သာစည်တွင် ဖခင်နှင့် သားဖြစ်သူ စကားများရာမှ လူသတ်မှု ဖြစ်ပွား

မန္တလေးတိုင်းဒေသကြီး သာစည်မြို့၊ အမှတ် (၄) ထိန်ကန်ရပ်ကွက်၊ အောက်တိုဘာ ၅ ရက်နေ့ ည ၈ နာရီက ဖခင်ဖြစ်သူ အရက်မူးပြီး မိခင်ကို ဆဲရေးတိုင်းထွာ ဆူပူကြိမ်းမောင်းကာ ထင်းချောင်းတွေနဲ့ ပစ်နေတာကို သားဖြစ်သူက ဝင်တားရာကနေ စကားများ ရန်ဖြစ်ပြီး ဖခင်ကို သားက ဓားနဲ့ထိုးလို့ သေဆုံးသွားခဲ့တယ်လို့ သိရပါတယ်။ ဖြစ်စဉ်မှာ အမှတ် (၄) ထိန်ကန်ရပ်ကွက်နေ အသုပ်စုံရောင်းတဲ့ ဒေါ်ချို ထမင်းချက်ဖို့ မီးမွှေးနေချိန်မှာ အရက်မူးပြီး ပြန်လာတဲ့ ခင်ပွန်းဖြစ်သူ ဦးစိန်ဝင်း(၅၀-နှစ်)က ဆဲရေးတိုင်းထွာ ဆူပူကြိမ်းမောင်းပြီး ဒေါ်ချိုကို ထင်ချောင်းတွေနဲ့ ပစ်ပေါက်နေလို့ သားဖြစ်သူ ရန်လင်းအောင် (၂၀-နှစ်)က ရန်မဖြစ်ဖို့ ဝင်တားခဲ့ပါတယ်။ ဦးစိန်ဝင်းက အနီးမှာရှိတဲ့ တုတ်နဲ့ ရန်လင်းအောင်ရဲ့ ဦးခေါင်းကို ရိုက်လိုက်ရာ ခေါင်းပေါက်ခဲ့ပါတယ်။ အဲဒီနောက် လုံးထွေးသတ်ပုတ်ကြရင်း ရန်လင်းအောင်က အိမ်ရှေ့ရှိ အသုပ်စုံရောင်းဖုိ့ ပြင်ဆင်ထားတဲ့ ခုံပေါ်က အရိုးအသွား ၉ လက်မ ရှိတဲ့ သစ်သားရိုးတပ် စတီးဓားနဲ့ ဦးစိန်ဝင်းကို ထိုးလိုက်ရာ ဦးစိန်ဝင်း သေဆုံးသွားတာခဲ့တာကြောင့် ရန်လင်းအောင်ကို လူသတ်မှုနဲ့ အမှုဖွင့်ထားတယ်လို့ သာစည်မြို့မရဲစခန်းက ပြောပါတယ်။ ဒုရဲမှူးဇော်မျိုးသန်းက “ဦးစိန်ဝင်းက ဝဲဘက်ရင်အုံ ထိုးသွင်းဒဏ်ရာ၊ ယာဘက် လည်ပင်း ထိုးသွင်းဒဏ်ရာ၊ ဝဲနားထင် ပြတ်ရှဒဏ်ရာ၊ ယာခြေမ ပေါက်ပြဲဒဏ်ရာတွေနဲ့ အခင်းဖြစ်နေရာမှာပဲ သေဆုံးခဲ့တယ်”လို့ ပြောပါတယ်။ သာစည်မြို့မရဲစခန်းက ရန်လင်းအောင်(၂၀-နှစ်) ကို အမှုအမှတ် (ပ)၂၀၈/ ၂၀၁၇ နဲ့ လူသတ်မှု ရာဇသတ်ကြီးပုဒ်မ ၃၀၂ နဲ့ ဖမ်းဆီး အမှုဖွင့်ပါတယ်။ သတင်း-မောင်မောင်လင်း(ဝမ်းတွင်း)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up