အောက်တိုဘာ ၁၆ ရက်နေ့၊ လူမှုကွန်ရက် ဖေ့စ်ဘွတ်ခ် စာမျက်နှာတခုမှာ “မနေ့ကမိတဲ့ လက်နက်ကိစ္စမှာ သုံးသပ်မိတာရှိတယ်။ စီးပွားရေးလုပ်ငန်းရှင် ခရိုနီကြီးဘဝကနေ လွှတ်တော်ပရောဂျက်တွေ ရလာကာ ဝန်ကြီးဖြစ်ခဲ့သူရဲ့သား၊ ၂၀၁၅ ရွေးကောက်ပွဲမှာ အမတ်လောင်းအဖြစ် ပြိုင်ခဲ့သူ၊ သူ့ဆီကနေ လက်နက်အတိုတွေ မိတယ်။ မိတာက ထားပါ။ မီဒီယာတွေကို တာဝန်ရှိတဲ့ ရဲမှူးပြောသလို ကိုယ့်ကိုယ်ကိုယ် ကာကွယ်ဖို့ ဆောင်တယ်။ အရပ်သားတယောက် သေနတ်တွေနဲ့ လေယာဉ်ပေါ်တက်တာကို ကိုယ့်ကိုယ်ကိုယ် ကာကွယ်ဖို့လို့ဖြေတဲ့ ရဲတယောက်ရဲ့ ရုပ်ပျက်ဆင်းပျက် အဖြေမျိုး နိုင်ငံတကာမှာ မရှိဘူးဆိုတာတော့ သေချာတယ်။ စိတ်ဝင်စားတာကတော့ ပုံတွေထဲက သူ့တံဆိပ်တွေ၊ National Security Council အမျိုးသားလုံခြုံရေးကောင်စီဆိုတဲ့ ဆင်ဘောလုံးကန်နေတဲ့ နံပါတ်စဉ်တပ်ထားတဲ့ တံဆိပ်၊ Special Police အထူးရဲအဖွဲ့ဆိုပြီး နံပါတ် ၁၂ တပ်ထားတယ်။ နံပါတ် ၁၂ ဆိုရင် ဒါဟာ Member တခုပဲ။ တနည်းအားဖြင့် ပြောရရင် အဖွဲ့အစည်းတခုရဲ့ အမှတ်စဉ်ပဲ။ သူက အမှတ်စဉ် ဘယ်လောက်လဲ” လို့ ရေးထားတာကို ဖတ်သူတွေ အတော်များများက အလေးထားဖတ်ကြသလို အန်အယ်လ်ဒီခေါင်းဆောင် ဒေါ်အောင်ဆန်းစုကြည်အပေါ် လုပ်ကြံမှုတွေ ရှိလာပြီလားဆိုတဲ့ သံသယတွေဟာလည်း ပြည်သူတွေကြားမှာ ကျယ်ကျယ်ပြန့်ပြန့် ဖြစ်လာပါတယ်။ ဒါကလည်း မကြာမီက နေပြည်တော်လေဆိပ်မှာ ပစ္စတိုနှစ်လက် အဖမ်းခံရတဲ့ နောက်ဆက်တွဲ လက်နက်တွေ အဖမ်းခံရတာပါပဲ။ လက်နက်တွေ အများအပြား ဖမ်းမိလာတာဟာ ယခုအစိုးရလက်ထက်မှာ အများဆုံးပါပဲ။ အေကေ-၄၇ တွေ ဖမ်းမိတာတွေ၊ ယခင် ပြည်ခိုင်ဖြိုးအစိုးရ အားကစားဝန်ကြီးရဲ့ သားဖြစ်သူ၊ မြန်မာနိုင်ငံ မြားပစ်အဖွဲ့ချုပ်ရဲ့ ဥက္ကဋ္ဌ ဖြိုးကိုကိုတင့်ဆန်း ဆိုတဲ့ ရွေးကောက်ပွဲရှုံး ပြည်ခိုင်ဖြိုးအမတ်ဟောင်းထံမှပါ။ မူးယစ်ဆေးဝါးတွေရော၊ လက်နက်တွေပါ ဖမ်းမိတာပါ။ ယခုအချိန်အထိ ဖြိုးကိုကိုတင့်ဆန်းနဲ့ ဆက်နွှယ်နေတဲ့ လူပေါင်း ၁၂ ဦး၊ လက်နက်အရှည် ၂၁ လက်၊ နေပြည်တော်မှာရော ရန်ကုန်မှာပါ ဖမ်းမိလာတာဟာ သတင်းသမားတွေအတွက် အလွန်စိတ်ဝင်စားစရာ သတင်းဖြစ်သလို ပြည်သူတွေအတွက်လည်း အလွန်ခံပြင်းစရာကောင်းတဲ့သတင်း ဖြစ်နေတယ်။ အဖမ်းခံရသူက ရွေးကောက်ပွဲ မဲရှုံးတဲ့ ပြည်ခိုင်ဖြိုးအမတ်ဟောင်းလည်းဖြစ်ပြီး ပြည်ခိုင်ဖြိုးပါတီမှ တာဝန်ရှိသူတွေက သူတို့ပါတီက ထုတ်ပစ်လိုက်တာ ကြာပြီဆိုပေမယ့် သူတို့ပါတီက လူဆိုတာတော့ ငြင်းလို့မရပါဘူး။ ပြဿနာဖြစ်လာပြီးတော့ ရာဇဝတ်မှုတွေ ဖြစ်လာကာမှ ပါတီမှ ထုတ်ပြီးသားလို့ ကြေညာခဲ့တယ်။ အဲဒီပြဿနာ မပေါ်ရင်တော့ ပါတီဝင်တွေပဲ ဖြစ်နေတယ်ဆိုတော့ အဲဒီပါတီ မကောင်းလှဘူး။ မကွေးတိုင်းဝန်ကြီးချုပ်ဟောင်း ဦးဘုန်းမော်ရွှေ ဆိုရင်လည်း ယခုအစိုးရ တက်လာမှ ငွေကြေးအရှုပ်အရှင်းတွေ ပေါ်လာပြီး ငွေတွေ ပြန်ဆပ်ရတဲ့အထိ ပြဿနာကို လက်ကြိတ်ထိုးရှင်းဖို့ ကြိုးစားပေမယ့် လက်ရှိ တိုင်းဒေသကြီး ဝန်ကြီးချုပ်က လူသိရှင်ကြား ကြေညာတော့ ဖုံးမရဖိမရ ဖြစ်သွားတယ်။ ဒီအခါ ပါတီက ထုတ်ပြီးသားလို့ ကြေညာသလားတော့ မသိဘူး။ ဒီလူဟာ အရင်က ပြည်ခိုင်ဖြိုးပါတီရဲ့ ဗဟိုကော်မတီဝင်တဦးပါပဲ။ မြန်လည်းမြန်၊ မခြွင်းမချန်လည်း ရေးတတ်တဲ့ ဖေ့စ်ဘွတ်ခ်မှာတော့ ယခုလို လက်နက်တွေမိတာနဲ့ ပတ်သက်ပြီး ပြတ်ပြတ်သားသား ဝေဖန်ကြ၊ ထင်ကြေးပေးကြတာကို သတင်းစာတွေက ပြန်ဖော်ပြီး ရေးတဲ့အတွက် ဖတ်လိုက်ကြရတယ်။ သူတို့ရဲ့ မှတ်ချက်တွေကတော့ “အမေစုရဲ့ လုံခြုံရေး ယူနီဖောင်းရောင်နဲ့ ဆင်တူယိုးမှား”၊ “ကိုယ့်ကိုယ်ကိုယ်ကာကွယ်ဖို့ လိုင်စင်နဲ့ကိုင်ပြီး ဆောင်ထားတယ်ဆိုလည်း သေနတ်တလက်၊ နှစ်လက်လောက်ပေါ့။ အခုဟာက မဟုတ်သေးပါဘူး။ အရပ်သား လက်နက်ကိုင် စွမ်းအားရှင်အဖွဲ့လားပဲ။ သူတို့ရန်သူဆိုတာက ဘယ်သူတွေလဲ။ ရန်သူက လက်နက်ကိုင်တွေ ထင်တယ်။ တပ်ရင်းတရင်းလောက် ရှိနေလားပဲ။ ဒီလောက်များများ စုဆောင်းထားပုံ ပြောပါတယ်”။ “ယုံအောင်လည်း လုပ်ပါဗျို့”၊ “ဘောလုံးကို ဆင်ကန် ကန်နေတာ မဟုတ်ပါဘူး။ ဆင်ကြံနေတာ ဆင်ကြံ ကြံနေတာ”၊ “လောက်လေးခွကိုင်ရင်တောင် လက်နက်ပုန်း ကိုင်တယ် ဖြစ်တာ” စတဲ့ မိမိတို့ စိတ်ထဲ ခံစားချက်တွေကို ရေးသားထားတာ ဖတ်ရတယ်။ ၈၈ အရေးတော်ပုံကြီးကာလတုန်းကတော့ ဂျင်ကလိတို့၊ ဂုံးတို့ ဆိုတာတွေ အတော်ခေတ်စားလာတဲ့အခါ အာဏာပိုင်တွေက လေးဂွတောင် ကိုင်ခွင့်မပေးဘဲ ပိတ်ပင်လိုက်တာမျိုးကို တွေ့ရတယ်။ လိုင်စင်နဲ့ကိုင်ကြတဲ့ အစိုးရအမှုထမ်းတွေနဲ့ လက်နက်ကိုင်ဆောင်ခွင့် ရှိသူတွေထံလည်း ပြန်သိမ်းလိုက်တာ တွေ့ရပါတယ်။ သူတို့တွေ လုပ်ကြံခံရမှာစိုးလို့ ကြပ်ကြပ်မတ်မတ် ပိတ်ပင်ထားတာကြောင့် ယခုလို လက်နက်တွေ ဗုံးပေါလအော ကိုင်ဆောင်တာမျိုး မတွေ့ခဲ့ရပါဘူး။ ယခုတော့ လက်နက်တွေကို ဝယ်ချင်သလိုဝယ်၊ ကိုင်ချင်သလိုကိုင်ပြီး လေဆိပ်မှာ ဦးကိုနီကို အနီးကပ် ခေါင်းကို သေနတ်နဲ့ပစ်တာ ဘယ်သူတွေဆိုတာ လယ်ပြင်မှာ ဆင်သွားသလို ထင်ထင်ရှားရှား သိမြင်နိုင်ပါပြီ။ ယခုဆိုရင် ပြည်ထဲရေးဒု-ဝန်ကြီးကိုယ်တိုင် သတင်းစာဆရာတွေကို ရှင်းပြ၊ ကွင်းဆက်တွေကိုလည်း လိုက်လံဖော်ထုတ်နေတာကြောင့် ဒီမိတဲ့လက်နက်တွေရဲ့ နောက်ကွယ်ကိစ္စတွေကိုတော့ အထိုက်အလျောက် ဖော်ထုတ်နိုင်မယ် ထင်ပါတယ်။ ဒါပေမယ့် ဦးကိုနီကို လုပ်ကြံတဲ့အမှုမှာ အရေးပါတဲ့ ကွင်းဆက်တခု ပျောက်ချင်းမလှ ပျောက်နေတာတော့ အော့နှလုံးနာစရာ ကောင်းနေတယ်။ ဦးကိုနီ လုပ်ကြံခံရတာဟာ ပုဂ္ဂိုလ်ရေးကိစ္စကြောင့် မဟုတ်ဘူး။ အန်အယ်လ်ဒီပါတီရဲ့ ဥပဒေအကြံပေး ဖြစ်နေလို့ပဲ။ သာမန်တောင်မဟုတ်ဘူး။ အရေးကြီးတဲ့ ဥပဒေတွေကို ဦးကိုနီက ရေးဆွဲတင်သွင်းပြီး အကြံပြုနိုင်တာကြောင့် ပိုပြီး လူ့လောကက ဖယ်ရှင်းဖို့ ကြံစည်ခဲ့ကြတာပဲ။ နောက်တချက်က ဦးကိုနီဟာ ၂၀၀၈ ဖွဲ့စည်းပုံကို ပြင်ဆင်ရုံသက်သက်မဟုတ်ဘဲ ဥပဒေအသစ် ရေးဆွဲဖို့တောင် စီစဉ်ခဲ့တယ်လို့ ကြားဖူးတာပါပဲ။ ဘယ်လိုပဲဖြစ်ဖြစ် အဲဒီလို လုပ်ကြံနိုင်တာဟာ သာမန်စိတ်ကူးနဲ့ တော်ရုံတန်ရုံ လူတန်းစားက လုပ်လိုက်တာ မဟုတ်ဘူးဆိုတာ အခုဆို ပီပီပြင်ပြင် တွေ့လာရပါပြီ။ ယခုဆိုရင် ဖြိုးကိုကိုတင့်ဆန်းဆိုတဲ့ ပြည်ခိုင်ဖြိုးအမတ်လောင်းဟောင်း၊ ပြည်ခိုင်ဖြိုး ဝန်ကြီးဟောင်းရဲ့သား၊ အန္တရာယ်ရှိလောက်တဲ့ ကြောက်စရာကောင်းတဲ့ လက်နက်တွေလည်းမိ၊ လုံခြုံရေးအဖွဲ့အစည်း တည်ထောင်နေပြီး နေပြည်တော်နဲ့ ရန်ကုန်ကို ခါးစောင်းတင်လောက်တဲ့ ကူးလူးဆက်ဆံမှုတွေပြု၊ လေယာဉ်ပေါ် လက်နက်တွေတင်ရဲတဲ့ လက်ရဲဇက်ရဲနိုင်လှတဲ့ လူမျိုးကို သတင်းထုတ်ပြန်ပေးမှ ပြည်သူတွေ သိရတယ်။ ကွင်းဆက်တွေကိုကြည့်မှ အန္တရာယ်ပိုကြီးတယ် ဆိုတာကိုလည်း သိရပါတယ်။ ယခုလို လက်နက်တွေ ဖမ်းမိတာနဲ့ပတ်သက်ပြီး နေပြည်တော် တိုင်းရဲတပ်ဖွဲ့မှူး ရဲမှူးကြီးဇော်ခင်အောင်က နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ လုံခြုံရေးကို စိုးရိမ်စရာမလိုကြောင်း၊ လုံခြုံရေးကို အပြည့်အဝ တာဝန်ယူထားကြောင်း ပြောကြားခဲ့ပါတယ်။ ဒါပေမယ့် အမျိုးသားဒီမိုကရေစီအဖွဲ့ချုပ်ပါတီရဲ့ ပြောရေးဆိုခွင့်ရှိသူ ဦးဝင်းထိန်ကတော့ “ဒါဟာ ရေခဲတောင်တခုရဲ့ အပေါ်က အစပဲရှိသေးတယ်။ ရေထဲမှာ မြုပ်နေတာ ဘယ်လောက်ရှိနိုင်မလဲ မသိသေးဘူး” လို့ ပြောလိုက်သလို ဦးဉာဏ်ဝင်းကလည်း “ကြားရတဲ့သတင်းတွေအရ တော်တော့်ကို စိုးရိမ်တယ်။ လေဆိပ်မှာ လက်နက်တွေမိတယ်။ ဒါတွေကလည်း အရင်ပုဂ္ဂိုလ်တွေနဲ့ ဆက်စပ်သလို သတင်းတွေက ထွက်နေတော့ စိုးရိမ်နေရတယ်” လို့ ပြောသွားတာကြောင့် အာဏာရပါတီ ခေါင်းဆောင်တွေကတော့ သူတို့ခေါင်းဆောင်အတွက် စိုးရိမ်ပူပန်နေတာဟာ အလွန်ယုတ္တိတန်ပြီး သဘာဝလည်း ကျပါတယ်။ လူထုခေါင်းဆောင်ကို လုပ်ကြံလိုက်ရင် ပါတီ ဖရိုဖရဲဖြစ်မယ်။ ဒီအခါ တောကြောင်တွေဟာ သူတို့ကြံစည်ထားတဲ့ အောက်လမ်းနည်းတွေနဲ့ သူတို့အတွက်၊ သူတို့အကျိုးစီးပွားအတွက် တိုင်းပြည်မျက်နှာ မကြည့်ဘဲ လုပ်ချင်တာလုပ်ကြမယ်လို့ လူထုက ယုံကြည်နေကြတယ်။ မိတ္ထီလာမှာလည်း ဘာသာရေးပဋိပက္ခတွေ ဖန်တီးပြီး ကွယ်လွန်သွားပြီဖြစ်တဲ့ အဲဒီခေါင်းဆောင်တယောက်က ဒါဟာ ဗကပတွေလက်ချက်ပဲဆိုပြီး ဗကပကို ပြဿနာရှာ၊ လက်ညှိုးထိုးတဲ့ သူတို့ ဓာတ်ပြားဟောင်းကြီးကို ဖွင့်ခဲ့တယ်။ အခုတော့ လက်နက်တွေနဲ့ သူတို့ ဖုံးမနိုင် ဖိမရဖြစ်ကာ ဘယ်သူ့ကို တရားခံရှာ လက်ညှိုးထိုးမလဲ မပြောနိုင်ပါဘူး။ အန်အယ်လ်ဒီ ခေါင်းဆောင်ဖြစ်တဲ့ ဦးဝင်းထိန်ကတော့ အခုလို လက်နက်တွေ တပုံတပင်ကြီး မိနေတာကို တော်တော်သံသယ ဖြစ်နေတယ်။ သူဟာ တပ်မတော်အရာရှိဟောင်းတဦး ဖြစ်သလို လုံခြုံရေးအတွေ့အကြုံရှိသူလည်း ဖြစ်ပါတယ်။ ဦးဝင်းထိန်ရဲ့ သုံးသပ်ချက်ကတော့ - “စဉ်းစားစရာတွေရှိတယ်။ လက်နက်တွေနဲ့ မူးယစ်ဆေးဝါးပါတယ်။ နောက်တခုက ယူနီဖောင်းတွေက ပုံမှားရိုက်လို့ရတယ်။ သမ္မတ၊ ဒေါ်အောင်ဆန်းစုကြည်၊ နောက်ပြီး လွှတ်တော်ဥက္ကဋ္ဌတွေကို လုံခြုံရေးလိုက်တဲ့သူတွေရဲ့ ဝတ်စုံနဲ့ ဆင်တူရိုးမှား။ မိတဲ့နေ့က အန်စီအေ ၂ နှစ်ပြည့်အတွက် လူကြီးတွေက နေပြည်တော်မှာ ဆုံတဲ့အချိန်မှာမိတာ၊ မနက်က အခမ်းအနားမှာလုပ်ဖို့ ကြိုးစားတာလား၊ မကြိုးစားတာလား၊ အခမ်းအနားပြီးသွားလို့ မလုပ်ဖြစ်လို့ လက်နက်တွေ ပြန်ထုတ်သွားတာလား ဆိုတာလည်း ကျနော်တို့ မပြောနိုင်ဘူး” လို့ အောက်တိုဘာ ၁၈ ရက်နေ့ထုတ် ဆဲဗင်းဒေးနယူးဂျာနယ်ကို ပြောဆိုထားတာကို ဖတ်လိုက်ရပါတယ်။ ဘယ်လိုပဲဖြစ်ဖြစ် သမိုင်းဖြစ်စဉ်တွေအရရော ယနေ့ဖြစ်ပေါ်နေတဲ့ အခြေအနေအရပ်ရပ်ကြောင့်ရော ဒေါ်အောင်ဆန်းစုကြည်ရဲ့ လုံခြုံရေးကို ခြိမ်းခြောက်နေတယ်ဆိုတာ ယေဘုယျ ကောက်ချက်ချလို့ရပါတယ်။ မပြေးသော်လည်း ကန်ရာရှိ အန်အယ်လ်ဒီပါတီအနေနဲ့ရော သမ္မတကြီး ဦးထင်ကျော် ခေါင်းဆောင်တဲ့ အစိုးရအဖွဲ့ အနေနဲ့ရော၊ ဗိုလ်ချုပ်မှူးကြီး မင်းအောင်လှိုင် ခေါင်းဆောင်တဲ့ တပ်မတော်အနေနဲ့ရော တိုင်းပြည်ရဲ့လုံခြုံရေး၊ ဖြစ်ပေါ်နေတဲ့ နိုင်ငံတကာရဲ့ဖိအား၊ ဖြစ်ပေါ်နေတဲ့ အဘက်ဘက်က အကျပ်အတည်းတွေကို ဖြေရှင်းနိုင်အောင် ပြတ်ပြတ်သားသား အရေးယူဖို့ လိုအပ်နေပါပြီ။ မမေ့ဖို့နဲ့ သတိချပ်ဖို့လိုတာက ကျနော်တို့ရဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်း လုပ်ကြံခံရတုန်းကလည်း တပ်မတော်က ဘရင်းဂန်းတွေ သေတ္တာလိုက်ပျောက်ပြီးနောက် အားလုံးက သတိပေး၊ သတိထားနေတဲ့ကြားက အမျိုးသားခေါင်းဆောင်ကြီးတွေ လုပ်ကြံခံခဲ့ရတယ် မဟုတ်လား။ ဒီအခြေအနေကို သတိထားဖို့ လိုပါတယ်။ မြန်မာ့သမိုင်းမှာ ဒီလိုလုပ်ကြံမှုနဲ့ အဖြစ်ဆိုးတွေရှိခဲ့ပြီး လူယုတ်မာတွေနဲ့ လုပ်ကြံရေးသမားတွေက အမြဲမကောင်းကြံနေတာကို သတိရှိကြမယ်ဆိုရင် ယခုလိုအခြေအနေမျိုးမှာ နိုင်ငံတော်အတိုင်ပင်ခံပုဂ္ဂိုလ်အနေနဲ့ သက်တော်စောင့်လောက်တင်မကဘဲ လက်နက်အပြည့်အစုံ လုံခြုံရေးအင်အား တောင့်တင်းတဲ့ လုံခြုံရေးတပ်ဖွဲ့တွေကြားကနေ သွားလာလှုပ်ရှား နေထိုင်သင့်တဲ့အကြောင်း၊ ဖမ်းမိတဲ့၊ ရိုးသားမှုလည်း လုံးဝမရှိတဲ့ လက်နက်တွေနဲ့၊ လုံခြုံရေးအတုတွေကို ပြင်းပြင်းထန်ထန် အရေးယူသင့်တဲ့အကြောင်း ရေးသားလိုက်ရပါတယ်။ ထက်မြက်