ကမ္ဘာ့အရပ်အရှည်ဆုံးနှင့် ခြေတံအရှည်ဆုံး မော်ဒယ်အဖြစ် ဂရင်းနစ်မှတ်တမ်း ၂ ခုဝင် (ရုပ်သံ)

ရုရှားနိုင်ငံ ပန်ဇာမြို့က အသက် ၂၉ နှစ်အရွယ် ခြေတံရှည်အလှမယ် အီကာတရီနာလစ်ဆီနာဟာ ကမ္ဘာ့စံချိန် ဂရင်းနစ်မှတ်တမ်း ၂ ခု ဝင်ခဲ့တယ်လို့ သိရပါတယ်။ သူမရဲ့ ၆ ပေ ၉ လက်မနီးပါးရှိတဲ့ အရပ်ကြောင့် ကမ္ဘာ့အရှည်ဆုံး မော်ဒယ်တဦးအဖြစ် ဂရင်းနစ်မှတ်တမ်း ဝင်ခဲ့သလို သူမရဲ့ ဘယ်ဘက်ခြေတံက ၅၂.၂ လက်မ ရှည်ပြီး သူမရဲ့ညာဖက်ခြေတံက ၅၂ လက်မ အရှည်ရှိကာ ကမ္ဘာ့ခြေတံအရှည်ဆုံး အမျိုးသမီးလည်းဖြစ်တယ်လို့ ဆိုပါတယ်။ “မှတ်တမ်းဝင်ဖို့ လပေါင်းများစွာ ကြိုးစားခဲ့ရတယ်၊ ကျမ အရမ်း စိတ်လှုပ်ရှားပါတယ်၊ အကြိမ်ပေါင်းများစွာလည်း တိုင်းတာခံခဲ့ရတယ်” လို့ အီကာတရီနာက ပြောပါတယ်။ အီကာတရီနာရဲ့ အကိုက အရပ် ၆ ပေ ၆ လက်မ ရှိပြီး ဖခင်က ၆ ပေ ၅ လက်မ ရှိတယ်၊ မိခင်ကတော့ ၆ ပေ ၁ လက်မ ရှိတယ်လို့ သိရပါတယ်။ “ကျမသက်တမ်းတလျှောက်လုံး လမ်းပေါ်မှာ လူတွေက ကျမကို ကြည့်တာ ခံခဲ့ရတယ်။ ရုရှားမှာတော့ လူတွေက ဓာတ်ပုံရိုက်ဖို့ မတောင်းဆိုပါဘူး။ ဒါပေမယ့် သူတို့ ငြိမ်သွားပြီး ကျမကို စိုက်ကြည့်တော့တာပဲ။ မင်းက ထိုင်နေတုန်း တယောက်ယောက်က အနားရောက်လာတယ်၊ မင်းအရပ်အရမ်းရှည်မယ်လို့ မျှော်လင့်မထားတာက တကယ်ကို ရယ်စရာကောင်းတယ်၊ ပြီးတော့ ကျမလည်း ရပ်လိုက်ရော သူတို့တွေရဲ့ မျက်နှာအမူအရာ ပြောင်းတာကို မြင်ရတယ်” လို့ အီကာတရီနာက ပြောပါတယ်။ “ကျမ အသက်ကြီးလာတော့ ကျမရဲ့ ၁၄ ပေအရွယ် ခြေထောက်နဲ့တော်ဖို့ အမျိုးသား ရူးဖိနပ်တွေ စီးခဲ့ရတယ်။ အဲဒါက တော်တော် စိတ်ပျက်စရာပဲ။ ကျမ မိန်းကလေးအဆန်ဆုံး ဖိနပ်ကို ရှာနိုင်သလောက်ရှာရတယ်၊ ဘယ်တော့မှ ဒေါက်မြင့်ဖိနပ်တော့ မစီးဘူး” လို့ သူမက ပြောပါတယ်။ သူမက ၂၀၀၈ ခုနှစ် ဘေဂျင်းအိုလံပစ်ပြိုင်ပွဲမှာ ရုရှားဘက်စကက်ဘောအသင်းနဲ့ ကြေးတံဆိပ်ရခဲ့ပြီး အရပ်ရှည်တဲ့ အမျိုးသမီးတွေအတွက် ထုတ်လုပ်တဲ့ ကုန်ပစ္စည်းအမှတ်တံဆိပ်ရဲ့ မော်ဒယ်အဖြစ် ခုချိန်မှာ သူမက လုပ်ကိုင်နေပြီး အင်စတာဂရမ်ပေါ်မှာ နှစ်သက်သူပရိသတ် ၁ သောင်း ၂ ထောင် ရှိတယ်လို့ သိရပါတယ်။ လက်ရှိအချိန်မှာ သူမက အသက် ၆ နှစ်အရွယ် သားဖြစ်သူနဲ့နေထိုင်ပြီး သားကလည်း အရွယ်တူ ကလေးတွေထက် အရပ်မြင့်တယ် သူမရဲ့ အိမ်တံခါးဘောင်တွေကိုလည်း ၇ ပေအထိ မြှင့်ထားရတယ်လို့ ဆိုပါတယ်။ သူမရဲ့ ရှည်လျားတဲ့ ခြေထောက်တွေ ဆန့်ဖို့ ၂၀၀၉ မော်ဒယ် Nissan Murano ကားကို စီးရတယ်လို့ သည်ဆန်းသတင်းတပုဒ်မှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up