ခြံဝင်းထဲ တိတ်တဆိတ် ရောက်လာသည့် မိကျောင်းကြီးကို ရွာသားများ ဝိုင်းဝန်း ဖမ်းဆီး

အိန္ဒိယနိုင်ငံ အရှေ့ပိုင်းမှာ အမျိုးသားတဦးရဲ့ အိမ်ခြံဝင်းထဲကို မနက်ခင်းစောစော ရောက်နေခဲ့တဲ့ ဧရာမ မိကျောင်းကြီးတကောင်ကို ရွာသားတွေက ဝိုင်းဝန်းဖမ်းဆီးခဲ့ကြပါတယ်။ ဒီအဖြစ်အပျက်ဟာ ဒေသစံတော်ချိန် မနက်အစောပိုင်း ၃ နာရီလောက်က အော်ရီဆာပြည်နယ်တွင်း ရွှေ့ပြောင်းကျေးရွာတခုတွင်းမှာ ဖြစ်ခဲ့တာလို့ ဘီဘီစီသတင်းတပုဒ်မှာ ဖော်ပြပါတယ်။ ဒက်ရ်ှရက်သ် မက်ဒ်ခမီ အမည်ရတဲ့ အဆိုပါအမျိုးသားက သူဟာ ထူးဆန်းတဲ့ အသံတသံကြောင့် ရုတ်တရက် လန့်နိုးသွားခဲ့ပြီးနောက်မှာ မိကျောင်းကြီးကို တွေ့ခဲ့တာဖြစ်တယ်လို့ သတင်းထောက်တွေကို ပြောပါတယ်။ အဲဒီနောက် သူက တခြားရွာသားတွေကို ခေါ်ကာ အရှည် ၁၂ ပေလောက် ရှိတဲ့ မိကျောင်းကြီးကို ဝိုင်းဝန်းဖမ်းဆီးကာ သစ်ပင်မှာ ကြိုးနဲ့ ချည်ထားခဲ့ကြတာ ဖြစ်ပါတယ်။ အစပိုင်းကတော့ ရွာသားတွေဟာ မိကျောင်းကြီးကို သတ်ချင်ခဲ့ကြပေမယ့် ရွာအကြီးအကဲက ဖျောင်းဖျ ပြောဆိုတဲ့အတွက် မသတ်ခဲ့ကြပါဘူး။ လက်ရှိမှာတော့ ကံကောင်းထောက်မစွာပဲ သားရိုင်းတိရစ္ဆာန်ထိန်းသိမ်းရေးဌာနမှ တာဝန်ရှိသူတွေဟာ မိကျောင်းကြီးကို ကယ်တင်နိုင်ခဲ့တယ်လို့ သတင်းမှာ ဖော်ပြပါတယ်။ သစ်တောဌာနမှ တာဝန်ရှိသူတွေဟာ မိကျောင်းကြီးကို ကျေးရွာအနီးက ဆတီဂူဒါ ရေလှောင်တမံဆီ ပြန်လွှတ်ပေးချင်ခဲ့ပေမယ့် ဒါဟာ ရွာသားတွေကြား အငြင်းပွားစရာ ဖြစ်နေပြီး ရွာထဲကို နောက်တကြိမ် ရောက်လာမှာကို စိုးရိမ်နေကြတာပါ။ “အဲဒီရေလှောင်တမံထဲမှာ မိကျောင်းကောင်ရေ ၃၀၊ ၄၀ လောက်ရှိတယ်။ ဒီတကောင်က ရေလှောင်တမံကနေ အနီးနား ဥဥဖို့ လာရင်း လွတ်ထွက်လာတာ ဖြစ်မယ်”လို့ သစ်တောဌာနမှ ပြောရေးဆိုခွင့်ရသူ ဆူရှန့်တ်နာရက်ခ်က ပြောပါတယ်။ အဲဒီနောက်တော့ မိကျောင်းကြီးကို ရွာနဲ့ ၃၇ မိုင်လောက် ဝေးတဲ့ ဘာလီမယ်လာ ရေလှောင်တမံဆီ ပြန်လွှတ်ဖို့ ဆုံးဖြတ်ခဲ့ကြတာလို့ သတင်းမှာ ဖော်ပြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up