A d v e r t i s e m e n t With Us

မဟာ​အေး​စေတီဘုရားပွဲ​တော် ဇွန်​သဉ္ဇာ ​ဖျော်​​ဖြေမှု အပိတ်​ခံရ

ချောက်မြို့ တန်ဆောင်မုန်းပွဲတော် မဟာအေးစေတီဘုရားပွဲတော်မှာ စိန်မဟာ သဘင်နဲ့အတူ ဇွန်သဉ္ဇာ သီဆိုဖျော်ဖြေမယ်လို့ ကြော်ညာထားခဲ့ပေမယ့် မြို့နယ်သဘင်အစည်းအရုံးက ဇွန်သဉ္ဇာအား ဖျော်ဖြေမှုပိတ်ခဲ့လို့ စိန်မဟာသဘင်မှ ပွဲထွက်ချိန်ထက်  ၂ နာရီနောက်ကျပြီး ကပြခဲ့ရတယ်လို့ သိရပါတယ်။ “ပွဲကြော်ငြာကို ၃ ရက် ၉ လ ပိုင်းကတည်းက ကြော်ငြာထားခဲ့တာပါ။ ဂေါပက အနေနဲ့ကတော့ ပွဲတော်အစည်းအဝေးမှာကတည်းက နိုင်ငံတော်က ခွင့်ပြုရင် သူတို့သဘောကတော့ ဇွန်သဉ္ဇာကို ပိတ်ပင်မှုမရှိပါဘူးလို့ ပြောထားပြီးတော့ ကျနော်လည်း ထည့်ခဲ့တာပါ။ အခုဟာက မြို့နယ်သဘင် အစည်းအရုံးက ပိတ်လိုက်တဲ့ ဖြစ်ရပ်ပါ။ မြို့နယ်သဘင်အစည်းအရုံးကလည်း မကွေးတိုင်းသဘင်ဥက္ကဋ္ဌ မင်းသား ခန့်ကို ကနေပြီးတော့ ချောက်သဘင် အစည်းအရုံးကို စာဝင်စာထွက်မဟုတ်ဘဲ ဖုန်းနဲ့ ပြောပိတ်ခိုင်းလို့ ပိတ်ရတယ်ဆိုတာ သိရပါတယ်” လို့ ချောက်မြို့မှ ပွဲငှားစီစဉ်သူ ဦးစိန်ကလားက ပြောပါတယ်။ ကသင့်မကသင့် တိုင်ပင် ခဲ့ကြပြီး နောက်ကျပွဲထွက်ခဲ့ရပြီး ရုံဝင်ကြေး ၃၀၀၀ ကျပ်ကနေ ၁၀၀၀ ကျပ် လျှော့ပြီး ရုံသွင်းကပြခဲ့ပေမယ့် ကျပ်ငွေ သုံးသောင်းပဲ ရရှိခဲ့ကြောင်းနဲ့ ဇွန်သဉ္ဇာ စရန်ပေးငွေနဲ့ စိန်မဟာသဘင် တညတာ အနုပညာကြေးငွေ အားလုံးပေါင်း ၁၅ သိန်းလောက် ဆုံးရှုံးခဲ့တယ်လို့  ဦးစိန်ကုလားက ဆက်ပြောပါတယ်။ ဇွန်သဉ္ဇာ (Sexy model)ရဲ့ ဝတ်စားဆင်ယင် ဖျော်ဖြေတင်ဆက်မှုတွေဟာ မြန်မာ့သဘင် စင်မြင့်နဲ့ အပ်စပ်မှုမရှိခြင်း၊ ဗုဒ္ဓပူဇနိယ ပွဲတော်တွေရဲ့ပုံရိပ်ကို ကျဆင်းစေခြင်းတို့ကြောင့် မြန်မာနိုင်ငံ သဘင်ပညာရှင်များအစည်းအရုံး(ဗဟို) က တရားဝင်ခေါ်ယူ သတိပေးခြင်းနဲ့ ခံဝန်ကတိတွေကို အကြိမ်ကြိမ်ဖောက်ဖျက်ပြီး လိုက်နာမှု မရှိလို့ သူ့ရဲ့ ဖျော်ဖြေမှုတွေကို မြန်မာ့ဇာတ်သဘင်စင်မြင့်မှာ ကပြဖျော်ဖြေခြင်းကို ကန့်ကွက်ကြောင်း ချောက်မြို့နယ် သဘင်အစည်းအရုံး စာအမှတ်(၀၈၅) နိုဝင်ဘာ(၇)ရက်၊၂၀၁၇ ပါအရ သိရပါတယ်။ ကိုလင်း(ချောက်)

A d v e r t i s e m e n t With Us

More News
Up