ညောင်လေးပင်မြို့တွင် တရားမ၀င် ကျွန်းပရိဘောဂများ ဖမ်းဆီးရမိ
DVB
·
October 9, 2017
ပဲခူးတိုင်းဒေသကြီး ညောင်လေးပင်မြို့မှာ အောက်တိုဘာ ၈ ရက်နေ့က ၁၂ ဘီးယာဉ် ၁ စီးပေါ်ကနေ ကျွန်းနဲ့ ပြုလုပ်ထားတဲ့ ပရိဘောဂပစ္စည်းတွေကို ဖမ်းဆီးရမိခဲ့တယ်လို့ မြို့နယ်သစ်တောဦးစီးမှူးက ပြောပါတယ်။
ညောင်လေးပင်မြို့ ရန်ကုန်-မန္တလေးကားလမ်းဟောင်း မိုင်တိုင်အမှတ် (၉၉/၆) အနီးမှာ မြို့နယ် သစ်တောနဲ့ ပူးပေါင်းအဖွဲ့က သတင်းအရ မန္တလေးဘက်မှ ရန်ကုန်ဘက် နေဇာထွန်း မောင်းနှင်ပြီး ၀င်းထွန်းနဲ့ ဇော်မင်းတို့ လိုက်ပါလာတဲ့ ၁၂ ဘီးယာဉ်အား ရပ်တန့်စစ်ဆေးရာမှ ကျွန်းနဲ့ပြုလုပ်ထားတဲ့ ပရိဘောဂပစ္စည်းတွေ ဖမ်းဆီးရမိခဲ့တာလို့ ဆိုပါတယ်။
မြို့နယ်သစ်တောဦးစီးမှူး ဦးတင်စိုးက “ကျနော်တို့သတင်းအရ စောင့်ဆိုင်စစ်ဆေးနေစဉ်မှာ ဖမ်းဆီးရမိခဲ့တာပါ။ ကျွန်းနဲ့ ပြုလုပ်ထားတဲ့ ကနုက်ပန်း-ပန်းထွင်း-ပန်းဖောက် စတဲ့ ပရိဘောဂပစ္စည်းမျိုးတွေပါ။ ကျနော်တို့ သစ်တောဥပဒေနဲ့အညီ အရေးယူမှာပါ” လို့ ဒီဗွီဘီကို ပြောပါတယ်။
စစ်ဆေးတိုင်းတာချက်အရ ကျွန်းနဲ့ပြုလုပ်ထားတဲ့ ကနုတ်ပန်း-ပန်းထွင်း- ပန်းဖောက် ပရိဘောဂပစ္စည်းမျိုးစုံ စုစုပေါင်း ၂၇၂ ခု ဖမ်းဆီးရမိခဲ့တာလို့ သိရပါတယ်။
တရားမ၀င် ကျွန်းပရိဘောပစ္စည်းတွေ တင်ဆောင်လာသူ ယာဉ်မောင်းနဲ့ ယာဉ်နောက်လိုက်တို့ ၃ ဦးကို ညောင်လေးပင်မြို့ သစ်တောဦးစီးမှူးက သစ်တောဥပဒေပုဒ်မ ၄၃ (က) နဲ့ အမှုဖွင့်ထားတယ်လို့ သိရပါတယ်။
