တရုတ်တွင်တပ်ဆင်ထားသည့် စီစီတီဗွီ ကင်မရာများတွင် မျက်နှာပုံဖော်သည့်နည်းပညာ အသုံးပြု

ဓာတ်ပုံ - ရိုက်တာ
တရုတ်နိုင်ငံ မြို့ကြီးတွေမှာ တပ်ဆင်ထားတဲ့  လုံခြုံရေးကင်မရာ (စီစီတီဗွီ) တွေဟာ မျက်နှာပုံဖော်တဲ့ နည်းပညာကို အသုံးပြုပြီး လူတွေရဲ့ အခြေခံသတင်းအချက်အလက်တွေကို အလိုအလျောက် ဖော်ထုတ်နိုင်ကြပါတယ်။ တရုတ်နိုင်ငံ မြို့ကြီးတွေမှာ ကင်မရာပေါင်း သန်းချီ တပ်ဆင်ထားပြီး ကမ္ဘာ့အကြီးဆုံး စီစီတီဗွီကင်မရာကွန်ရက်ကို ဖြန့်ကြက်ထားတာပါ။ အဲဒီ စီစီတီဗွီ ကင်မရာတွေဟာ လူတွေရဲ့ သတင်းအချက်အလက်တွေကို အလိုအလျောက် ဖော်ပြနိုင်ပါတယ်။ အဲဒီနည်းပညာနဲ့ ပတ်သက်ပြီး Sensetime Founder နဲ့ စီအီးအို ဇူချီဟန်က “၂၀၁၄ နောက်ပိုင်းမှာ လူ့မျက်လုံးကိုသုံးပြီး မည်သူမည်ဝါခွဲခြားတာ အောင်မြင်ခဲ့ပါတယ်။ ဒီအပလီကေးရှင်းအတွက် ဈေးကွက်ကြီးကြီးမားမား ရှိခဲ့ပါတယ်။ မျက်နှာဖတ်မှတ်တဲ့ နည်းပညာကို သုံးပြီး လူပုဂ္ဂိုလ်နဲ့ သူ့ အိုင်ဒီကတ် ကိုက်ညီမှုရှိမရှိ အလိုအလျောက် ဆုံးဖြတ်ပေးနိုင်ပါတယ်” လို့ ပြောပါတယ်။ လက်ရှိအသုံးပြုနေတဲ့ နည်းပညာနဲ့ ပတ်သက်ပြီး အီလက်ထရွန်းနစ် အင်ဂျင်နီယာဌာန ပါမောက္ခ ဝမ်ရှန်ဂျင်က “မျက်နှာပေါ်က Key Points တွေကို ရှာဖို့လိုပါတယ်။ မျက်လုံးနှစ်လုံးရဲ့ အစွန်းတွေ၊ နှာခေါင်းထိပ်၊ နှာခေါင်းဘေး အစွန်းနှစ်ခုနဲ့ ပါးစပ်အစွန်းနှစ်ခု အဲဒါတွေကို သိပြီဆိုတာနဲ့ ဒေတာဘေ့စ်ထဲက မျက်နှာတွေနဲ့ တိုက်ဆိုင်စစ်ဆေးကြည့်ပါတယ်။ မျက်နှာပေါ်က  Points တွေရဲ့ အကွာဝေးကို တိုင်းပြီးတာနဲ့ အဲဒီမျက်နှာဟုတ်မဟုတ် အဆုံးအဖြတ်ပေးပါတယ်။ လူတွေရဲ့ဘဝမှာ လုံခြုံရေးနဲ့ လွတ်လပ်မှုဆိုတဲ့ အရေးကိစ္စတွေ ရှိပါတယ်။ အဲဒီနှစ်ခု ပဋိပက္ခဖြစ်လာတဲ့အခါ တရုတ်လူမျိုးတွေဟာ လုံခြုံရေးကို ပိုအလေးထားမှာပါ။ ဘာလို့လဲဆိုတော့ လုံခြုံမှုမရှိရင် ဘာမှမရှိနိုင်ဘူးလေ” လို့ ပြောပါတယ်။ မျက်နှာဖတ်မှတ်တဲ့နည်းလမ်း မရနိုင်တဲ့နေရာမှာ တခြားဖတ်မှတ်တဲ့ နည်းပညာတွေနဲ့ ဖြည့်ဆည်းဖို့လည်း ရည်ရွယ်ထားပါတယ်။ တရုတ်အစိုးရဟာ လူတွေ စကားပြောဆိုပုံကို အခြေခံပြီး အသံပုံစံဒေတာဘေ့စ်ကို တည်ဆောက်နေတယ်လို့လည်း လူ့အခွင့်အရေး စောင့်ကြည့်မှုအဖွဲ့ အစီရင်ခံစာမှာ ဖော်ပြထားပါတယ်။

More News
Up