မင်္ဂလာပါ သားသားမီးမီးတို့ရေ ... သားသား မီးမီးတို့ ခြောက်လအရွယ်မှာ ကလေး သွားလေးတွေ စတင်ပြီး ပေါက်လာခဲ့ပါတယ်။ အဲဒီအချိန်မှာ မေမေတို့ရဲ့ ချိုချိုနို့ရည်ဟာ သားသား မီးမီးတို့ရဲ့ ခန္ဓာကိုယ်ဖွံ့ဖြိုးကြီးထွားဖို့ အာဟာရတွေ ပြီးပြည့်စုံစွာ ပါဝင်လို့ အကောင်းဆုံးပေါ့နော်။ ဒါပေမယ့် နို့စို့ပြီး သွားလေးတွေကို သန့်ရှင်းရေး မလုပ်ဘူးဆိုရင်တော့ မိခင်နို့ရည်ဟာ သားသား မီးမီးလေးတို့ရဲ့ ငယ်သွားလေးတွေကို သွားပိုးစားစေပါတယ်တဲ့။ သွားပိုးစားရင် သွားကိုက် သွားနာလို့ သားသား မီးမီးတို့ ငိုကြပြီပေါ့။ အဲဒီအခါမျိုးဆို မေမေတို့က သွားဆေးခန်းကို လာရောက်ပြသပေးကြရောပေါ့။ သားသား မီးမီးတို့ကလည်း အန်တီတို့ သွားဆရာဝန်တွေကို မြင်တာနဲ့ ကြောက်ပြီး ငိုကြပါလေရော။ ဒါကြောင့် ကျမတို့ သွားဆရာဝန်များသည် ကလေးငယ်များကို 1st visit တွင် ဆူညံသော စက်ကိရိယာပစ္စည်းများ၊ ဆေးထိုးအပ်များ သုံးရမယ့် ကုသမှုမျိုးများကို မပေးကြသေးဘဲ ကလေးနဲ့ ရင်းနှီးအောင် မိတ်ဖွဲ့ခြင်း ပြုလုပ်ရပါတယ်။ ဥပမာ- ကလေးရဲ့ သွားလေးများကို ဖလိုရိုက်ဒ် ဆေးလိမ်းပေးခြင်းမျိုးဖြင့် အစပျိုးယူရပါတယ်။ 2nd visit မှသာ လိုအပ်တဲ့ ကုသမှုမျိုးကို ပြုလုပ်ရပါတယ်။ သားသား မီးမီးတို့မှာ သွားကိုက် သွားနာလို့ ငိုရသလို မိဘများမှာလည်း သွားဆေးခန်းကို လာရောက်ပြသရလို့ အချိန်ကုန် ငွေကုန်ရပါတယ်။ ဒါ့ကြောင့် သားသား မီးမီးတို့တွေ သွားပိုးစားရောဂါတွေမှ ကင်းဝေးအောင် ကလေး သွားကျန်းမာရေးအကြောင်း ပြောပြချင်ပါတယ်။ ကိုယ်တိုင် သွားမတိုက်နိုင်သေးတဲ့ ကလေးငယ်လေးများကို မိဘများက ကူညီ သွားတိုက်ပေးရပါမယ်။ သွားတိုက်ပေးလို့ မရသေးသော လသားအရွယ် ကလေးများကိုတော့ သန့်ရှင်းတဲ့ဂွမ်းကို အသုံးပြုကာ ရေဖြင့် ဆေးကြော သန့်စင်ပေးရပါမယ်။ ကလေး အရွယ်ရောက်လာတဲ့အခါ သွားတိုက်နည်းကို သင်ကြားပြပေးရပါမည်။ သွားလေးတွေရဲ့ မျက်နှာပြင်ပေါ်မှာရှိတဲ့ စားကြွင်းစားကျန်များ အားလုံးကို သေချာစွာ ဖယ်ရှားပေးဖို့ ပြောကြားပေးပါ။ သွားရဲ့ မျက်နှာပြင်တွေကို အထက်အောက် ဒေါင်လိုက် တိုက်ပြပေးပါ။ အစာဝါးတဲ့ မျက်နှာပြင်တွေကိုလည်း တိုက်ပြပေးဖို့ မမေ့ပါနဲ့။ လက်ကိုင်မာပြီး နူးညံ့တဲ့ အမွေးလေးတွေ ပါတဲ့ သွားတိုက်တံလေးတွေကို ရွေးချယ်ပြီး ဝယ်ပေးပါ။ လက်ကိုင်သေးတဲ့ သွားတိုက်တံ ဖြစ်ဖို့လည်း မမေ့ပါနဲ့။ ဒါမှသာ ကလေးငယ်လေးများက သွားတိုက်တံကို မြဲမြံစွာ ကိုင်တွယ်နိုင်မှာပါ။ သွားတိုက်တံရဲ့ ခေါင်းဟာလည်း ၂ စင်တီမီတာထက် မရှည်တဲ့ သွားတိုက်တံဖြစ်ဖို့ လိုပါတယ်။ သွားတိုက်ဆေးမှာလည်း ဖလိုရိုက်ဒ် ပါဝင်ရပါမယ်။ မနက်စာစားပြီး တကြိမ် ညအိပ်ရာမဝင်ခင် သွားတိုက်ဖို့ မိဘများက အမြဲသတိပေးပါ။ တခါတရံမှာ ကလေးတွေဟာ ဆော့ကစားနေတဲ့ အချိန်တွေကြောင့် သွားတိုက်ဖို့ မေ့သွားတတ်ကြပါတယ်။ ကလေးတွေ ဖြစ်တာကြောင့် သွားတိုက်ဖို့ ဘာကြောင့် အရေးကြီးလဲဆိုတာ သိချင်မှသိမှာပါ။ ဒါကြောင့် မိဘများက သွားပိုးစားရင် သွားတွေ ကိုက်လာ နာလာမှာလို့ သတိပေးစကားများ ထပ်ခါ ထပ်ခါ ပြောပေးရပါမယ်။ သွားတခါ တိုက်ရင် နှစ်မိနစ် သုံးမိနစ် ကြာအောင် တိုက်သင့်ကြောင်းကိုလည်း ငယ်ငယ်လေးကတည်းက အကျင့်ကောင်းကို ကြီးသည်ထိ စွဲမြဲသွားစေရန် တိုက်တွန်း ပြောကြားပေးသင့်ပါတယ်။ သွားနှစ်ချောင်းကြားထဲမှာရှိတဲ့ အစာကြွင်းအစာကျန်တွေကို ဖယ်ရှားဖို့အတွက်လည်း သွားပွတ်ကြိုးကို အသုံးပြု ပေးသင့်ပါတယ်။ သွားဆရာဝန် ပြသပေးထားတဲ့ မှန်ကန်သော သွားပွတ်ကြိုး အသုံးပြုနည်းနဲ့ မိဘများက ပြုလုပ်ပေးရပါမယ်။ သွားပွတ်ကြိုး အသုံးပြုပြီး နောက် သွားနှစ်ချောင်းကြားထဲက ထွက်လာသော ဗက်တီးရီးယားများ၊ အစာကြွင်း အစာကျန်များအား ဖယ်ရှားပစ်ရန် သေချာစွာ ရေဖြင့် ပလုတ်ကျင်းပေးပါ။ သကြားပါဝင်မှု နည်းသော၊ အာဟာရ ပြည့်ဝသော၊ သွားပိုးစားခြင်း မဖြစ်စေသော အသား ငါး၊ လတ်ဆတ်သော အသီးအနှံ ဟင်းသီးဟင်းရွက်များ၊ ပေါင်မုန့်၊ ထောပတ်၊ ချိစ့် … စသည်တို့ကို ရွေးချယ်ကာ စားသုံးပေးရပါမယ်။ သကြားပါဝင်မှု နည်းသော၊ အဆီပါဝင်မှု နည်းသော၊ သင့်တင့်မျှတသော ပရိုတင်း ပါဝင်သော အစားအစာများဟာ သွားကျန်းမာရေးအတွက်သာမက ခန္ဓာကိုယ်တခုလုံးရဲ့ ကျန်းမာရေးအတွက်ပါ အလွန်ကောင်းမွန်လှပါသည်။ သကြား ပါတဲ့ မုန့်ပဲသရေစာများ၊ အချိုများကို လုံးဝ စားသုံးရမည် မဟုတ်ပါ။ နေ့လယ် သရေစာအနေနဲ့ စားသုံးခြင်းထက် ထမင်းစားပြီးနောက် စားရန် အကြံပေးချင်ပါသည်။ အကယ်၍ ထမင်းစားပြီး အချိန်ကြာမှ စားသုံးဖြစ်ခဲ့တယ် ဆိုရင်လည်း စားပြီးနောက် ရေဖြင့် သေချာစွာ ပလုတ်ကျင်းပေးပါ။ သားသား၊ မီးမီးလေးတို့ သွားပိုးစားရောဂါမှ ကင်းဝေးပြီး ထူးချွန်ထက်မြတ်တဲ့ နိုင်ငံ့သားကောင်းရတနာလေးများ ဖြစ်ပါစေလို့ ဆုတောင်းပေးရင်း အန်တီ သွားဆရာဝန် ဒီလတော့ ဒီမှာပဲ ရပ်နားလိုက်ပါရစေရှင့် ...။ ဒေါက်တာနေနွယ်သန်း(သွားဆေး/မန်း)