ရန်ကုန်တက္ကသိုလ်ဝင်းအတွင်း လူငယ်ဘက်ဆုံဖွံ့ဖြိုးရေးပွဲတော် ကျင်းပ

လူငယ်ဘက်စုံဖွံ့ဖြိုးရေးပွဲတော် အစီအစဉ်တစ်ခုဖြစ်တဲ့ လူထုလမ်းလျှောက်ပွဲကို ဒီနေ့မနက်ပိုင်းက ကမာရွတ်မြို့နယ်ရှိ ရန်ကုန် တက္ကသိုလ်ဝင်းဝင်ပေါက် မုခ်ဦးရှေ့မှာ ကျင်းပခဲ့ပါတယ်။ လမ်းလျှောက်ပွဲကို လူငယ်ဘက်စုံဖွံ့ဖြိုးရေးပွဲတော်ကျင်းပရေး ဦးစီးကော်မတီ ဥက္ကဋ္ဌ ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်နဲ့ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးတို့ တက်ရောက်ခဲ့ပြီး အား/ကာ ကျောင်းတွေနဲ့ အခြေခံ ပညာကျောင်းတွေမှ ဆရာ၊ ဆရာမတွေနဲ့ ကျောင်းသား၊ ကျောင်းသူ ပါဝင်ဆင်နွှဲခဲ့ကြပါတယ်။ လူငယ်ဘက်စုံ ဖွံ့ဖြိုးရေးပွဲတော် အထိမ်းအမှတ်တံဆိပ်ပါ တီရှပ် အင်္ကျီတွေကို ၀တ်ဆင်ကာ ပြည်လမ်း၊ အင်းယားလမ်းနဲ့ တက္ကသိုလ်ရိပ်သာလမ်းအတိုင်း ရန်ကုန် တက္ကသိုလ်ဝင်းကို ပတ်ပြီးလမ်းလျှောက်ခဲ့ကြပါတယ်။ လူငယ်ဘက်စုံဖွံ့ဖြိုးရေးပွဲတော်ကို ဒီဇင်ဘာ ၁ ရက်နေ့ ၃ ရက်ထိ ကျင်းပမှာဖြစ်ပါတယ်။ သတင်းဓာတ်ပုံ - သူဇာလင်း

More News
Up