ဇနီးအယောက် ၁၂၀ ရှိ ထိုင်း ရပ်ကွက်အုပ်ချုပ်ရေးမှူး လူမှုကွန်ရက်တွင် နာမည်ကြီး

ဓာတ်ပုံ - ယူကျု
ဇနီး အယောက် ၁၂၀ ရှိပြီး သားသမီး ၂၈ ဦးရှိတဲ့ ထိုင်းအမျိုးသားတယောက်အကြောင်း ခုရက်ပိုင်းတွေအတွင်း ထိုင်းသတင်းမီဒီယာနဲ့ လူမှုကွန်ရက်တွေမှာ နာမည်ကြီးနေပါတယ်။ ထိုင်းနိုင်ငံအလယ်ပိုင်း နခွန်းနာယုဒ်ခရိုင် နခွန်းနာယုဒ်မြို့ ဖရုမ်းမနီးရပ်ကွက်က ရပ်ကွက်အုပ်ချုပ်ရေးမှူး နိုင်းပရဆစ် ဆေစွေ (အသက် ၅၈) နှစ်ဆိုသူမှာ ဇနီးအယောက်တရာကျော်ရှိကြောင်း သတင်းတွေ ထွက်ပေါ်နေတဲ့အတွက် အမှန်တကယ်ဟုတ်မဟုတ် AMARIN TV သတင်းထောက်က နယ်မြေထဲကွင်းဆင်း  သတင်းထောက်လှမ်းခဲ့ရာမှာ ကာယကံရှင်ကိုယ်တိုင်က ဟုတ်မှန်ကြောင်း ဝန်ခံခဲ့တာပါ။ နိုင်းပရဆစ်က သူဟာ အမျိုးသမီး ၁၂၀ ဦးနဲ့ အိမ်ထောင်ကျခဲ့ဖူးကြောင်း၊ ဒါပေမယ့် အဲဒီအမျိုးသမီးတွေကို တပြိုင်တည်းယူထားတာမဟုတ်ဘဲ တယောက်ပြီးမှ တယောက်ယူကာ လက်ရှိ အသက် ၂၇ နှစ်ရွယ် ဇနီးသည်တဦးသာရှိကြောင်း သူက သတင်းထောက်တွေကို ပြောပါတယ်။ အခုလို မြာစွံရတဲ့ လျှို့ဝှက်ချက်နဲ့ အိမ်ထောင်ဆက်များရတဲ့ အကြောင်းကို မေးမြန်းရာမှာ နိုင်းပရဆစ်က သူဟာ အသက် ၁၇ နှစ်မှာ သူ့ထက် ၂ နှစ်ငယ်တဲ့ မိန်းကလေးနဲ့ စတင်အိမ်ထောင်ကျပြီး သားသမီး ၃ ယောက် ရှိခဲ့ကြောင်း၊ သူယူတဲ့အမျိုးသမီးတိုင်းဟာ သူ့ထက်ငယ်သူတွေ၊ သူ့စကားနားထောင်သူတွေသာဖြစ်ပြီး သူ့ထက်ကြီးတဲ့ မိန်းမတွေကိုတော့ အငြင်းသန်လို့ မကြိုက်ဘူးလို့ ဆိုပါတယ်။ သူဟာ အမျိုးသမီးတွေပေါ် နားလည်စာနာမှု၊ အမျိုးသမီးသိက္ခာကို လေးစားမှု၊ တာဝန်ယူ ထောက်ပံ့မှုတွေရှိကြောင်း၊ သူ့ရဲ့ အဓိကအလုပ်ဟာ ဆောက်လုပ်ရေးပစ္စည်း ရောင်းဝယ်ရေးနဲ့  ဆောက်လုပ်ရေး ကန်ထရိုက်တာတဦးလည်း ဖြစ်တာကြောင့် ထိုင်းနိုင်ငံအနှံ့ကို ရောက်ခဲ့ရပြီး ရောက်တဲ့နေရာတိုင်းလိုလိုမှာ အိမ်ထောင်ကျခဲ့ကာ သူနေတဲ့ နခွန်းနားယုဒ်ခရိုင် တခုတည်းမှာတင် ဇနီး ၂၂ ဦးရှိပြီး တခြား ထိုင်းနိုင်ငံမြောက်ပိုင်း၊ အရှေ့ပိုင်း၊ အနောက်ပိုင်း အားလုံးလိုလိုမှာလည်း ဇနီးတွေရှိကြောင်း၊ မရှိတာတော့ တောင်ပိုင်းတခုပဲ ကျန်တော့တယ်လို့ နိုင်းပရဆစ်က ပြောပါတယ်။ သူနဲ့ချစ်ကြိုက်ခဲ့တဲ့ မိန်းကလေးတိုင်းကို သူက လူကြီးစုံရာနဲ့ သိက္ခာရှိရှိ တောင်းရမ်းလက်ထပ်ခဲ့ပြီး အိုးအိမ်ထူထောင်ပေးခဲ့ကြောင်း၊ သားသမီးတွေကိုလည်း ဝတ္တရားမပျက် ကျွေးမွေးထောက်ပံ့နေရာမှာ အကြီးဆုံးသားက အသက် ၄၀ နှစ်အရွယ် ဆေးတက္ကသိုလ်ကျောင်းသားတဦးဖြစ်ပြီး အသက်အငယ်ဆုံးက လက်ရှိဇနီးနဲ့ရတဲ့ ၃ နှစ်အရွယ် သမီးလေးဖြစ်တယ်လို့ ဆိုပါတယ်။ ဒါပေမယ့် သူဟာ အဲဒီအမျိုးသမီးတွေနဲ့ တပြိုင်တည်းယူတာမဟုတ်ဘဲ တယောက်ပြီးမှ တယောက်ယူတာဖြစ်ကြောင်း၊ ဇနီးချင်း ဝန်တိုပြီး ရန်ဖြစ်တာတွေ ရှိခဲ့ဖူးပေမယ့် သူပြောလိုက်ရင် ငြိမ်သွားကြကြောင်း၊ သူ့မှာ အသစ်တွေ့နေပြီဆိုရင် ဇနီးဟောင်းနဲ့ ကြေလည်အောင်ဆွေးနွေးကာ အမျိုးသမီးတွေကလည်း သဘောတူကြကြောင်း၊ တချို့အမျိုးသမီးတွေလည်း နောက်အိမ်ထောင် အသီးသီးရှိကုန်ပြီလို့ နိုင်းပရဆစ်က ပြောပါတယ်။ သူဟာ အဲဒီအမျိုးသမီးတွေကို တကယ်ချစ်မြတ်နိုးခဲ့တာကြောင့် တခါက သူ့မှာ စီးပွားရေးကျဆင်းပြီး လဲပြိုမလိုဖြစ်စဉ် ဇနီးဟောင်းတွေက ပြန်ပြီး ဝိုင်းဝန်းထောက်ပံ့ပေးခဲ့တယ်လို့ ဆိုပါတယ်။ သူ့အနေနဲ့ ဇနီးဟောင်းတွေရဲ့ နာမည်နဲ့ ဂုဏ်သိက္ခာကို ငဲ့ညှာပြီး ဒီကိစ္စ ဟိုးလေးတကြော် မဖြစ်စေလိုကြောင်း၊ သူတို့ အိမ်ထောင်ရေးတွေလည်း ထိခိုက်မှာ စိုးရိမ်ကြောင်း၊ ဒါပေမယ့် သူကမှ မရှင်းပြရင် ကောလာဟလ မမှန်ကန်မှုတွေပါ ပါလာမှာစိုးလို့ သတင်းထောက်တွေကို ခုလိုဖြေကြားရတာလို့ ဆိုပါတယ်။ ခင်ပွန်းသည် နိုင်းပရဆစ်မှာ နောက်တယောက်ထပ်တွေ့ရင် ဘယ်လိုလုပ်မလဲလို့  လက်ရှိ ဇနီးဖြစ်သူ နမ့်ဖွန်ကို သတင်းထောက်က မေးမြန်းရာမှာ သူမက သူ့ခင်ပွန်း စိတ်ချမ်းသာဖို့သာ အဓိကဖြစ်တယ်လို့ ဖြေကြားသွားပါတယ်။ နိုင်းပရဆစ်ဟာ ပြီးခဲ့တဲ့ စက်တင်ဘာ ၅ ရက်နေ့က သူ့ရဲ့ ၅၈ နှစ်ပြည့် မွေးနေ့အခမ်းအနားကို ကျင်းပခဲ့ပြီး ဇနီးဟောင်းနဲ့ သားသမီးတွေပါ လူစုံတက်စုံ တက်ရောက်ခဲ့ကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up