ဇင်ဘာဘွေနိုင်ငံရဲ့ သမ္မတသစ် အန်မာဆန် မနန်ဂါဂွါဟာ မြို့တော် ဟာရာရေမှာ ပြောတဲ့ မနေ့ကမိန့်ခွန်းအတွင်း သမ္မတဟောင်း ရောဘတ်မူဂါဘီကို ချီးကျူးဂုဏ်ပြုလိုက်ပါတယ်။ အသက် ၉၃ နှစ်အရွယ် မူဂါဘီဟာ တိုင်းပြည်မှာ နောက်ဆုံး ကျန်နေတဲ့ နိုင်ငံထူထောင်ရေး ဖခင်ဖြစ်တယ်လို့ မနန်ဂါဂွါက ပြောလိုက်တာပါ။ “ရွေးကောက်ပွဲ အသစ်တွေကို နဂိုစီစဉ်ထားတဲ့အတိုင်း ဆက်ကျင်းပမယ်၊ ဇင်ဘာဘွေဟာ ပြင်ပကမ္ဘာနဲ့ ပြန်ဆက်သွယ်ဖို့ အသင့်ဖြစ်နေပြီ၊ ဒါပေမယ့် မြေယာ ပြုပြင်ပြောင်းလဲရေး လုပ်ငန်းစဉ်ကိုတော့ စိန်ခေါ်မခံနိုင်ဘူး၊ နောက်ကြောင်းမပြန်ဘူး” လို့ သူက ပြောပါတယ်။ မနန်ဂါဂွါဟာ အရင်က ဒုသမ္မတဟောင်း ဖြစ်ပြီး မူဂါဘီရဲ့ သစ္စာရှိ လူယုံပါ။ အတိုက်အခံတွေကို ဖိနှိပ်မှုနဲ့ ရွေးကောက်ပွဲကို ရွှေ့ဆိုင်းမှုတွေနဲ့ ကျယ်ကျယ်ပြန့်ပြန့် စွပ်စွဲခံခဲ့ရဖူးပါတယ်။ သူတို့ အုပ်ချုပ်နေချိန်မှာ ဇင်ဘာဘွေဟာ တချိန်က အာဖရိကရဲ့ အကြွယ်ဝဆုံး နိုင်ငံအဖြစ်ကနေ ငွေကြေး တရားလွန် ဖောင်းပွခဲ့ပြီး အစုလိုက် အပြုံလိုက် ရွှေ့ပြောင်းနေထိုင်မှုတွေ ပေါ်ပေါက်ခဲ့ပါတယ်။ မူဂါဘီကို သစ္စာရှိခဲ့တဲ့ လူတယောက်က လူ့အခွင့်အရေးကို စနစ်တကျ ချိုးဖောက်မှုနဲ့ ကပ်ဆိုက်နေတဲ့ စီးပွားရေး မူဝါဒတွေကနေ နက်ရှိုင်းတဲ့ အပြောင်းအလဲကို ဖော်ဆောင်နိုင်ပါ့မလားဆိုတာ တချို့က သံသယရှိနေကြပါတယ်။