မိုးညှင်းတွင် နေ့ခင်းကြောင်တောင် အိမ်ထဲဝင် အနုကြမ်းစီးသူအား ဖမ်းမိပြီ
DVB
·
August 26, 2017
ကချင်ပြည်နယ်၊ မိုးညှင်းမြို့နယ် ဟိုပင်တကွင်းကျေးရွာမှာ အမျိုးသမီးတဦးဆီကနေ ရိုက်နှက်ငွေတောင်းခဲ့ပြီး ထွက်ပြေးတိမ်းရှောင်နေသူအား သြဂုတ် ၂၅ ရက် ညက ဖမ်းမိပြီလို့ ရဲက ပြောပါတယ်။
ကချင်ပြည်နယ်၊ မိုးညှင်းမြို့နယ် ဟိုပင်တကွင်းကျေးရွာမှာ သြဂုတ် ၂၄ ရက် မွန်းလွဲ ၂ နာရီ ခွဲလောက်က နေအိမ်အတွင်းဝင်ရောက်ပြီး အမျိုးသမီးတဦးဆီက ရိုက်နှက် ငွေတောင်းမှုဖြစ်ပွားခဲ့တာပါ။
ဖြစ်ပွားပုံမှာ တရားလိုဟာ နေအိမ်မှာ ရှိနေစဉ် ရပ်ကွက် ၁၂ နေ အမဖြစ်သူ ဒေါ်မထားအား တရွာတည်းနေ အောင်ဘိုဆိုသူက ဒေါ်မထားရဲ့ နေအိမ်အတွင်း ဝင်ရောက်ပြီး ပိုက်ဆံချေးတာကို မပေးလို့ ကျောက်ခဲနဲ့ ဦးခေါင်းကို ထုရိုက်တာကြောင့် ဦးခေါင်းပေါက်ပြဲ ဒဏ်ရာတွေ ရရှိပြီး ဟိုပင်ဆေးရုံကို တင်ပို့ခဲ့ရတာပါ။
“အိမ်ရှေ့ခန်းမှာ အောင်ဘိုက ကျမကိုဖိချုပ်ထားပြီး ပိုက်ဆံ ဘယ်မှာထားလဲ၊ ပိုက်ဆံဘယ်မှာထားလဲ မေးမေးပြီး ခေါင်းကို ကျောက်ခဲနဲ့ထုတော့၊ ကျမက ပိုက်ဆံ အခန်းထဲက ဗီရို ပေါ်မှာလို့ ပြောတဲ့အခါ ကျမကိုအခန်းထဲဆွဲဝင်သွားပြီး ဗီရိုပေါ် ပိုက်ဆံသူရှာနေတဲ့အချိန် ပြတင်းပေါက်ကနေ ကျမခုန်ချပြီး အော်ဟစ်အကူတောင်းတော့မှ သူထွက်ပြေးသွားတာပါ” လို့ ဒေါ်မထားက ပြောပါတယ်။
ထွက်ပြေးသွားတဲ့ တရားခံဖို့ နယ်ထိန်းတွေနဲ့ ပူးပေါင်း ရှာဖွေဖမ်းဆီးခဲ့ရတယ်လို့ ဟိုပင်စခန်းမှူးက ပြောပါတယ်။
အောင်ဘိုကို ဟိုပင်နယ်မြေရဲစခန်းက (ပ)၂၄/၂၀၁၇ ရာဇသတ်ကြီး ဥပဒေပုဒ်မ ၄၅၂/၃၂၅ နဲ့ ဖမ်းဆီးအမှုဖွင့်ထားတယ်လို့ သိရပါတယ်။
မုန်းမုန်းမင်း
