A d v e r t i s e m e n t With Us

ဘာသာရေးကို နိုင်ငံရေးအတွက်အလွဲသုံးစားမှု အရေးယူရန်ပါတီ ၂၇ ခုတောင်းဆို

  အမျိုးသားဒီမိုကရေစီအဖွဲ့ချုပ်ကကြီးမှူးကျင်းပတဲ့ ဘာသာပေါင်းစုံ ဆုတောင်းပွဲ အခမ်းအနားတွေမှာ နိုင်ငံရေး ပရိယာယ်တွေ ထဲ့သွင်းလုပ်ဆောင်တယ်ဆိုပြီး နိုင်ငံရေးပါတီ ၂၇ ခုက စုပေါင်း ကန့်ကွက်လိုက်ပါတယ်။ နိုဝင်ဘာ ၁၃ ရက်ရက်စွဲနဲ့ ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီက ဦးဆောင်ထုတ်ပြန်ခဲ့တဲ့ ကြေညာချက်ထဲမှာ  အန်အယ်လ်ဒီရဲ့ ဘာသာပေါင်းစုံ ဆုတောင်းပွဲတွေဟာ နိုင်ငံရေးကိစ္စအလို့ငှာ ဘာသာသာသနာကို အလွဲသုံးတာပဲလို့လည်း ဖော်ပြပါတယ်။ ပါတီ ၂၇ခုရဲ့ ထုတ်ပြန်ချက်ထဲမှာတော့ ဖွဲ့စည်းပုံအခြေခံဥပဒေမှာ နိုင်ငံရေးကိစ္စအလို့ငှာ ဘာသာသာသနာကို အလွဲသုံးစား မပြုရ၊ နိုင်ငံရေးပါတီတွေဟာ ဘာသာရေးကို နိုင်ငံရေးအတွက် အလွဲသုံးစားခြင်း မပြုရလို့ ပြဌာန်းထားကြောင်းလည်း ဖော်ပြထားပါတယ်။ ဒါ့အပြင် တောင်ကြီးမှာ ကျင်းပခဲ့တဲ့  ဆုတောင်းပွဲအခမ်းအနားကို ၀န်ထမ်းတွေ မပျက်မကွက်တက်ဖို့ ပြည်နယ်အစိုးရက ညွှန်ကြားချက်ထုတ်ပြန်ခဲ့တာလည်း အခြေခံဥပဒေနဲ့ မညီဘူးလို့ ဆိုထားပါသေးတယ်။ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်  ပြန်ကြားရေးတာဝန်ခံ ဦးဉာဏ်ဝင်းက ဘာသာပေါင်းစုံ ငြိမ်းချမ်းရေး ဆုတောင်းတာဟာ အလွဲသုံးတာ မဟုတ်ဘူးလို့ ပြောပါတယ်။ “တခုလုံးတော့ ကျနော်လည်း မဖတ်ရသေးဘူး၊ဒါပေမယ့် ပြောနိုင်တာ တခုတော့ ရှိတယ်၊ဆုတောင်းတာက ဘာကြောင့် အလွဲသုံးစား ဖြစ်ရမှာလည်း၊ဘယ် ဥပဒေကို ညွှန်းပြီးတော့ ဖြစ်ရမှာလည်း၊ ဆုတောင်းတဲ့ဟာ အလွဲသုံးစားဆိုရင် ဘယ်ဘာသာမှ ဆုတောင်းပွဲ မရှိဘူးဖြစ်သွားတော့မှာပေါ့၊ဒီ တခုပဲ ပြောချင်တယ်” ဘာသာရေးကိုနိုင်ငံရေးအတွက် အလွဲသုံးစားပြုလုပ်တဲ့ နိုင်ငံရေးပါတီကို ဖွဲ့စည်းပုံ အခြေခံဥပဒေနဲ့ နိုင်ငံရေးပါတီများမှတ်ပုံတင်ခြင်း ဥပဒေတွေနဲ့အညီအရေးယူဖို့နဲ့ ဘယ်နိုင်ငံရေးပါတီကိုမဆို ဥပဒေချိုးဖောက်ပါက ဥပဒေအတိုင်း ဆောင်ရွက်ဖို့ ပြည်ထောင်စု ရွေးကောက်ပွဲ ကော်မရှင်ရဲ့ တာဝန်သာဖြစ်တယ်လို့လည်း ပါတီ ၂၇ ပါတီရဲ့ပူးတွဲကြေညာချက်မှာဖော်ပြပါတယ်။ ပြီးခဲ့တဲ့ အောက်တိုဘာအတွင်းမှာ ရန်ကုန်၊မန္တလေး စတဲ့ မြို့တွေမှာ ပြည်နယ်တိုင်းအစိုးရတွေက ဦးဆောင်ပြီး ဘာသာပေါင်းစုံ ဆုတောင်းပွဲတွေလုပ်ခဲ့ပါတယ်။ ဒီလို လုပ်ခဲ့တာနဲ့ပတ်သက်လို့ ပြည်သူတွေအကြား ဝေဖန်ပြောဆိုမှုတွေ ထွက်ပေါ်ခဲ့ပြီး မကြာခင်ကလုပ်ခဲ့တဲ့ သံဃာ့နာယကစည်းဝေးပွဲကလည်း ဘာသာပေါင်းစုံဆုတောင်းပွဲတွေမှာ ရဟန်းသံဃာနဲ့ သီလရှင်တွေ မပါဝင်ကြဖို့ ဆုံးဖြတ်ခဲ့ပါတယ်။

A d v e r t i s e m e n t With Us

More News
Up