A d v e r t i s e m e n t With Us

ဂျေရုဆလင် ကြေညာချက်အပေါ် အစ္စရေးဝန်ကြီးချုပ်နှင့် ပါလက်စတိုင်း သမ္မတတို့၏ ပြောကြားချက်

ဂျေရုဆလင်ကို အစ္စရေးမြို့တော်အဖြစ် တရားဝင် အသိမှတ်ပြုတဲ့ အမေရိကန်သမ္မတ ကြေညာချက်နဲ့ ပတ်သက်ပြီး အစ္စရေး ဝန်ကြီးချုပ်နဲ့ ပါလက်စတိုင်း သမ္မတတို့က အသီးသီး တုံ့ပြန်ပြောဆိုခဲ့ပါတယ်။ “ဒီနေ့ဟာ သမိုင်းဝင်နေ့တနေ့ပါပဲ။ ဂျေရုဆလင်ဟာ ဂျူးလူမျိုးတွေရဲ့ မြို့တော်အဖြစ် တည်ရှိနေတာ နှစ်ပေါင်း သုံးထောင်ရှိပါပြီ။ အစ္စရေးနိုင်ငံရဲ့ မြို့တော်အဖြစ် ရှိနေတာ အနှစ် ၇၀ နီးပါးရှိပါပြီ။ ဂျေရုဆလင်ဟာ ကျနော်တို့တွေရဲ့ အနှစ်သုံးထောင်ကြာ မျှော်လင့်ချက်တွေ၊ အိမ်မက်တွေနဲ့ ဆုတောင်းတွေရဲ့ဆုံမှတ် ဖြစ်ပါတယ်။ ကမ္ဘာအနှံ့က ဂျူးလူမျိုးတွေဟာ ဂျေရုဆလင်ဆီ ပြန်လာချင်နေကြပါတယ်။ ဂျေရုဆလင်ကို အစ္စရေးမြို့တော်အဖြစ် တရားဝင် အသိမှတ်ပြုပြီး အမေရိကန်သံရုံးကို ဒ်ီမှာ လာဖွင့်မယ်ဆိုတဲ့ သမ္မတထရမ့်ရဲ့ ရဲရင့်တဲ့ ဆုံးဖြတ်ချက်အတွက် ကျေးဇူးအထူးတင်ရှိပါတယ်” လို့ အစ္စရေးဝန်ကြီးချုပ် နေတန်ယာဟုက ပြောကြားခဲ့ပါတယ်။   “သမ္မတ ထရမ့်ရဲ့ ကြေညာချက်ဟာ ငြိမ်းချမ်းရေး သဘောတူညီချက် ကြိုးပမ်းမှုတွေကို တမင်တကာ အချုပ်အနှောင်တွေ ဖန်တီးနေတာ ဖြစ်နေတာ ဖြစ်ပါတယ်။ နောက်ပြီး အမေရိကန်ပြည်ထောင်စုအနေနဲ့ ငြိမ်းချမ်းရေး ကြားဝင်ဆောင်ရွက်တဲ့ အခန်းကဏ္ဍကနေ နုတ်ထွက်တာကို ထင်ဟပ်နေတယ်။ ဒီကြေညာချက်ဟာ ငြိမ်းချမ်းရေး သဘောတူညီချက်တွေကို ငြင်းဆန်နေတဲ့ အစ္စရေးကို ဆုလာဘ်ပေးသလို ယူဆရပြီး နိုင်ငံတကာဥပဒေကိုလည်း မလိုက်နာရာကျပါတယ်။ ဒါ့အပြင် ဒီကြေညာချက်ဟာ အမေရိကန် အစိုးရအနေနဲ့ အစ္စရေးရဲ့ သိမ်းပိုက်ရေး မူဝါဒ၊ အခြေချနေထိုင်မှုတွေ၊ ခွဲခြားမှုနဲ့ လူမျိုးသုဉ်း သတ်ဖြတ်မှုကို အားပေးအားမြှောက်ပြုနေတာ ဖြစ်ပါတယ်” လို့ ပါလက်စတိုင်း သမ္မတ မာမွတ်-အာဘတ်စ်က ပြောကြားခဲ့ပါတယ်။ ဂျေရုဆလင်ကို အစ္စရေးမြို့တော်အဖြစ် တရားဝင် အသိမှတ်ပြုတဲ့ အမေရိကန်သမ္မတ ကြေညာချက် ထုတ်ပြန်ခဲ့ပြီးနာက် ပါလက်စတိုင်း အနောက်ဘက်ကမ်း ရာမာလာမြို့မှာ ဆန့်ကျင် ဆန္ဒပြခဲ့ကြပါတယ်။

A d v e r t i s e m e n t With Us

More News
Up