ချန်ပီယံလိဂ် အဖွင့်ပွဲတွင် မန်ယူက ဘေဆယ်ကို ၃ ဂိုး ဂိုးမရှိဖြင့် အနိုင်ယူ (ရုပ်သံဟိုက်လိုက်)

၂၀၁၇-၂၀၁၈ ဘောလုံးရာသီ ဥရောပ ချန်ပီယံလိဂ် အုပ်စု အေ အဖွင့်ပွဲစဉ်အဖြစ် အင်္ဂလန်ထိပ်သီး မန်ချက်စတာယူနိုက်တက်နဲ့ ဆွစ်ဇာလန်ကလပ် ဘေဆယ်တို့ မနေ့ညက ယှဉ်ပြိုင်ရာ မန်ယူက ၃ ဂိုး ဂိုးမရှိနဲ့ အနိုင်ရသွားပါတယ်။ မန်ယူဟာ နောက်တန်းမှာ ပွဲပယ်ခံထားရတဲ့ ဖီးလ်ဂျုံးစ်နဲ့ ဘိုင်လီတို့နေရာမှာ စမောလင်းနဲ့ လင်ဒီလော့ဖ်အတွဲကို အသုံးပြုခဲ့သလို ဗလင်စီယာနေရာမှာ အက်ရ်ှလေယန်းနဲ့ ပွဲထုတ်ခဲ့တာပါ။ ကွင်းလယ်မှာတော့ ပေါ့ဂ်ဘာ၊ မာတစ်၊ မာတာ၊ မစ်ခီတာယန်းတို့ကို အသုံးပြုခဲ့ပြီး တိုက်စစ်မှာ မာရှယ်နဲ့ လူကာကူအတွဲနဲ့ ပွဲထွက်ခဲ့ပါတယ်။ ပွဲချိန် ၁၉ မိနစ်မှာ ပေါ့ဂ်ဘာ ဒဏ်ရာရသွားတဲ့အတွက် ဖယ်လိုင်နီနဲ့ လူစားလဲပြီး ယှဉ်ပြိုင်ခဲ့တာပါ။ မန်ယူဟာ အိမ်ကွင်းမှာ ကစားရတဲ့ ဒီပွဲကို အကောင်းဆုံးပုံစံနဲ့ ကစားနိုင်ခဲ့ပြီး ဘောလုံးပိုင်ဆိုင်မှုအသာ၊ ဂိုးကန်သွင်းခွင့် အသာစီး ရခဲ့ပါတယ်။ ပွဲချိန် ၃၅ မိနစ်မှာ လူစားဝင်ကစားသမား ဖယ်လိုင်နီက ခေါင်းတိုက်ဂိုးနဲ့ မန်ယူအတွက် အဖွင့်ဂိုး ရယူပေးခဲ့ပြီး ပထမပိုင်းကို ၁ ဂိုး ဂိုးမရှိနဲ့ ဦးဆောင်ထားနိုင်ခဲ့ပါတယ်။ မန်ယူအတွက် ဒုတိယဂိုးကို ပွဲချိန် ၅၃ မိနစ်မှာ တိုက်စစ်မှူး လူကာကူက ခေါင်းတိုက်ပြီး သွင်းယူပေးခဲ့သလို ၈၄ မိနစ်မှာ လူစားဝင်တိုက်စစ်မှူး ရပ်ရ်ှဖို့ဒ်က တတိယဂိုး သွင်းယူပေးခဲ့လို့ ပွဲအပြီးမှာ မန်ယူ ၃ ဂိုး ဂိုးမရှိနဲ့အနိုင်ရပြီး ချန်ပီယံလိဂ် အဖွင့်လှခဲ့ပါတယ်။ မန်ယူအတွက် လူစားဝင်ပြီး အဖွင့်ဂိုး သွင်းယူပေးခဲ့တဲ့ ဖယ်လိုင်နီကို ဒီပွဲအတွက် အကောင်းဆုံးကစားသမားအဖြစ် သတ်မှတ်ခဲ့ပါတယ်။ အုပ်စု အေ တခြားပွဲစဉ်မှာတော့ ရုရှားကလပ် စီအက်စ်ကေအေ မော်စကိုက ပေါ်တူဂီကလပ် ဘင်ဖီကာကို ၂ ဂိုး ၁ ဂိုးနဲ့ အနိုင်ရသွားပါတယ်။

More News
Up