ဒေသခံများအလိုရှိသည့်နေရာ၌ တံတားမဆောက်သဖြင့် လွှတ်တော်အမတ်ကို ဆန္ဒပြ

  ဧရာဝတီတိုင်း ကျုံပျော်မြို့နယ် အင်းရဲ ကျေးရွာ အမှတ် ၃ ရပ်ကွက်နဲ့အမှတ် ၄ ရပ်ကွက်က ဒေသခံအချို့က တိုင်းဒေသကြီးလွတ်တော်ကိုယ်စားလှယ်အပါအဝင် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနနဲ့ ကျေးရွာအုပ်ချုပ်ရေးမှူးတို့ကို ဒီကနေ့ ကျုံပျော်မြို့ပေါ်မှာ ဆန္ဒပြခဲ့ကြပါတယ်။ အင်းရဲ-ရုံးပင်-ဆည်လေး လမ်းပေါ်က အင်းရဲကျေးရွာက တံတားအသစ် ပြန်လည် တည်ဆောက်ဖို့လျာထားတာမှာ ဒေသခံတွေအလိုရှိတဲ့ မူလတံတားနေရာမှာ မဟုတ်ဘဲ တခြားနေရာမှာ ဆောက်လုပ်ဖို့ ရွှေ့ပြောင်း လျာထားတာပါ။ မူလတံတားနဲ့ အသစ်တည်ဆောက်ဖို့ လျာထားတဲ့ နေရာကတော့ ပေ ၄၀၀ ကွာဝေး ပါတယ်။ တံတားအသစ်ကို နေရာပြောင်းရွှေ့တည်ဆောက်မယ်ဆိုရင်တော့ လူနေအိမ်နဲ့ ဝေးတာကြောင့် လမ်းတံတားကို အမှီပြုရောင်းဝယ်တဲ့ ဒေသခံအချို့ အဆင်မပြေတော့ တာကြောင့် ဆန္ဒထုတ်ဖော်ရတာဖြစ်တယ်လို့ ဆန္ဒပြရာမှာဦးဆောင်သူတစ်ဦးဖြစ်တဲ့ ဦးသိန်းလွင်ကပြောပါတယ်။ လွှတ်တော်ကိုယ်စားလှယ်အပါအဝင် သက်ဆိုင်ရာဌာနကတော့ မူလတံတားနေရာမှာ တံတားအသစ် တည်ဆောက်မယ်ဆိုရင် လူနေအိမ်တွေနဲ့ မလွတ်ကင်းတာတွေများတဲ့အတွက် ပြောင်းရွှေ့တည်ဆောက်တာလို့ ပြောပါတယ်။ တံတားအသစ်တည်ဆောက်ဖို့ ဆောင်ရွက်တဲ့အခါမှာတော့ နေရာမလွတ်ကင်းတာ အချို့လည်း ရှိနေပြီး အဲ့ဒီအိမ်တွေကို လျော်ကြေးပေးဖို့အတွက် ရပ်ကွက်အုပ်ချုပ်ရေးမှူးက ငွေကြေး ကောက်ခံတာတွေလည်းရှိနေတယ်လို့ ဒေသခံ ဦးခင်မောင်က ပြောပါတယ်။ အခုလိုဆန္ဒပြတာနဲ့ပတ်သက်ပြီး သက်ဆိုင်ရာ တိုင်းဒေသကြီး လွှတ်တော်ကိုယ်စားလှယ်ကို ဆက်သွယ်  မေးမြန်းခဲ့ပေမယ့် နယ်မြေဒေသ ကွင်းဆင်းနေတာကြောင့်  ဆက်သွယ်လို့ မရခဲ့ပါဘူး။  

More News
Up