မိုးကောင်းတွင် ကျပ်သိန်း ၅၀ နီးပါးတန်ဖိုးရှိ ဘိန်းမည်းထုပ်များ ဖမ်းမိ
DVB
·
July 17, 2017
ကချင်ပြည်နယ်၊ မိုးကောင်းမြို့နယ်၊ ပြွန်သုံးလုံးကျေးရွာမှာ ကာလတန်ဖိုး ကျပ်သိန်း ၅၀ နီးပါးရှိ ဘိန်းမည်းထုပ်တွေကို ဇူလိုင် ၁၆ ရက်နေ့ ညပိုင်းက ဖမ်းဆီးရမိခဲ့တယ်လို့ မိုးကောင်းမြို့မရဲစခန်းမှ နယ်ထိန်းခေါင်းဆောင် ရဲအုပ်ဇော်ဝင်းက ပြောပါတယ်။
ဇူလိုင် ၁၆ ရက်နေ့ ည ၇ နာရီအချိန် မိုးကောင်းမြို့မရဲစခန်းမှ နယ်ထိန်း ခေါင်းဆောင်ရဲအုပ်ဇော်ဝင်းက သက်သေတွေနဲ့အတူ မူးယစ်ဆေးဝါးသတင်းအရ ပြွန်သုံးလုံးကျေးရွာနေ ဦးမျိုးညွှန့် နေအိမ်ကို မြို့နယ်ရဲတပ်ဖွဲ့မှူးရဲ့ မူးယစ်ဆေးဝါး ဝရမ်းအမှတ် (၈၃/၂၀၁၇) နဲ့ ဝင်ရောက်ရှာဖွေခဲ့ပါတယ်။
အိမ်ရှင် ဦးမျိုးညွန့် ထွက်ပြေးသွားပြီး ဆက်လက်ရှာဖွေရာ နေအိမ်အနောက်ဘက် ဝက်ခြံတဲအနီးမှာ ရပ်ထားတဲ့ ဆိုင်ကယ်တူးဘောက်အတွင်းမှာ ပလတ်စတစ်အိတ်နဲ့ထုပ်ထားတဲ့ ဘိန်းမည်း အညိုရောင်အစေး ၁၃၅၀ ဂရမ်ခန့်ပါ ၁ ထုပ်ကို ကာလတန်ဖိုး ကျပ်သိန်း ၂၇၀၀,၀၀၀၊ အနက်ရောင် ပလတ်စတစ်အိတ်နဲ့ ထုပ်ထားတဲ့ ဘိန်းမည်း အညိုရောင်အစေး ၁၁၀၀ ဂရမ်ခန့်ပါ ၁ ထုပ် ကာလတန်ဖိုး ကျပ်သိန်း ၂၂၀၀,၀၀၀၊ စုစုပေါင်း ကာလတန်ဖိုး ကျပ်သိန်း ၄၉၀၀,၀၀၀၊ နေအိမ်အပေါ်ထပ် ရေအိုးစဉ်ပေါ်မှာ ဘိန်းဖြူ ဖြူ/ဝါမှုန့်တွေ ကပ်ငြိနေတဲ့ ပင်နယ်ဆလင်ပုလင်း ၁ လုံးတို့ကို တွေ့ရှိသိမ်းဆည်းရမိခဲ့တယ်လို့ မိုးကောင်းမြို့မရဲစခန်းမှ နယ်ထိန်းခေါင်းဆောင် ရဲအုပ် ဇော်ဝင်းက ပြောပါတယ်။
မူးယစ်ဆေးဝါးများ လက်ဝယ်ထားရှိသူ မိုးကောင်းမြို့နယ် ပြွန်သုံးလုံးကျေးရွာ နေသူ ဦးမျိုးညွန့်ကို မိုးကောင်းမြို့မရဲစခန်းက မူးစိတ်ပုဒ်မ ၁၉(က)/၂၁/ကျင့်၅၁၂ အရ အရေးယူဆောင်ရွက်နေတယ်လို့ သိရပါတယ်။
သတင်း - ကိုကိုလင်း(အင်းတော်)
