A d v e r t i s e m e n t With Us

ကလေးပွေ့ချီလျက် မူးယစ်ဆေးသုံးစွဲသည့်မိခင် ဝေဖန်မှုမြင့်တက်

ဓာတ်ပုံ - မန်နေဂျာအွန်လိုင်း
ထိုင်းနိုင်ငံမှ အမျိုးသမီးတဦးဟာ ကလေးကို ပွေ့ချီလျက်သား အခြေအနေနဲ့ ယာဘစိတ်ကြွမူးယစ်ဆေး သုံးစွဲနေတဲ့ ရုပ်သံဗွီဒီယိုဖိုင်ဟာ လူမှုကွန်ရက်စာမျက်နှာတွေပေါ်မှာ ပျံ့နှံ့ခဲ့ပြီးနောက်မှာ ဝေဖန်မှုတွေ မြင့်တက်နေပါတယ်။ ဒီရုပ်သံဗွီဒီယိုဖိုင်ကို အမျိုးသားတဦးက အွန်လိုင်းပေါ်မှတဆင့် မျှဝေခဲ့တာဖြစ်ပြီး လူ့အဖွဲ့အစည်းအတွက် ခုလိုအခြေအနေတွေမှာ ဘယ်သူ့မှာ တာဝန်ရှိနေသလဲလို့ မေးခွန်းထုတ်လိုက်တာပါ။ အင်တာနက် လူမှုကွန်ရက် စာမျက်နှာတွေပေါ်မှာတော့ ဝေဖန်မှုတွေ ပလူပျံနေခဲ့ကာ ထိုင်းဘာသာနဲ့ထုတ်ဝေတဲ့ မန်နေဂျာအွန်လိုင်း သတင်းကတော့ နာမကျန်းဖြစ်နေတဲ့ စိတ်ပျက်စရာကောင်းတဲ့ အဖွဲ့အစည်းတခုရဲ့ ညွှန်းကိန်းလို့ ခေါင်းစဉ်တပ် ဖော်ပြခဲ့တာ ဖြစ်ပါတယ်။ ရုပ်သံဗွီဒီယိုဖိုင်ကိုတင်ခဲ့သူ အမျိုးသားက သူဟာ ဒီမြင်ကွင်းကို သူ့အဖွားအိမ် သွားရောက်လည်ပတ်ချိန်မှာ တွေ့မြင်ခဲ့ရတာလို့ ဖော်ပြထားပါတယ်။ ပွေ့ချီထားခံရတဲ့ ကလေးဟာ မွေးကင်းစအရွယ်သာ ရှိသေးပြီး မူးယစ်ဆေးငွေ့တွေကို ရှူရှိုက်နေရတယ်လို့ သူက ပြောပါတယ်။ လက်ရှိမှာတော့ ဒီကိစ္စကို ရဲတွေဆီ တိုင်ကြားထားပြီး အင်တာနက် အသုံးပြုသူတွေကတော့ ဒီရုပ်သံဗွီဒီယိုဖိုင်က ထိုင်းလူမှုအဖွဲ့အစည်းကို ရောင်ပြန်ဟပ်နေတဲ့ လူမှုပြဿနာတွေကို ပြောပြနေတာဖြစ်တယ်လို့ ပြောနေကြပါတယ်။

A d v e r t i s e m e n t With Us

More News
Up