A d v e r t i s e m e n t With Us

ပြည်ထောင်စုဝန်ကြီးဌာန ၂ ခု တိုးချဲ့ဖွဲ့စည်း၍ ၀န်ကြီး ၂ ဦးခန့်အပ်ရန်ရှိ

ဓာတ်ပုံ - Pyithu Hluttaw
  ပြည်ထောင်စုဝန်ကြီးဌာန ၂ခု တိုးချဲ့ဖွဲ့စည်းဖို့ သမ္မတက ပြည်ထောင်စုလွှတ်တော်ထံ တင်ပြထားပြီး ၀န်ကြီး ၂ ဦး ခန့်အပ်ဖို့လည်း ရှိပါတယ်။ နိုဝင်ဘာ ၂၀ရက် ဒီနေ့ ပြည်ထောင်စုလွှတ်တော်မှာ ၀န်ကြီးဌာန ၂ ခုတိုးချဲ့ဖွဲ့စည်းဖို့နဲ့ ၀န်ကြီး ၂ ဦး ခန့်အပ်မယ့်ကိစ္စ ရှင်းလင်းဆွေးနွေးကြမယ်လို့ လွှတ်တော်အစီအစဉ်မှာ ဖော်ပြထားတာ ဖြစ်ပါတယ်။ နေပြည်တော်ကောင်စီဝင် ဦးမင်းသူက ဌာန ၂ ခု တွဲကိုင်ထားတဲ့ ၀န်ကြီးတွေနေရာမှာ ဌာနတိုးချဲပြီး ခန့်ဖို့ရှိတယ်လို့ ပြောပါတယ်။ “ဥပမာ လျှပ်စစ်နဲ့စွမ်းအင်ကို ထပ်တွဲမလား ခွဲမလား အဲ့ဒါမျိုးတွေ နောက်သတ္တုတွင်းနဲ့ သစ်တော မတူတဲ့ဟာတွေပေါ့။ ဥပမာဗျာ ဦးအုန်းဝင်းက သစ်တောဘက်က လာတယ်။ သတ္တုတွင်းကျတော့ သူလုံးလုံး မသိဘူး။ သတ္တုတွင်းက သပ်သပ်ထားမှ ဖြစ်မှာလေ။ ကြာပြီ အဲ့ဒါ။ အသစ်ထပ်ဖွဲ့မယ်ဆိုတာ ၃ လလောက်တောင် ရှိပြီ။” ၀န်ကြီးတွေကတော့ ပြင်ပက ပညာရှင်တွေပဲ ဖြစ်ဖို့များတယ်လို့လည်း ပြောပါတယ်။ အန်အယ်လ်ဒီအစိုးရလက်ထက်မှာ ၀န်ကြီးဌာနတွေကို လျှော့ချဖွဲ့စည်းခဲ့ပြီး လက်ရှိမှာ ၀န်ကြီးဌာန ၂၂ခု ရှိပြီး ထပ်ဖွဲ့မယ့် ၂ ခုနဲ့ဆို ၀န်ကြီးဌာန ၂၄ ခု ရှိလာမှာ ဖြစ်ပါတယ်။

A d v e r t i s e m e n t With Us

More News
Up