ညောင်လေးပင် စိတ်ကြွဆေးပြား ၄၀၀ ကျော် ဖမ်းဆီးရမိ
DVB
·
December 13, 2017
ပဲခူးတိုင်းဒေသကြီး၊ ညောင်လေးပင်မြို့ မြို့မ-၃ ရပ်ကွက်၊ နယ်သစ်ဦး စားသောက်ဆိုင်မှာ ဒီဇင်ဘာလ ၁၂ ရက် ညနေ ၆ နာရီက စားသောက်နေသူဆီက စိတ်ကြွဆေးပြား ၄၀၀ ကျော်ကို ဖမ်းဆီးရမိခဲ့တယ်လို့ မြို့မစခန်းမှူးက ပြောပါတယ်။
မြို့မ-၃ ရပ်ကွက်၊ နယ်သစ်ဦးစားသောက်ဆိုင်မှာ ပဲခူးမြို့၊ ဥဿာမြို့သစ်နေ သက်နိုင်ဌေး (ခ) လင်းလင်းဟာ နယ်သစ်ဦးဆိုင်မှာဝင်ရောက် စားသောက်နေချိန် မူးယစ်ဆေးဝါး သတင်းအရ မူးယစ်တပ်ဖွဲ့နဲ့ မြို့မရဲတပ်ဖွဲ့ ပူးပေါင်းပြီး သက်သေတွေနဲ့အတူ ဖမ်းဆီးရှာဖွေရာမှ စိတ်ကြွဆေးပြား ၄၀၀ ကျော်ကို ဖမ်းဆီးရမိခဲ့တာပါ။
သက်နိုင်ဌေး ကိုင်ဆောင်ထားတဲ့ ဆေးလိပ်ဘူးခွံထဲမှာ ပလတ်စတစ်အိတ်နဲ့ ထည့်ထားတဲ့ WY စာတန်းပါ ပန်းရောင်စိတ်ကြွဆေးပြား ၅၂ ပြား ၁ ထုပ်၊ ပလတ်စတစ်အိတ်နဲ့ ထည့်ထားတဲ့ 88/1 စာတန်းပါ နီညိုရောင် စိတ်ကြွရူးသွပ်ဆေးပြား ၂၀၀ ပြားပါ ၁ ထုပ်၊ ၁၉၃ ပြားပါ ၁ ထုပ်၊ စုစုပေါင်း ဆေးပြား ၄၄၅ ပြား၊ အလေးချိန် ၄၄ ဒသမ ၅ ဂရမ်ခန့်နဲ့ အိုက်စ်လို့ ယူဆရတဲ့ အဖြူရောင်ပုံဆောင်ခဲ မက်သာအဖက်ဖီတမင်း အလေးချိန် ၀ ဒသမ ၅ ဂရမ်ခန့်ပါ ၁ ထုပ်၊ ကာလတန်ဖိုး ၂၂ သိန်း ၅ သောင်းကျပ်နဲ့အတူ HUAWEI အမျိုးအစား ဖုန်း ၁ လုံးတို့ကို ဖမ်းဆီးရမိခဲ့တာပါ။
ညောင်လေးပင်မြို့မစခန်းမှူး ဒု-ရဲမှူးဌေးဝင်းက “ပဲခူး မူးယစ်အဖွဲ့နဲ့ ကျနော်တို့ မြို့မရဲတပ်ဖွဲ့ တို့ ပူးပေါင်းဖမ်းဆီးရမိခဲ့တာပါ။ ပဲခူးကနေ လာရောင်းတဲ့အချိန်မှာ အဲဒီ စားသောက်ဆိုင်မှာ စားသောက်နေချိန် အသွင်ယူ စောင့်ဆိုင်ဖမ်းဆီးနိုင်ခဲ့တယ်။ နောက်ကွင်းဆက်အနေနဲ့ ပဲခူးက သူ့အိမ်ကို ထပ်မံရှာဖွေတဲ့ နေရာမှာ သူ့အိမ်မှာ ဆေးပြားတွေ ထပ်မိသေးတယ်။ ပဲခူးမှာ ထပ်မိတဲ့ ဆေးပြားတွေအတွက်တော့ ပဲခူးအမှတ်-၂ စခန်းမှာ အမှုထပ်ဖွင့်ထားတယ်”လို့ ဒီဗွီဘီကို ပြောပါတယ်။
မူးယစ်ဆေးဝါး လက်ဝယ်တွေ့ရှိသူ သက်နိုင်ဌေး(ခ)လင်းလင်းကို ညောင်လေးပင်မြို့ မြို့မရဲစခန်းမှ မူးယစ်ဆေးဝါးနဲ့စိတ်ကို ပြောင်းလဲစေသော ဆေးဝါးများဆိုင်ရာ ဥပဒေပုဒ်မ - ၁၅/၁၉(က) နဲ့ အမှုဖွင့် ဖမ်းဆီးထားပါတယ်။
သတင်း - နေလင်းထိုက်