မောင်တောတွင် ဟိန္ဒူဘာသာဝင်ရုပ်အလောင်း ၂၈ လောင်း တူးဖော်ရရှိ
3.1K
ရခိုင်ပြည်နယ် မောင်တောမြို့နယ် ရဲဘော်ကျကျေးရွာ အနောက်မြောက်ဘက် မီတာ ၁၂၀၀ အကွာ မြေကျင်းတွေထဲကနေ ဟိန္ဒူဘာသာဝင်တွေရဲ့ ရုပ်အလောင်း ၂၈ လောင်းကို တူးဖော်ရရှိခဲ့တယ်လို့ အစိုးရ သတင်းထုတ်ပြန်ရေးကော်မတီက စက်တင်ဘာ ၂၄ ရက်က ထုတ်ပြန်ပါတယ်။
သေဆုံးသွားတဲ့သူတွေဟာ ARSA အစွန်းရောက် အကြမ်းဖက်သမားတွေက သြဂုတ် ၂၅ ရက်နေ့က ဖမ်းခေါ်ဆောင်ပြီး သတ်ဖြတ်လိုက်တဲ့အထဲက ရုပ်အလောင်းတွေ ဖြစ်တယ်လို့ ဆိုပါတယ်။
ရုပ်အလောင်းတွေထဲမှာ ကလေးငယ်တွေ အပါအ၀င် အမျိုးသား ၂၀ နဲ့ အမျိုးသမီး ၈ လောင်း ပါဝင်ပါတယ်။
အကြမ်းဖက်မှုတွေကြောင့် စစ်တွေကို ရောက်ရှိနေတဲ့ ဟိန္ဒူဘာသာဝင် ဦးနီမောလ်ရဲ့ ပြောပြချက်အရ လုံခြုံရေးတပ်ဖွဲ့ဝင်တွေက ရှာဖွေရာကနေ တွေ့ရှိခဲ့တာလို့ သိရပါတယ်။
အကြမ်းဖက်သမားတွေက မောင်တောမြို့နယ် ရဲဘော်ကျကျေးရွာက ဟိန္ဒူဘာသာဝင် ၁၀၀ လောက်ကို ဖမ်းဆီးပြီး အဲဒီထဲကနေ သတ်ဖြတ်လိုက်တဲ့ အလောင်းတွေကို ရှာဖွေ တွေ့ရှိတာလို့ အစိုးရ ထုတ်ပြန်ချက်က ဆိုပါတယ်။
