A d v e r t i s e m e n t With Us

နယူးယောက်မြို့လယ်ခေါင် စက်ဘီးစီးလာသူများကို ကားတစီးဖြတ်တိုက်၊ ၈ ဦးသေဆုံး

ဓာတ်ပုံ - ရိုက်တာ
အမေရိကန်နိုင်ငံ၊ နယူးယောက်မြို့လယ်ခေါင်မှာ စက်ဘီးစီးလာသူတွေကို ပစ်ကပ်ကားတစီးက ဖြတ်ကြိတ်တိုက်ခဲ့လို့ အနည်းဆုံး လူ ၈ ဦး သေဆုံးခဲ့ပါတယ်။ ဒီအဖြစ်အပျက်ဟာ အောက်တိုဘာ ၃၁ ရက် ညနေ ၃ နာရီဝန်းကျင်လောက်က မန်ဟက်တန်ရပ်ကွက်ထဲက စက်ဘီးစီးရာ သီးသန့်လမ်းတခုထဲမှာ ဖြစ်ခဲ့ပြီး ယာဉ်မောင်းဖြစ်သူဟာ ကားနဲ့ လူအုပ်စုကြားကို ဝင်ရောက်တိုက်ခဲ့တာပါ။ အသက် ၂၉ နှစ်အရွယ် အဲဒီယာဉ်မောင်းဟာ ကျောင်းကားတစီးကို ဝင်တိုက်ခဲ့ပြီးနောက် ကားကိုထားခဲ့ကာ ထွက်ပြေးသွားခဲ့ပါတယ်။ အဲဒီနောက်မှာတော့ ရဲတွေက သူ့ကို သေနတ်နဲ့ပစ်ခတ်ပြီး ဖမ်းဆီးထိန်းသိမ်းနိုင်ခဲ့တယ်လို့ ဆိုပါတယ်။ ကားနဲ့ဝင်တိုက်မှုကြောင့် အခင်းဖြစ်နေရာမှာ ၆ ဦး သေဆုံးခဲ့ပြီး ဆေးရုံမှာ ၂ ဦး သေဆုံးသွားခဲ့တာပါ။ ကျောင်းကားကို ဝင်တိုက်ခဲ့တာကြောင့် ကလေး ၂ ဦးနဲ့ လူကြီး ၂ ဦး ထိခိုက်ဒဏ်ရာတွေ ရရှိခဲ့ကြပါတယ်။ အခုတိုက်ခိုက်မှုဟာ မနှစ်တုန်းက ဥရောပဒေသတွင်း တိုက်ခိုက်မှုတွေနဲ့ ပုံစံတူညီတယ်လို့ ပြည်နယ်အုပ်ချုပ်ရေးမှူး အင်ဒရူး ကရိုမိုက ပြောခဲ့ကြောင်း ရိုက်တာသတင်းမှာ ဖော်ပြပါတယ်။ တရားခံအမျိုးသားရဲ့ အမည်ကို ဆေဖူလို ဆိုင်ပေါ့ဗ်လို့ ဖော်ပြပြီး သူဟာ ၂၀၁၀ ပြည့်နှစ်က အမေရိကန်နိုင်ငံကို ရွှေ့ပြောင်းလာခဲ့သူဖြစ်ကြောင်း သတင်းမီဒီယာတွေရဲ့ ဖော်ပြချက်ကို ကိုးကားပြီး ဘီဘီစီသတင်းတပုဒ်မှာ ဖော်ပြပါတယ်။ သူ့ရဲ့ကားထဲမှာလည်း အင်္ဂလိပ်လို ရေးသားထားတဲ့ အိုင်အက်စ် အကြမ်းဖက်အဖွဲ့တွေနဲ့ ဆက်စပ်တယ်လို့ ယူဆရတဲ့ သံသယဖြစ်ဖွယ် စာတစောင်ကို တွေ့ရှိခဲ့ရတယ်လို့ အာဏာပိုင်တွေက ပြောပါတယ်။ လက်ရှိမှာတော့ တရားခံဖြစ်သူ အမျိုးသားကိုလည်း ဆေးကုသမှု ခံယူနိုင်ဖို့ ဆေးရုံ ပို့ဆောင်ထားခဲ့တယ်လို့ ဆိုပါတယ်။

A d v e r t i s e m e n t With Us

More News
Up