ထိုင်းနိုင်ငံတောင်ပိုင်း ဆုန်ခလာခရိုင်က ပင်လယ်စာစက်ရုံမှာ ဆန္ဒပြကြတဲ့ အလုပ်သမားတွေ ဒီနေ့ စက်ရုံထဲကို ဝင်ခွင့်မပေးတဲ့အတွက် လုပ်ငန်းခွင်ဝင်လို့ မရဘူးလို့ ဆိုပါတယ်။
ဒီနေ့ မြန်မာအလုပ်သမားတွေ အလုပ်ဆင်းဖို့သွားတဲ့အခါ ဆန္ဒပြရာမှာ ပါဝင်တဲ့အတွက် စက်ရုံထဲကို ဝင်ခွင့်မပြုတော့ဘူးလို့ စက်ရုံက မြန်မာ အလုပ်သမား ကိုငွေသိမ်းက ပြောပါတယ်။
“ဆန္ဒပြတဲ့နေ့ကတော့ မြန်မာတွေ အကုန်ပူးတွဲပြီးပါတယ်။ ပါတဲ့သူတွေ အားလုံးက အခုစက်ရုံထဲကို ဝင်ခွင့်မရှိဘူး။ စက်ရုံတံခါး ပိတ်ထားတယ်၊ လုံးဝဝင်ခွင့်မပေးပါဘူး။ အခက်အခဲ တော်တော်ဖြစ်တယ်။ မနက်ကဆိုရင် ကလေးတွေက ကန်ဇွန်းရွက်ခူးစားကြ၊ ခရုလိုက်ကောက်နဲ့ အဲလိုမျိုး ဖြစ်သလို စားနေရတယ်။”
ဒီအကြောင်းနဲ့ပတ်သက်လို့ ဘန်ကောက်က မြန်မာသံရုံးကို ဆက်သွယ် မေးမြန်းကြည့်ရာ ဒီကိစ္စကို အာရုံစိုက်ပြီး အကောင်းဆုံးဖြစ်အောင် လုပ်ဆောင်နေတယ်လို့ အလုပ်သမားရေးရာနဲ့ ပတ်သက်ပြီး တာဝန်ယူထားတဲ့ ကိုကျော်ကျော်လွင်က ပြောပါတယ်။
“ထိုင်းအလုပ်သမား ဝန်ကြီးနဲ့ သွားတွေ့တယ်။ တွေ့တော့ ဖြေရှင်းပေးဖို့အတွက် လူမှုဖူလုံရေးနဲ့ အဖွဲ့တဖွဲ့ကို လွှတ်ထားတယ်လို့ ပြောတယ်။ ကျနော်တို့ ဝင်လာတည်းက သဘောတူစာချုပ် ချုပ်ထားတာရှိတယ်။ ကျနော်တို့မှာ အလုပ်သမား ၄၀၀ ကျော်လောက်ရှိတယ်။ သဘောတူစာချုပ်နဲ့ ဝင်ထားတဲ့အတိုင်း ဖြစ်အောင်လုပ်ပေးမယ်လို့ ပြောတယ်။”
အလုပ်ဆင်းခွင့် မရှိတဲ့အတွက် ရေရှည်မှာ စားသောက်ရေး အခက်အခဲ ရင်ဆိုင်လာနိုင်တယ်လို့လည်း အလုပ်သမားတွေက ပြောပါတယ်။
စက်ရုံမှာ အလုပ်လုပ်နေကြတဲ့ မြန်မာအလုပ်သမားတွေဟာ ကနဦးတုန်းက နေထိုင်ရေး၊ ကျန်းမာရေး အခမဲ့ အပါအဝင် လုပ်ခ လစာ ၁ ရက် ၂၀၅ ဘတ် ရမယ်ဆိုတဲ့ စာချုပ်နဲ့လုပ်ကိုင်ကြပေမယ့် တကယ်တမ်း ၁ ရက် ၁၆၀ ဘတ် လောက်ပဲရကြတာပါ။
အဲဒီအတွက် အလုပ်သမားတွေက ဆန္ဒပြခဲ့ကြပါတယ်။ ဆန္ဒပြတဲ့ အလုပ်သမားအများစုက ကမ္ဘောဒီးယားနိုင်ငံသားတွေဖြစ်ပြီး မြန်မာ အလုပ်သမား ၄၀၀ လောက်လည်း ပါဝင် ဆန္ဒပြခဲ့ကြပါတယ်။
