A d v e r t i s e m e n t With Us

ဆိုနီကော်ပိုရေးရှင်းက သခင်နှင့်အဖော်ပြုပေးမည့် စက်ရုပ်ခွေး မိတ်ဆက်ပြသ (ရုပ်သံ)

လူတွေ အဖော်ရစေမယ့် အာအီဘို (Aibo) လို့ခေါ်တဲ့ စက်ရုပ်ခွေးကို ဆိုနီကော်ပိုရေးရှင်းက နိုဝင်ဘာ ၁ ရက်နေ့မှာ မိတ်ဆက်ပြသခဲ့ပါတယ်။ အဲဒီ စက်ရုပ်ခွေးဟာ လုံးပတ် ၁၈၀ မီလီမီတာ၊ အမြင့် ၂၉၃ မီလီမီတာနဲ့ မျက်လုံးတွေမှာ  OLED မီးသီး တပ်ဆင်ထားပါတယ်။ အာအီဘိုလို့ခေါ်တဲ့ စက်ရုပ်ခွေးဟာ အချိန် ၃ နာရီ ဓာတ်အားသွင်းပြီးတိုင်း ၂ နာရီလောက် လှုပ်ရှားနိုင်ပါတယ်။ စက်ရုပ်ခွေးမှာ သခင်ကိုမှတ်မိဖို့ မျက်နှာဖတ်မှတ်တဲ့ ကင်မရာနှစ်လုံး ထည့်သွင်းထားပြီး အလိုအလျောက် လှုပ်ရှားမှု ၂၂ မျိုး ပြုလုပ်နိုင်တဲ့ မော်တာနဲ့ လည်ပတ်တာဖြစ်ပါတယ်။ ဆိုနီကော်ပိုရေးရှင်း စီအီးအို ကာဇူအို ဟီရာအီက “စက်ရုပ်ခွေးတကောင်ဟာ သက်ရှိခွေးတကောင်လိုပဲ လူတွေကို အဖော်ပြုပေးနိုင်မယ်လို့ ကျနော်တို့ ယုံကြည်ပါတယ်။ မေတ္တာတရားဟာ ဆိုနီမစ်ရှင်ရဲ့ အဓိကရည်ရွယ်ချက်ပါပဲ။ ဒါကြောင့်မို့ လွန်ခဲ့တဲ့ တနှစ်ခွဲက စက်ရုပ်ခွေးတီထွင်ဖို့ ညွှန်ကြားခဲ့တာပါ” လို့ ပြောကြားခဲ့ပါတယ်။ ဆက်လက်ပြီး သူက “အဲဒီစူးစမ်းလိုစိတ်ဟာ ဒီနေ့တော့ အာအီဘိုလို့ခေါ်တဲ့ စက်ရုပ်ခွေး ဖန်တီးမှုနဲ့အတူ အကောင်အထည် ပေါ်လာခဲ့ပါပြီ။ အာအီဘိုဟာ သခင်ကို နေ့စဉ် အဖော်ပြုပေးမယ့် အဖော်မွန်ကောင်းပါ” လို့ ပြောပါတယ်။ ခွေးပိုင်ရှင်ဟာ သူ့ရဲ့ စမတ်ဖုန်းထဲမှာ ထည့်သွင်းထားတဲ့ My Aibo application ကနေပြီး သူ့ရဲ့ စက်ရုပ်ခွေးနဲ့ ကစားနိုင်တယ်လို့လည်း ဆိုပါတယ်။ ဆိုနီကော်ပိုရေးရှင်းဟာ ၉ နှစ်ကြာ ရှယ်ယာဈေး မြင့်တက်စေတဲ့ စံချိန်တင်ဝင်ငွေ ခန့်မှန်းခဲ့ပြီး နောက်တနေ့မှာ အခုလို စက်ရုပ်ခွေး မိတ်ဆက်ပွဲကို ကြေညာခဲ့တာဖြစ်ပါတယ်။ အဲဒီ စက်ရုပ်ခွေးတွေကို လာမယ့် ၂၀၁၈ ခုနှစ်၊ ဇန်နဝါရီ ၁၁ ရက်နေ့ကစပြီး တင်ပို့မှာ ဖြစ်တယ်လို့ သိရပါတယ်။

A d v e r t i s e m e n t With Us

More News
Up