားသွားပါတယ်။

A d v e r t i s e m e n t With Us

More News
Up