ကနီမြို့နယ်တွင် အဂတိလိုက်စားမှုတိုက်ဖျက်ရေး ဒေသခံထောင်ချီ ဆန္ဒပြ

  စစ်ကိုင်းတိုင်းဒေသကြီး၊ ကနီမြို့မှာ မြို့နယ်အုပ်ချုပ်ရေးမှူးက အဂတိလိုက်စားမှုတွေရှိနေ တယ်ဆိုပြီး မြို့နယ်အုပ်ချုပ်ရေးမှူး ပြုတ်ကျရေး၊ အဂတိလိုက်စားမှု တိုက်ဖျက်ရေးတို့အတွက် ဒေသခံထောင်ဂဏန်းခန့်က ဒီကနေ့မနက်ပိုင်းမှာ ကနီမြို့တွင်းလှည့်လည် ဆန္ဒပြနေကြပါတယ်။ ဆန္ဒပြပွဲမှာ ဒေသခံတွေက ကနီမြို့နယ်အုပ်ချုပ်ရေးမှုး အလိုမရှိ၊ အဂတိလိုက်စားမှု တိုက်ဖျက်ရေး ဒို့အရေး၊ တရားဥပဒေစိုးမိုးရေး ဒို့အရေး စတဲ့ကြွေးကြော်သံတွေကို ကြွေးကြော်ဆန္ဒပြနေကြတာပါ။ ကနီမြို့နယ်အုပ်ချုပ်ရေးမှူး အဂတိလိုက်စားတယ်ဆိုပြီး ဒေသခံတွေက တိုင်ကြား ထားတာလည်းရှိပြီး ယင်းမာပင်ခရိုင်ရုံးမှာ ခုံဖွဲ့စစ်ဆေးနေတယ်လို့လည်း ဒေသခံတွေက ပြောပါတယ်။ ဆန္ဒပြပွဲကို တရားဝင်ခွင့်ပြုမိန့်တင်ပြီး မြို့နယ်အုပ်ချုပ်ရေးမှူးရုံးရှေ့ထိသွားရောက်ကာ ဆန္ဒပြခဲ့ကြပါတယ်။ ဆန္ဒပြပွဲမှာ ဒေသခံတွေအပြင် မုံရွာမြို့မှ အဂတိလိုက်စားမှု၊ လာဘ်ပေးလာဘ်ယူမှုကို မလိုလားတဲ့ အရပ်ဖက်အဖွဲ့အစည်းတွေလည်း ပူးပေါင်းပါဝင်ခဲ့ကြပါတယ်။

More News
Up