ခရီးသည်မိန်းကလေးတဦးခါးပိုက်နှိုက်ခံရမှု အရေးမယူနိုင်သည့်အပေါ် YBS တောင်းပန် (ရုပ်သံ)

  ရန်ကုန်မြို့တွင်းပြေးဆွဲတဲ့ YBS ၂၀ ယာဉ်လိုင်းပေါ်မှာ အောက်တိုဘာလကုန်ပိုင်းက ခရီးသည် မိန်းကလေးတဦး ခါးပိုက်နှိုက်ခံရပြီး  သက်သေ ဗွီဒီယိုဖိုင်ကို ရဲကိုပေးခဲ့ပေမယ့် အခုအချိန်ထိ အရေးမယူခဲ့တဲ့အပေါ် ယာဉ်လိုင်းက တောင်းပန်လိုက်ပါတယ်။ ယာဉ်လိုင်းတာဝန်ရှိသူ တယောက်ဖြစ်တဲ့ ဦးစန်းယုက “ကောင်မလေးက သိသွားတယ်။ သိသွားတော့ ပြောတယ်။ ပြောတော့ ခါးပိုက်နှိုက်တွေက ဆင်းသွားတယ်။ ဆင်းကာနီး ဆဲဆို သွားတယ်။ ဒါပါပဲ။ ကားသမားတွေက ဘာကြောင့် ရဲစခန်းကို မမောင်းတာလဲ ဆိုတာကတော့ ကာယကံရှင်မဟုတ်လို့ မပြောနိုင်ဘူးလေ။” လို့ ပြောပါတယ်။ ကားပေါ်က မှတ်တမ်းဗွီဒီယိုမှာ ခါးပိုက်နှိုက်လို့ ယူဆရသူတွေက ဆင်းသွားပြီး သူတို့နဲ့ အတူ ၁၅ ယောက်ပါတယ်လို့ ပြောဆိုခဲ့ပါတယ်။ ဒီ ဗွီဒီယိုဖိုင်နဲ့ နိုဝင်ဘာ ၂ ရက်နေ့က စမ်းချောင်းရဲစခန်းကို သွားရောက်တိုင်တန်းခဲ့ပေမယ့် အနှိုက်ခံရသူကိုယ်တိုင် အမှုဖွင့်ရမယ့် သဘောဖြစ်တယ်လို့ ဦးစန်းယုက ပြောပါတယ်။ “ခရီးသွားပြည်သူတစ်ယောက်အပေါ် ကျူးလွန်တဲ့လုပ်ရပ်ကို သေချာသတင်းပေး တိုင်တန်း ပါသော်လည်း အရေးမယူနိုင်တာကြောင့် ကာယကံရှင်မိန်းကလေးနဲ့တကွ ခရီးသွား ပြည်သူများအား အနူးအညွတ်တောင်းပန်အပ်ပါသည်”လို့ YBS ၂၀ ယာဉ်လိုင်းရဲ့ လူမှုကွန်ရက်မှာ ထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up