တနင်္သာရီမြစ်တွင်း ကူးတို့လှေ ၁ စီး တိမ်းမှောက်၍ ၂ ဦးသေဆုံး၊ ၃ ဦး ပျောက်ဆုံး
DVB
·
October 5, 2017
မြိတ်မြို့နယ်၊ မင်းသန်းကျေးရွာကူးတို့ဆိပ်မှ ကူးတို့လှေတစ်စီး အောက်တိုဘာ ၅ ရက်နေ့၊ မနက် ၁၀ နာရီလောက်က တနင်္သာရီမြစ်တွင်းမှာ တိမ်းမှောက်ခဲ့ပြီး ၂ ယောက်သေဆုံး၊ ၃ ယောက် ပျောက်ဆုံးနေတယ်လို့ သိရပါတယ်။
မင်းသန်းကျေးရွာမှ မောင်းလှော်ရွာကို သွားတဲ့ ကူးတို့လှေဟာ ခရီးသည် ၃၀ ဦး တင်ဆောင်ပြီးသွားရာ တနင်္သာရီမြစ်လယ်မှာ တိမ်းမှောက်ခဲ့တာလို့ သိရပါတယ်။
ကူးတို့လှေ တိမ်းမှောက်မှုကြောင့် ဒေါ်စန်းကြူ (၆၅-နှစ်) သေဆုံးပြီး၊ အမျိုးသား ၂ ယောက်နဲ့ အမျိုးသမီး ၂ ယောက်တို့ ပျောက်ဆုံးနေကာ ဒဏ်ရာရ လူနာ ၃ ဦးကို ကျန်းမာရေးအထောက်အကူပြု ယာဉ်နဲ့ မြိတ်ပြည်သူ့ဆေးရုံကြီးကို တင်ပို့ထားတယ်လို့ သိရပါတယ်။
ကူးတို့လှေ တိမ်းမှောက်ရာမှာ ပျောက်ဆုံးနေသူ ၄ ယောက်ကို ကယ်ဆယ်ရေးအဖွဲ့တွေနဲ့ ဒေသခံတွေက စက်လှေတွေနဲ့ လိုက်လံရှာဖွေရာ နေ့လယ် ၂ နာရီလောက်မှာ ဒေါ်ဌေးဌေးလှိုင် (၄၀-နှစ်) အလောင်းကို တနင်္သာရီမြစ်တွင်းက ဆယ်ယူရရှိပြီး ကျန်ရှိသူတွေကို ကယ်ဆယ်ရေးအဖွဲ့က ဆက်လက်ရှာဖွေနေတယ်လို့ သိရပါတယ်။
သတင်း - မြတ်ထွဋ်(မြိတ်)