မုံရွာတွင် တရားမဝင် လောင်းကစားဂိမ်းဆိုင်ကို ဝင်ရောက်ဖမ်းဆီး
Aung Ko Latt
·
July 25, 2017
မုံရွာမြို့၊ နန္ဒဝန်ရပ်ကွက်၊ ဗိုလ်တေဇလမ်းပေါ် ဦးရဲလင်းအောင်၊ ဦးကျော်ကျော်ထွေးတို့ နေအိမ်မှာ မနေ့ညက အကောင်ဂိမ်းလောင်းကစားနေတယ်လို့ သတင်းအရ ရဲတပ်ဖွဲ့က သက်သေတွေနဲ့ အတူသွားရောက် ရှာဖွေဖမ်းဆီးခဲ့ပါတယ်။
မြို့နယ်ရဲတပ်ဖွဲ့မှူးက လောင်းကစားနေအိမ်ဝင်ရောက်ရှာဖွေ ဖမ်းဆီးခွင့်ဝရမ်း အမှတ် (၃၂/၂၀၁၇) အရ ရှာဖွေရာ အကောင်ဂိမ်းလောင်းကစားဒိုင် ရဲလင်းအောင်၊ ကျော်ကျော်ထွေး၊ ငွေလဲလှယ်ပေးသူ မသူဇာဝင်း၊ မဖြူဖြူသင်း၊ မဖြိုးဖြိုးနှင့် လောင်းကစားနေသူ ၁၃ ဦးတို့ကို ဖမ်းဆီးရမိခဲ့တာဖြစ်ပါတယ်။
သက်သေခံပစ္စည်းတွေအဖြစ် လူ ၁၆ ဦး ဆော့ကစားရတဲ့ ခြင်္သေ့၊ ယုန်၊ မျောက်၊ ဆင်အရုပ်များပါ အပြာရောင် ဂိမ်းခုံတစ်ခု၊ လူ ၁၀ ဦးဆော့ရတဲ့ အလားတူ အစိမ်းရောင်ဂိမ်းခုံ တခု၊ လူ ၈ ဦး ဆော့ရတဲ့ အလားတူ အနီရောင် ဂိမ်းခုံတခု၊ လူ ၁၀ ဦး ဆော့ရတဲ့ အဝါရောင် ငါးမန်းဂိမ်းခုံ တခု၊ လူ ၁၀ ဦးဆော့ရတဲ့ အနက်ရောင်ငါးမန်းဂိမ်းခုံ တခု၊ စုစုပေါင်းဂိမ်းခုံ ၅ ခု၊ မော်တော်ဆိုင်ကယ်မျိုးစုံ ၂၁ စီး၊ ဟွန်ဒါဖစ် ကား ၁ စီးနဲ့ လောင်းကြေးငွေ ၈၇၆၇၀၀ ကျပ်တို့ကို ဖမ်းဆီးရမိခဲ့ပါတယ်။
နယ်မြေစခန်းမှုး ရဲအုပ်ရဲအောင်က “ကျနော်တို့ကတော့ စီမံချက်အရရော၊ သတင်းပေး တိုင်ကြားမှုအရရော လောင်းကစားမှုတွေကို ရှာဖွေဖော်ထုတ် ဖမ်းဆီးနေတာပါ။ အနည်းဆုံး ၁ လကို လောင်းကစားမှု ၂ မှု ရှာဖွေဖမ်းဆီးရပါတယ်။ စီမံချက်အရပေါ့။ နှစ်ချုပ်ပြောရရင် တနှစ်လုံး အနည်းဆုံး လောင်းကစားမှု ၅၀ ကျော် ဖမ်းဆီးနိုင်ပါတယ်"လို့ ဒီဗွီဘီကိုပြောပါတယ်။
အခုဖမ်းဆီးရမိမှုနဲ့ပတ်သက်ပြီး နယ်မြေစခန်းမှုး ရဲအုပ်ရဲအောင်က တရားလိုပြုလုပ်ကာ လောင်းကစားပုဒ်မ ၁၃(က)/၁၄(က)တို့နဲ့ အမှုဖွင့်အရေးယူထားတယ်လို့ သိရပါတယ်။
