ထိုင်းတွင် အလုပ်လုပ်ရမည်ဟု တောင်သူများထံမှ ငွေလိမ်သွားသူကို အမှုဖွင့်

မကွေးတိုင်း၊ အထက်မင်းလှမြို့နယ်၊ စစ္စနို့ကျေးရွာမှာ အောက်တိုဘာလက ပြည်ပအလုပ်အကိုင်ရမည်ဆိုပြီး တောင်သူ ၁၄ ဦးဆီက ငွေလိမ်လည်တောင်းယူသူကို အရေးယူပေးဖို့ ရဲစခန်းမှာ အမှုဖွင့် တိုင်ကြားခဲ့ပါတယ်။ မင်းဘူး/စကုမြို့နယ် သီးကုန်းကျေးရွာက လှဆန်းဆိုသူဟာ စစ္စနို့ကျေးရွာရှိ တောင်သူ ၁၄ ဦးကို ထိုင်းနိုင်ငံ ချင်းမိုင်မြို့ရှိ သစ်သီးစက်ရုံ ကုမ္ပဏီမှာ အလုပ်လုပ်ပါက ၁ လကို ၅ သိန်းလောက် ရမယ်လို့ ပြောဆိုကာ  တဦးကို ငွေ ၃ သိန်းခွဲ တောင်းခံခဲ့ပြီးနောက် ရန်ကုန်ကို ခေါ်ဆောင်လာခဲ့တယ်လို့ ငွေအလိမ်ခံခဲ့ရာမှာ ပါဝင်တဲ့ ဦးခင်မောင်မျိုးက ပြောပါတယ်။ ရန်ကုန်ရောက်ပြီး ငွေ ၃ သိန်းခွဲ ထပ်တောင်းကာ မြ၀တီမြို့ကို ခေါ်လာပြီး အိမ်တအိမ်မှာ ၁ လလောက် နေထိုင်စေခဲ့ပြီးနောက် တိမ်းရှောင်သွားခဲ့လို့ လှစန်းကို အရေးယူပေးဖို့ မင်းလှမြို့မ ရဲစခန်းကို တိုင်းကြားခဲ့တယ်လို့ ဆိုပါတယ်။ မင်းလှမြို့မရဲစခန်းက လှစန်းကို ပြည်ပအလုပ်အကိုင်ဆိုင်ရာ ဥပဒေပုဒ်မ-၂၆ နဲ့ အမှုဖွင့်ထားတယ်လို့ သိရပါတယ်။ သတင်း-မင်ထီး

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up