A d v e r t i s e m e n t With Us

ဂျေရုဆလင်ကို အစ္စရေးမြို့တော်အဖြစ် အသိအမှတ်ပြုကြောင်း ထရမ့်ပြော

ဂျေရုဆလင်မြို့ကို အစ္စရေးနိုင်ငံရဲ့ မြို့တော်အဖြစ် တရားဝင် အသိအမှတ်ပြုလိုက်ပြီ ဖြစ်တယ်လို့ အမေရိကန်သမ္မတ ဒေါ်နယ်ထရမ့်က ပြောပါတယ်။ အိမ်ဖြူတော်မှာ ဒီဇင်ဘာလ ၆ ရက်နေ့က ပြုလုပ်တဲ့ သတင်းစာရှင်းလင်းပွဲမှာ ခုလို ပြောခဲ့တာဖြစ်ပြီး အရှေ့အလယ်ပိုင်း ငြိမ်းချမ်းရေးဖြစ်စဉ်အတွက် ဂျေရုဆလင်ကို အစ္စရေးမြို့တော်အဖြစ် သတ်မှတ်တာဟာ အချိန်တောင် နောက်ကျနေပြီ ဖြစ်တယ်လို့ ပြောလိုက်တာပါ။ “အစ္စရေးဟာ သူရဲ့ မြို့တော်ကို ကိုယ်တိုင် သတ်မှတ်ပိုင်ခွင့်ရှိတဲ့ အချုပ်အခြာ အာဏာပိုင်တဲ့ နိုင်ငံတခုပါ။ ဒီနေ့တော့ ဂျေရုဆလင်ဟာ အစ္စရေးရဲ့ မြို့တော်ဖြစ်တာကို ကျနော်တို့ အသိမှတ်ပြုလိုက်ပါပြီ။ ဒါဟာ ပကတိ အမှန်တရားတခုကို အသိအမှတ်ပြုလိုက်တာပါပဲ။ လုပ်သင့်လုပ်ထိုက်တဲ့ ကိစ္စလည်း ဖြစ်ပါတယ်။ လုပ်ကို လုပ်ရမယ့် အရာတခုပါပဲ။” အရင်တုန်းကတော့ ဒီကိစ္စကို အစ္စရေးနဲ့ ပါလက်စတိုင်း ငြိမ်းချမ်းရေးဆွေးနွေးမှု နောက်ဆုံးအဆင့်မှသာ ဂျေရုဆလင်မြို့ရဲ့ အဆင့်အတန်းနဲ့ ပတ်သက်ပြီး ဆွေးနွေးကြဖို့ သဘောတူထားခဲ့ကြတာ ဖြစ်ပါတယ်။ လက်ရှိမှာတော့ ပါလက်စတိုင်းသမ္မတ မာမွတ်အက်ဘာစ်က ထရမ့်ရဲ့ ဒီထုတ်ပြန်ချက်ဟာ စိတ်ပျက်စရာကောင်းပြီး  အမေရိကန်နိုင်ငံဟာ ငြိမ်းချမ်းရေး ကြားဝင်စေ့စပ်ပေးသူအနေနဲ့ မဖြစ်နိုင်တော့ဘူးလို့ ပြောခဲ့တာ ဖြစ်ပါတယ်။ ခုလို သတ်မှတ်တာဟာ နိုင်ငံတကာက ဂျေရုဆလင်အပေါ် ထားရှိတဲ့ အမြင်တွေနဲ့ ဆန့်ကျင်နေတဲ့အတွက် ကုလသမဂ္ဂလုံခြုံရေးကောင်စီအဖွဲ့ဝင် ၁၅ နိုင်ငံထဲမှ ရှစ်နိုင်ငံက အမေရိကန်သမ္မတရဲ့ ဆုံးဖြတ်ချက်နဲ့ ပတ်သက်ပြီး အရေးပေါ် အစည်းအဝေး ကျင်းပပေးဖို့ တောင်းဆိုခဲ့ကြပါတယ်။ ပါလက်စတိုင်းသားတွေကတော့ အရှေ့ဂျေရုဆလင်ဟာ သူတို့တွေရဲ့ အနာဂတ် နိုင်ငံတော်ရဲ့ မြို့တော်အဖြစ် သတ်မှတ်ထားကြတာပါ။ နိုင်ငံတကာကလည်း အစ္စရေးက ဂျေရုဆလင်ကို အုပ်ချုပ်နေတာကို အသိအမှတ်ပြုခြင်း မရှိဘဲ အခုအချိန်အထိ သူတို့ရဲ့သံရုံးတွေကို တဲလ်အဗီးမှာ ဖွင့်လှစ်ထားတာ ဖြစ်ပါတယ်။ ဂျေရုဆလင်မြို့မှာ ဂျူးဘာသာ၊ အစ္စလာမ်ဘာသာနဲ့ ခရစ်ယာန်ဘာသာဆိုင်ရာ အထွတ်အမြတ်ထားရာ နေရာတွေ ရှိနေတာပါ။ အစ္စရေးဝန်ကြီးချုပ် ဘင်ဂျမင်နေတန်ယာဟုကတော့ ထရမ့်ရဲ့ ဒီထုတ်ပြန်ချက်နဲ့ ပတ်သက်ပြီး  သမိုင်းဝင်တဲ့နေ့လို့ ပြောဆိုခဲ့တာ ဖြစ်ပါတယ်။

A d v e r t i s e m e n t With Us

More News
Up