မိုး​ပြာ​ရောင်ဆရာ​တော်လို့​ လူသိများ​တဲ့​ ပစ္စုပ္ပန်ကမ္မဝါဒ ဘုန်း​ကြီး​ဦး​ဥာဏကို ကချင်ပြည်နယ် မြစ်ကြီး​ နား​ထောင်မှာ ​ထောင်ဒဏ် အနှစ် (၂၀) ချမှတ်ခံရတာဟာ ဘာသာ​ရေး​ လွတ်လပ်ခွင့်​မရှိမှုနဲ့​ လွတ်လပ်စွာ အသင်း​အဖွဲ့​ ဖွဲ့​စည်း​ခွင့်​ မရှိဖြစ်​နေတယ်လို့​ အာရှလူ့အခွင့်​အ​ရေး​ကော်မရှင်က ဒီ​နေ့​မှာ ထုတ်​ဖော် ​ပြောဆိုပါတယ်။

[caption id="attachment_22922" align="alignleft" width="247" caption="​ဦး​ဥာဏ"][/caption]

မိုး​ပြာ​ရောင်ဦး​ဥာဏဟာ မန္တ​လေး​တိုင်း​ ပုသိမ်ကြီး​မြို့​နယ်က အနုပါဒါယဉ်​ကျေး​မှု တရား​ဌာနမှာ သီး​တင်း​ သုံး​နေစဉ်မှာ ၂၀၁၀ ​ဖေ​ဖော်ဝါရီ ၁၂ ရက်​နေ့​မှာ ဖမ်း​ဆီး​ခံခဲ့​ရပြီး​ ဘာသာ​ရေး​ပုဒ်မ​တွေနဲ့​ တရား​စွဲဆိုပြီး​ ​ထောင်ဒဏ်အနှစ် ၂၀ ချမှတ်ခံထား​ရတာပါ။

မိုး​ပြာ​ရောင် ဦး​ဥာဏဟာ ပစ္စုပ္ပန်ကမ္မဝါဒ ဗုဒ္ဒဘာသာကို တည်​ထောင်ခဲ့​သူဖြစ်ပြီး​ ၁၉၈၃ ခုနှစ်ကတည်း​ ​ထေရဝါဒဗုဒ္ဓဘာသာကို စွန့်​လွှတ်ထား​သူလည်း​ ဖြစ်ပါတယ်။ ပစ္စုပ္ပန်ကံမဝါဒ ဗုဒ္ဓဘာသာဟာ ​ထေရာဝါဒနဲ့​ မတူတဲ့​ သီး​ခြား​ဗုဒ္ဓဘာသာ တခုဖြစ်တယ်လို့​ မိုး​ပြာ​ရောင်ဦး​ဥာဏ တပည့်​သာဝါက​တွေက ​ပြောပါတယ်။

မိုး​ပြာ​ရောင် ဦး​ဥာဏဟာ ၁၉၈၃ ကလည်း​ သာသနာတော်ကို ညှိုး​နွှမ်း​စေမှုနဲ့​ အပြစ်​ပေး​ခံပြီး​ ​နောက် တခါ ဒီအမှုနဲ့​ပဲ ပြန်ပြီး​ တရား​စွဲအပြစ်​ပေး​တာဟာ အမှုတစ်ခုကို နှစ်ခါအပြစ်​ပေး​ခံရတာဖြစ်လို့​ တရား​မျှတမှု မရှိဘူး​လို့​ ဥပ​ဒေ အကျိုး​ဆောင် ဦး​အောင်သိန်း​ကလည်း​ ဒီဗွီဘီကို ​ပြောပါတယ်။

“ကျ​နော်တို့​က သူ့​ကို ဘာသာ​ရေး​ ယုံကြည်ချက် အကျဉ်း​သား​လို ဖြစ်​နေတာပဲ။ ဗုဒ္ဓဘာသာက သူ့​ဘာသာသူ လမ်း​ခွဲထွက်ပြီး​တော့​ အပြာဝတ်ပြီး​ ရပ်တည်​နေတဲ့​သ​ဘော​ပေါ့​။ သူ့ Ism (အယူဝါဒ) တမျိုး​ပေါ့​။ ကျ​နော် သူ့​အယူဝါဒကို မ​ပြောလိုဘူး​။ ကျ​နော် ​ပြောတာက ဥပဒေဆိုင်ရာကိစ္စကို ​ပြောတာပါ။ ဥပ​ဒေက ချပြီး​သား​ အမှု​တွေကို ထပ်ပြီး​ချတယ်။ ”

မိုး​ပြာ​ရောင်ဂိုဏ်း​ဝင် ဦး​ဥာဏရဲ့​ တပည့်​သာဝက​တွေကလည်း​ သမ္မတဦး​သိန်း​စိန်နဲ့​ အမျိုး​သား​ လူအခွင့်​အ​ရေး​ကော်မရှင်ဆီကို စာတင် အ​ကြောင်း​ကြား​ထား​တယ်လို့​လည်း​ ​ပြောပါတယ်။